ارجو الافادة من الزملاء واصحاب الخبرة

**eng_ashraf2007** · 25-02-2014 11:38 PM

السلام عليكم والتحية لكل اعضاء نايل موتورز
كنت بتابع الصفحة الرسمية ل(اوتو ايجيبت) على الفيس بوك ولاقيت تعليقات من ناس كتير بتشتكى من نيسان صنى الشكل الجديد2013/ 2014، من المشاكل دى (الفرامل الامامية/ الخلفية، صاجة الفرامل، طنابير امامية/ خلفية) بالاضافة الى شكوى مالكى السيارة من طول الانتظار لعدم توفر قطع الغيار فى التوكيل. وكمان خامة اطارات العربية رديئة ومش كويسة على الاطلاق

سؤالى هل المشاكل دى لسه موجودة فى موديل نيسان صنى 2014 (اتوماتيك) الشكل الجديد ولا اتحلت خلاص وتم تظبيطها خصوصا انى بفكر اجيب الموديل ده (اتوماتيك)، عذرا على الاطالة وياريت المساعدة خصوصا من اللى معاهم الموديل ده

**MIMIC** · 26-02-2014 12:24 AM

انا استلمت العربية من 5 ايام ... والعربية زي الفل بسم الله ما شاء الله... اللي اعرفو ان المشاكل دي كانت في 2013 ... بس 2014 فلة شمعه منوره توكل على الله ومش هتندم ... وبالنسبة للاطارات فضيها وخلي الكاوتش الامامي 32 الخلفي 30 بس نيتروجين ... وخد خير الكاوتش وغيرو على 30 الف او حتى 25 الف وهات حاجة ياباني

**ibrahimsaad** · 26-02-2014 05:50 AM

فعلا كانت المشاكل دى موجوده مع موديلات 2012 - 2013 لكن مع موديلات 2014 تم اصلاحها ولم تعد موجوده انا معايا 2014 عامل 1000 ك دلوقت والعربيه بسم الله ماشاء الله