طلب تسعير تويوتا ياريس 2009 مانيوال فاضية

**mbaddar2** · 25-02-2014 11:00 AM

السلام عليكم
انا معروض عليا تيوتا يارس 2009 100,000 كم مانيوال فاضية زجاج مانيوال مش راشة مغيرة باب يمين ورا , استعمال كوريس معظمة سفر , و كل صيانتها فى التوكيل , مطلوب فيها 65 الف , هل السغر كويس , و لو لا سعرها المظبوط كام ( لان صاحبها صاحبى فمش عاوز افاصله كتير برضه )
و شكرا مقدما

**nannah** · 25-02-2014 11:17 AM

سعرها كويس جدا

**Mohamed.Hany** · 25-02-2014 11:21 AM

المشاركة الأصلية كتبت بواسطة mbaddar2

السلام عليكم
انا معروض عليا تيوتا يارس 2009 100,000 كم مانيوال فاضية زجاج مانيوال مش راشة مغيرة باب يمين ورا , استعمال كوريس معظمة سفر , و كل صيانتها فى التوكيل , مطلوب فيها 65 الف , هل السغر كويس , و لو لا سعرها المظبوط كام ( لان صاحبها صاحبى فمش عاوز افاصله كتير برضه

)
و شكرا مقدما

تفاصل ايه حضرتك !!!!
العربية دي توبها من 70 الي 80 الف و في ناس بتطلب 85 كمان حسب الحالة.

**Mohamed.Hany** · 25-02-2014 01:16 PM

ال 100 الف ولا حاجة في تويوتا بشرط الصيانة الدورية

**mbaddar2** · 25-02-2014 11:38 PM

شكرا عالردود :)
ان شاء الله حاروح التوكيل اشيك عليها , بس سمعت كلام غريب من ناس سالتهم قالوا ان سعر غربية فى حالتها يكون 62 و ناس قالت 60 (انا شخصيا مش مقتنع) بس هل ده ممكن , هل ده عشان العربية فاضية ؟ و لا كلام سماسرة و تجار ؟

**mbaddar2** · 26-02-2014 09:56 AM

متابع

**Mohamed.Hany** · 26-02-2014 10:32 AM

في فرق كبير قوي في الكلام مع تاجر و الكلام مع واحد بيبيع لواحد مش تاجر.
التاجر كل همه يخسف بتمن العربية الارضو يقنعك ان ده تمنها و مش هتعرف تبيع و السوق نايم عشان يغسل دماغك و تبيع بالسعر ده يقوم هو يكون متفق مع واحد تاني علي البيع من قبل ميشتريها و يوفق راسين في الحلال زي السمسار و يطلعلو بال 10 بواكي زي الباشا.
انا منكرش ان البيع و الشرا شطارة و خبرة وياما الواحد اضحك عليه بس المهم في الاخر اننا نتعلم من الغلط