ممكن حد يقولي ايه هوا الامبليزر وايه فوائده في العربية

**MIMIC** · 26-02-2014 12:34 AM

ممكن حد يقولي ايه هوا الامبليزر وايه فوائده في العربية وهل النيسان صني 2014 فيها البتاع ده ولا ﻷ

**شادى عبدالمنعم** · 26-02-2014 01:51 AM

Immobilizer

جهاز الكتروني يعمل علي تامين السيارة ضد السرقة عن طريق استشعار بصمة خاصة موجودة في المفتاح الاصلي لا يمكن ان تكون موجودة في المفتاح المقلد

البصمة الخاصة ديه بتبقي عبارة عن كود موجود في شريحة RFID (بطاقة هوية عن طريق موجات الراديو ) - زي الباركود اللي في فيرجن ستورز - وديه بتبقي موجودة في المفتاح

الجزء التاني وهو المسئول عن قرائة البصمة Decoder unit وده الايموبلايزر نفسة وده عبارة عن جهاز صغير بيبقي موجود تحت الداش بورد في اغلب التصميمات في التصميمات الاحدث سيراعي دمجة مع اي حاجة تانية لجعل مهمة ايجادة صعبة .

طريقة عملة
عند ادراج مفتاح السيارة يستشعر الديكودر بصمة ال RFID ان وجدها يرسل اشارة ( تمام ) لدائرة ال ECU ( دائرة التحكم في المحرك ) التي تعمل بدورها علي تشغيل دائرة الاشعال
طبعا في حالة عدم توافق بصمة ال RFID مع ماهو مسجل بوحدة الديكودر لن يتم الاشعال حتي لو قام السارق بفك مفتاح التشغيل بغرض تلميس الاسلاك

في الاجهزة الحديثة يشترط ان يقوم الايموبلايز بالتحكم بدائرتان علي الاقل ( بواسطة ال ECU ) مثل دائرة الاشعال وطلمبة البنزين ايضا .

بهذة الصورة يمكن منع اشهر محاولتين لسرقة السيارات وهما 1- تشغيل السيارة بعمل شورت في دائرة الكونتكت ( وديه بيقوم بيها حرامية كانو صبيان كهربائي سيارات ) 2- عمل نسخة للمفتاح ( وديه بيقوم بيها في الغالب ابنك :lol: ) بس ده ما يمنعش ان ابنك يسرق اللمفتاح الاحتياطي وده بيكون عليه نفس بصمة ال :twisted: RFID

يعمل المطورين علي تعقيد عمل الايموبلايزر وتشعيب وصلاتة وذيادة عدد الدوائر المتحكم فيها كما يعملون علي دمج معلومات اخري للتعريف مثل بصمة الاصابع ووزن السائق !!

**Ahmed.Essam** · 26-02-2014 01:54 AM

كل فكرته انه مابيسمحش لموتور العربية انه يدور من غير مفتاح العربية الاصلي
يعني لو طلعت على مفتاح عربيتك مفتاح جديد وحاولت تدور العربية العربية مش هتدور الا لما تبرمج المفتاح ده

**MIMIC** · 26-02-2014 07:07 PM

امال السنتر والانذار... مش موجودين في عربيتي ولا ايه مع العلم اني معايا صني 2014 الشكل الجديد ولسه عامل بيها 190كم...

**MIMIC** · 26-02-2014 07:10 PM

اقصد اني مثلا لما حد يقعد على العربيه او يخبط بايدو عليها ولا الدموع ولاحتى بتعمل اي صوت... ومش المفروض ادوس على زرار او لما اققفل العربية البيبان كلها تفتح والعكس ؟؟

**شادى عبدالمنعم** · 26-02-2014 07:30 PM

هى اكيد فيها سنتر لوك وده هيقفل كل الابواب اما الانذار ممكن حد من مﻻكها يجاوبك ﻻنه اوبشن ممكن ميكنش موجود اساسى فى كل العربيات

**edodahab** · 26-02-2014 07:48 PM

النيو صنى فيها سنتر و امبولايزر و كمان انذار بس انذار الصنى عبارة عن كلاكسات بتضرب لما الباب يتفتح من غير المفتاح الأصلى بس انما لو حد خبط العربية مفيش اى حاجه هتحصل