هل ممكن تنظيف ال egr بالالتراسونيك؟؟

**alameer81** · 23-02-2014 08:06 PM

السلام عليكم
عندي مشكله مزمنة ان العربية بتبطل مني علي المطبات
الموضوع زاد الفترة الي فاتت
جربت اني اطبب ال egr برده المشكلة ما راحتش
هل لو نضفته بجهاز الاتراسونيك ممكن يحصله حاجة كهربيا؟
لان الجسم المطلوب نضافته بيغمر في سائل منظف اثناء عمل الجهاز

**rakaybi** · 24-02-2014 11:13 AM

أنا عندى نفس المشكله المهببه دى

و رحت نضفت ال egr و شلت ال catalyst و غيرت فلتر بنزين و بقت طبطل منى كل ما أهدى و أوصل لمرحلة الوقوف و أنا دايس فرامل، فبقلبها مانيول علشان أقلل العيب

المفروض إن أنا النهارده رايح أشوف إيه حل الموضوع ده عند صابر

بس أنا شاكك إن السبب هو وساخة البنزين و كمان لإنى حطيت البتاع إلى بينضف التانك و الرشاشات و بيزود الأوكتين و من ساعتها و العربيه فيها مشاكل على الأول و التانى لكن بتمشى كويس على السرعات العاليه

هشوف إيه إلى هيتعمل و أقولك النتيجه

**بيشوى_رمزى** · 24-02-2014 11:18 AM

متابع

**haisam ali** · 24-02-2014 11:24 AM

متابع برضه

**Astra Lovers** · 24-02-2014 05:24 PM

المشاركة الأصلية كتبت بواسطة rakaybi

أنا عندى نفس المشكله المهببه دى

و رحت نضفت ال egr و شلت ال catalyst و غيرت فلتر بنزين و بقت طبطل منى كل ما أهدى و أوصل لمرحلة الوقوف و أنا دايس فرامل، فبقلبها مانيول علشان أقلل العيب

المفروض إن أنا النهارده رايح أشوف إيه حل الموضوع ده عند صابر

بس أنا شاكك إن السبب هو وساخة البنزين و كمان لإنى حطيت البتاع إلى بينضف التانك و الرشاشات و بيزود الأوكتين و من ساعتها و العربيه فيها مشاكل على الأول و التانى لكن بتمشى كويس على السرعات العاليه

هشوف إيه إلى هيتعمل و أقولك النتيجه

يا ريت تقولنا علنتيجه عند صابر

**a7mad_mo7amad6** · 25-02-2014 11:19 AM

المشاركة الأصلية كتبت بواسطة rakaybi

بصوا يا جماعه

أنا رحت لصابر و تأكدنا إن العربيه لسه بتقرا نفس العيب و هو 0400 و الخاص بال egr (exhaust gas recirculation

فقالى هنركب egr إستيراد نجرب بيه، و فعلا ركبته و حتى هذه اللحظه العيب الى كنت بعانى منه إختفى و الحمد لله بس طبعا متضايق من صوت الشكمان من غير الكتاليست

كلفك كام؟؟
وهو اصلا جديد بكام؟

**rakaybi** · 25-02-2014 02:34 PM

لسه ماحسبتوش

**MOHAMEDEBAID75** · 25-02-2014 06:57 PM

هو ايه الايه جى ار ده يا جماعة وده موجود فى الموتور 1600 الاسود

**rakaybi** · 26-02-2014 10:25 AM

بص يا سيدى

على حسب فهمى من إلى قريته، إن الegr ده هو عباره عن قطعه متصله بمخرج عادم الموتور و مسؤوله عن عودة جزء من العادم لغرفة الاحتراق مره أخرى لرفع عزم الموتور، و العمليه دى بتتم مع دخول كميه معينه من الوقود للموتور

إلى بيحصل إن ال egr بيعلق ساعات فمبيدخلش الكميه المطلوبه من العادم أو بيدخل كميه زياده و فى نفس الوقت البنزين الى داخل الموتور بيبقى بنفس الكميه الطبيعيه فى الوقت ده، فالى بيحصل إن الموتور يبتدى يقطع أو يبطل خالص بالذات على السرعات القليله

و الجهاز ده عباره عن اسطوانه بفتحتين من الجنب ، واحده لدخول العادم و التانيه للخروج و بين الفتحتين فيه حاجز بيفتح و يقفل باشارات كهربا من الكنترول و هو ده إلى بيعلق ف لإما يفتح بزياده أو ميفتحش

الجهاز ده موجود فى عربيات كتير و بالذات العربيات إلى موتورها قليل على البودى بتاعها، ذى الاسترا و الفيكتر c