عايز اجيب نت usb ارجو المساعدة

**Dr_Smart** · 23-02-2014 10:48 PM

السلام عليكم ... برجاء المساعدة ... عايز اجيب نت usb ايه الانظمة الموجودة وتكلفتها كام ؟؟ والاحسن ايه فودافون ، موبينيل ام اتصالات ؟؟

**amgomaa** · 23-02-2014 11:44 PM

اسرعهم واحسن خدمة عملاء فودافون بس حراميه بعد كده موبينيل اما اتصالات بحس ان تغطيتها مش قد كده فى كذا باقه فى فودافون وموبينيل خش على موقعهم و شوغف الانسب بس اللى كنت مشترك فيها 3 جيجا ب 50 ج

**Ahmed_Adham** · 23-02-2014 11:48 PM

في اختيار الشبكه افتح النت من الموبايل كذا يوم في اوقات مختلفه وشوف الشبكه هيبقى نظامها ايه معاك فبل ما تشترك لأن الشبكات جودتها بتختلف من مكان لمكان يعني أنا عندي فودافون تمام وموبينيل مبتلقطش خالص ومجربتش اتصالات.

**Dr_Smart** · 24-02-2014 01:05 AM

طيب الاسعار ايه يا جماعه ؟

**sherif67** · 25-02-2014 03:21 PM

اعتقد بإذن الله إن فودافون هي الأفضل
إشتري منهم اليو إس بي مودم ومعاه خط داتا يسجل بإسم حضرتك واختار باقة 50 جنيه في الشهر ح تديك 3 جيجا تصفح وتحميل في الشهر ولو انتهت الباقة قبل انقضاء الشهر ممكن تجدد الباقة بخمسين جنيه اخرى تعطيك نفس عدد الجيجا اوتدفع 20 جنيه مقابل 1 جيجا إضافي حتى موعد تجديد الباقة
وان شاء الله ح ترضيك جدا
ولك خالص الإحترام وبالتوفيق إن شاء الله

**MaZaGAngeE** · 06-03-2014 05:31 PM

فودافون وموبينيل لما الجيجا بتاعة الاشتراك بتخلص بيقفل النت ولازم تشتري جيجا تاني
اتصالات لما الجيجا بتخلص السرعة بتنزل بس بتفضل شغالة طول الشهر لجد ما تجدد

**MohammedAladel** · 10-03-2014 10:54 PM

المشاركة الأصلية كتبت بواسطة mazagangee

فودافون وموبينيل لما الجيجا بتاعة الاشتراك بتخلص بيقفل النت ولازم تشتري جيجا تاني
اتصالات لما الجيجا بتخلص السرعة بتنزل بس بتفضل شغالة طول الشهر لجد ما تجدد

كل الشركات أنظمتها احتكارية وكلهم يتعاملوا بنظام الاستخدام المحدود ... اتصالات عملت نظام اسمه منجز بلا حدود تمام قوى ... لكنه استمر لفترة محدودة .... ثم أصبح منجز محدود .... لكن المشتركين القدامى على نظام منجز بلا حدود يتعاملو بنفس النظام
بصراحة قمة الذل والمهانة الذى يحدث معنا من شركات الاتصالات

بالنسبة للشبكات موبينيل وفودافون تغطية محترمة فى أغلب المناطق على مستوى الجمهورية وشبكة قوية
اتصالات شبكة زفت زفت وقطران فى كل مكان أذهب إليه ....

بالنسبة لأنظمة الاشتراك ....ال 3 شبكات زفت