ضبط الاطارات كورولا 2014 المعدله

**eng.mohamed** · 25-02-2014 02:25 PM

مساء الخير .... ممكن احد من الاعضاء المحترمين يفيدنى عن ضبط هواء الاطارات بالنتيروجين يكون كام 30 ولا 33 للكورولا 2014 المعدله .

وشكرا

**Optiplex** · 25-02-2014 02:29 PM

مبروووك رجوعك للوحش اليابانى مرة تانية و خلية 33

**my3fox** · 25-02-2014 03:41 PM

فيه ناس كانت بتخليه 35 علشان إرتفاع العربية كان منخفض و ده كان بيخلي العربية مرتفعة شوية عن الارض و المطبات.
أما في حالة الكورولا المعدلة إرتفاعها فهي مش محتاجة كدة و أنصح بأنك ترجع لضغط الاطار المنصوح به من قبل المصنع و حسب السرعات و الحمولة.
اللي هو في أغلب أغلب إستخدامتنا هو 33.

**Y a r i s** · 25-02-2014 05:29 PM

بص يافندم نصيحة اخوية. املاه ٣٠ بس انا بعمل كده
هتقلي ليه هقول لحضرتك الاصول اه ٣٣. لكن. ده لو في بلد فيها شوارع. ... اما احنا عندنا حته مسفلته وحته لأ ... فلمن بتدي الكويتش. الضغط المزبوط بيبقى الكويتش شبه حجر. واللهتزازات كلها بتمتصها المساعدين ... فعلى ايه ريح عربيتك إلا اذا المدينة الي ساكن فيها ومشاويرك في شوارع ١٠٠٪ ... وتحياتي

**hossam_elwani** · 25-02-2014 06:07 PM

المشاركة الأصلية كتبت بواسطة y a r i s

بص يافندم نصيحة اخوية. املاه ٣٠ بس انا بعمل كده
هتقلي ليه هقول لحضرتك الاصول اه ٣٣. لكن. ده لو في بلد فيها شوارع. ... اما احنا عندنا حته مسفلته وحته لأ ... فلمن بتدي الكويتش. الضغط المزبوط بيبقى الكويتش شبه حجر. واللهتزازات كلها بتمتصها المساعدين ... فعلى ايه ريح عربيتك إلا اذا المدينة الي ساكن فيها ومشاويرك في شوارع ١٠٠٪ ... وتحياتي

ولو ريحته برضه مع المطبات المفاجئه الحلوه بتاعتنا حيعمل بلالين من الصدمه مع المطب انا عامله فى عربيتى 35 والقايم مكتوب عليه 32

**Mohamed.Hany** · 25-02-2014 08:43 PM

القايم مكتوب 33 ، و انا انصحك اعملة 33 ليه بقي ؟
عشان في الغالب لو افترضنا ان مقياس الراجل مظبوط ، حضرتك بتبقي ماشي بالعربية لغاية متوصل للراجل بتاع الكاوتش بيكون الهوا سخن بسيط و تمدد يعني مالاخر ال 33 دول بيرسولهم علي 32 مثلا كمقياس فعلي و حقيقي و انا شايف ده مناسب في مصر.
اما لو نيتروجين تمدده مش قوي فحط 32 او 33 مش فرق كبير.