ارجو المساعدة في الاختيار E200 or Bassat or BMW

**Ragel536** · 23-02-2014 02:56 PM

السلام عليكم اهل المنتدي الكرام ,

ارجو المساعدة في اختيار العربة المناسبة لوالدي او لي ( علي حسب ) مع معرفة متوسط سعرها .

اهم حاجة تكون اعطالها قليلة و من غير عيوب تصنيع خصوصا في الفتيس و صنايعية كتير يفهمو فيها مش واحد ولا اتنين

اولا : E200 من 1993 - 1996

- للاسف مش لاقي كيلومترات اقل من 350000 هل دة معناة ان الموتور قرب يجيب اخرة ؟
- سمعت ان التكيف في الموديلات دي بيخلي العربية تسخن , يعني مشغلوش جوة المدينة , الكلام دة صح ؟

ثانيا : باسات

يا ساتر الستر استر يا رب , طبعا انا سمعت علي مشاكل الفتيس بس العربية فخمة و الواحد بيفكر و في واحد صاحبي بتاع صيانة فتيس قالي ان الموديلات اللي فيها مشاكل من 2009
و قالي ان اللي مشاكلها في الفتيس قليلة و نفس الشكل و فخامة الصالون هي 2006 و 2007 و 2008 , يا تري الكلام مظبوط علشان لو جبت عربية لوالدي و مشي بيها كام كيلو و جابت فتيس لا قدر الله مفيش داعي اقول الحاج هيعمل اية معايا

ثالثا : BMW

العربية دي خلتني الف حوالين نفسي , مش فاهملها حاجة و موديلاتها و مواتيرها كتيرة

في البداية الناس بتحذرني جدا من البي ام و خصوصا لو العارضها للبيع شاب صغير
شخصيا انا نفسي في الفئة الخامسة , الشكل يتاع 2005 بس واضح ان سعرها معدي

ايتديت ادور في الفئة الثالثة اتوماتيك , قالولي يبقي 318i و حذروني من الفتيس لحد موديلات 2001
و ناس قالت ان مفيش اصلا 318 و ان كل الموجود تقفيل مصري او تسقيط موتور 1.8 او 2.00 علي 316 !!

انا اسف علي الاطالة , بس دة انا كمان مختصر الموضوع

هل من الممكن احد من المختصين و العالمين ببواطن امور السيارات افادتي

و شكرا .

**Mohamed.Ramah** · 23-02-2014 04:56 PM

لو بى ام دابليو افضلك موديل 2006 فما فوق

316 مش حتلاقى منها غير مانيوال لحد موديلات 2010 اوتو علشان متتعبش نفسك مكنش بينزل منها مانيوال فى السنوات الاولى للشكل الجديد E90.
-318 ل 320 هتلاقى اوتو منها موديلات 2006 ولاكن بيبقو 2000 سى سى من رأى خليك فى 320 افضل

باسات 2008 تمام والDSG موجود فى موديلات 2009 بالفعل الجدل كان على اداء السيارة نظراُ لحجمها على محرك بقوة hp115 . التم تغييرة واصبح 1.4 tsi بقوة 122 حصان .

مرسيدس E200 بلاش تدخلها فى المقارنة لان بكل بساطة حتبقى موديل قديم جداٌ ممكن تشوف موديلات C180 افضلك وحقدر تبص لموديل اعلى من E فى حدود السعر دة .

لاكن لو عاوز ترتيب فرضاً ان ال 3 سيارات موديل 2008 مثلاً :
يبقى C180 يليها بى أم دابليو 320 يليها فولكس واجن باسات .... الموديل وحالة السيارة والكيلومتر بيلعبو دور كبير أكثر من ماركة السيارة .

**hany63** · 23-02-2014 05:52 PM

خليك في ال ٣١٨

**Mohamed.Ramah** · 23-02-2014 09:51 PM

المشاركة الأصلية كتبت بواسطة ragel536

شكرا جزيلا يا استاذ محمد

للاسف الc180 عالية في السعر
و الe90 سمعت انها من غير استبن و فيها بعض العيوب حسب التقرير اللي عملة novo في منتدي ال بي ام
و كمان مش لاقي كيلومترات اقل من 150000

انا معروض عليا باسات 2008 عاملة 90000 ب 127000 بس مش عارف اية حكاية بنزين 95 دي
و معروض عليا 318i موديل 2005 هاي لاين عاملة 105000 ب 140000
و 318 موديل 2003 بيزلاين ب 135000
اية رايك

الباسات جيدة بس انهى فئة ثانياً الحالة الميكانيكة والعامة للسيارة هى الحتحكم الموضوع

وشايف الباسات افضل لانها 1.6 - عداد كيلومتر اقل سنة الصنع احدث موضوع البنزين من تجارب البعض وجد الاتى :

مع بنزين 95 اداء افضل للموتور مع استهلاك اقل للوقود
مع بنزين 92 الاداء أقل مع عمل كيلومتر أقل بنفس كمية الوقود = استهلاك اعلى والعملية نسبية لجودة الوقود من محطة بنزين لاخرى دة اكيد

من رأى ترجع للتوكيل فى النقطة دة يفيدك بالرد اليقين وخد بالك انت مع ال 318 2000 سى سى 143 حصان يعنى استهلاك عالى للوقود برضو . احسبها واركب الاتنين والترتاح لية فى النهاية اشترية .