Custom watch ساعة يد من صنعي، ماكينة سويسرية و جسم ألماني

**abo_hosni** · 26-02-2014 10:30 AM

السلام عليكم
تقبلوا وجودي بينكم بعد فترة غيابي عن هذا المنتدى الذي قضيت فيه سنين
-----

حبيت أشارك بموضوع جديد حيث أعرض فيه فكرة و خطوات تجميع أول ساعة يد من صنعي (انتقلت لهواية الساعات مؤخراً )

[youtube]https://www.youtube.com/watch?v=fFoXRN-G1SM[/youtube]

[youtube]http://www.youtube.com/watch?v=PAwHKVW5nZE[/youtube]

______
----

--

-

بالنظر إلى مجموعة الساعات لدي، توجد واحدة بالذات لا أشعر بالارتياح تجاهها. لا أستطيع القول أني "أكره" طلتها... لكن لا أراها مناسبة لارتدائها في العمل أو في أي مناسبة. لا أحب اللون الذهبي المتآكل على سوار الساعة، جنباً إلى جنب مع تصميم جسم الساعة ذو الاثنى عشر ضلعاً. كذلك لست من هواة مؤشرات الساعة المرصعة بالكريستال. إضافة إلى الزجاج المخدوش و الشاكوش crown الذي فقد بريق لونه.

إنها ساعة Louis Rossel من أواخر السبعينيات كان والدي يحتفظ بها في الدرج لسنوات. ألقوا نظرة:

علمت أن والدي أراد يوماً التخلص منها و عرضها للبيع و رد عليه الساعاتي "لا أحد سيشتريها"

الآن ننظر إلى الجانب الإيجابي. هذه الساعة تدار بواسطة ماكينة سويسرية أوتوماتيكية من صنع شركة ETA موديل 2824-1 و هي الحصان الرابح في هذه الصفقة. فتحت الساعة لأجد الماكينة نظيفة جداً، تعمل بقوة و دقة مع احتياطي طاقة power reserve ممتاز

وضعتها تحت الاختبار لحوالي شهر كنت أرتديها بصورة مستمرة في المنزل. اختبرت الدقة، وظيفة التاريخ، الشحن الأوتوماتيكي و اليدوي، ضبط دقة الساعة عدة مرات، قياس احتياطي الطاقة. و تفاجأت عندما اجتازت كل الاختبارات بنجاح.

حسناً، لماذا لا نستفيد من ماكينة سويسرية بقيمة 200 دولار؟ نعم، فماكينة ETA 2824 جديدة تباع بحوالي 200 دولار أو يزيد، هذا إذا تأكدت من المنشأ و أنها غير مقلدة. و للعلم قامت مؤخراً شركات صينية موثوقة و ممتازة أيضاً بتصنيع ماكينات متوافقة بنفس الأبعاد و المواصفات حتى أن قطع الغيار و المكونات متطابقة بين الماكينة السويرية و الصينية و بأقل من نصف الثمن. يعني لا تشيل هم لو احتجت ماكينة أو قطع غيار جديدة، الصيني موجود و السويسري موجود

اختمرت الفكرة في رأسي و قررت نقل هذه الماكينة إلى بيت جديد، ساعة كاملة جديدة، و قمت بطلب الأجزاء التالية:

1- CASE جسم/إطار الساعة
- صلب مقاوم للصدأ
- قطر 38مم
- زجاج مقاوم للخدش Sapphire crystal
- مقاومة للماء حتى 100 متر
- screw down crown, screw down caseback
- إطار دوار rotating bezel
- Made in Germany

2- DIAL المينا
- أزرق شعاع الشمس
- نافذة لعرض التاريخ و مؤشرات معدنية للساعات
- Made in Germany

3- Winding Stem عامود تدوير
- ليلائم الجسم الجديد للساعة لأنه أكبر من القديم فنحتاج عامود أطول

4- HANDS العقارب
- عقارب فضية مع إضاءة ليلية

5- STRAP سوار جلدي
- 20mm Genuine leather dark brown strap with alligator grain
- From UK (SecTime)

6- BRACELET سوار معدني
- 20mm Solid links stainless steel bracelet with push-button deployment clasp
- Chinese

7- متفرقات:
- شحم سليكون، خلاعة عقارب، فتاحة ساعة، إلخ.. إلخ..

لحظة استلام الأجزاء المطلوبة:

تجهيز بيئة العمل و تشمير السواعد:

لاحظوا الساعة القديمة أعلى اليسار

خلع العقارب الذهبية القديمة

الماكينة قبل خلع المينا القديم

تم خلع المينا

تم تفريع الساعة القديمة، و البقاء لله

تجهيز المينا الجديد و العقارب الجديدة

http://s22.postimg.org/xlrq0k8sh/SAM_2636.jpg

تم تركيب المينا على الماكينة، في انتظار تركيب العقارب :)

أول تجربة

http://s30.postimg.org/mbr02b4e9/SAM_2652.jpg

[youtube]https://www.youtube.com/watch?v=3JDzk8fb2LU[/youtube]

قبل تقصير العامود الخاص بالشاكوش crown (عامود التدوير)
لاحظ أن إحكام غلق الشاكوش crown في جسم الساعة عن طريق "قلاووظ" screw down

تشحيم الجوانات المطاطية باستخدام شحم السليكون لإحكام مقاومة الماء

انتهينا تقريباً

أول صورة للساعة:

بعض الصور بالسوار المعدني

**NaderNabil** · 26-02-2014 10:37 AM

الله ينور عليك

والدي الله يرحمه كان هايعجب قوي بالموضوع بتاعك لولعه الشديد بالساعات

**abo_hosni** · 26-02-2014 10:58 AM

الله يخليك. أنا كمان والدي هو اللي علمني حب الحاجات دي

ده فيديو مش ظاهر في الموضوع الأصلى. الظاهر لسه في مشكلة مع إضافة روابط اليوتيوب بتاكل كام سطر من الكلام بعدها. أرجو من المشرفين لو يعرفوا يعدلوا الموضوع بحيث يظهر كل الكلام و الصور اللي اختفت بعد الفيديوهات لأن وقت التعديل من طرفي فات

[youtube]https://www.youtube.com/watch?v=PAwHKVW5nZE&feature=youtube_gdata_player[/youtube]

**horeen** · 26-02-2014 11:39 AM

بصراحه فنان
ممكن تقول لى تكلفه القطع الجديده كام وإشتريتها من فين
عشان أنا عندى متحف للساعات السويسريه القديمه
كلها شغاله تمام التمام لاكن الحاله الخارجيه لها تعبانه

**Trondo** · 26-02-2014 12:30 PM

بعد اذنك انا معايا الساعه دى
Bussi Preziosi: Guess orologio uomo OVERDRIVE mod. W15513G1 in acciaio pvd oro rosa e pelle

و الاستيك بتاعها اتقطع خالص علشان الساعه بقي لها ٥ سنين
ولكن بحالتها و ممتازه

عاوز اجيب استك جديد و مش لاقيه و ايه الادوات اللى هاحتاجها فى تغيير الاستيك

بالنسبه لموضوعك حضرتك بروفيشنال و تصويرك ممتاز

ياريت اعرف الكاميرا اللى مستخدمها

بجد تسلم ايدك

**dedi** · 26-02-2014 01:04 PM

برافو عليك بس واضح انة حضرتك عندك فكرة او بتشتغل فى موضوع اصلاح الساعات
ماعلش سؤال معى جلدة ساعة جلد طبيعى وشكلها محترم اتقطع الجزء المثل عروة او فريم بيدخل بعد التوكة او الابزيم فلم اجد جلدة صغيرة عاوز اغيرة بالرغم انة حالتة ممتازة من اين و بكام لانى رحت المحلات التى فى العتبة عند الاوبرا و سمعت ارقام تخض

**abo_hosni** · 26-02-2014 01:35 PM

المشاركة الأصلية كتبت بواسطة horeen

بصراحه فنان
ممكن تقول لى تكلفه القطع الجديده كام وإشتريتها من فين
عشان أنا عندى متحف للساعات السويسريه القديمه
كلها شغاله تمام التمام لاكن الحاله الخارجيه لها تعبانه

لو دورت في الساعات القديمة اللي في دولاب أو درج كل واحد مننا هتلاقي حاجات قيمة تستاهل إنك تحييها.
بالنسبة للأجزاء التي طلبتها هي كالآتي:

جسم الساعة + المينا
316L s Steel Watch Case Dial ETA 2824 2 2836 Boitier New 38mm | eBay

العقارب
Ranger Tudor Hands 2824 2 2836 2 2728 Brand New | eBay

عامود إدارة winding stem للشاكوش crown
ETA 2800 1 2821 1 2824 1 2836 1 ESA 952 101 Packet of 3 Stems | eBay

شحم سليكون للأجزاء المطاطية
New Traxxas Silicon Grease 1647 | eBay

أستيك معدني
Top Grade New Men Heavy Solid 316L Stainless Steel Watch Band Bracelets S17 20mm | eBay

أستيك جلد
Genuine Leather Watch Band Strap VIP Stainless Steel Buckle Alligator Grain Mm | eBay

للشراء من مصر استخدمت خدمة موقع edfa3ly للتسهيل و مضمون. طبعاً الموضوع كله يعتبر مكلف لكن باعتبره هواية و استثمار في حاجة هتعيش سنين بحالتها إن شاء الله. زي ما الماكينة دي عايشة من السبيعينات بحالتها. الماكينة لو هتشتريها سويسري جديدة سعرها أكثر من 200 دولار

بعض الأدوات و أشياء أخرى اشتريتها من مصر - العتبة تحديداً في كذا واحد عند عمارة فندق الكرنك و أخص بالذكر محل اسمه Touch في الدور الثاني لازم تعدوا عليه.

من الحاجات اللي جبتها من العتبة العامود winding stem اللي بيركب في الشاكوش و ينقل حركته لداخل الماكينة. لقيت عندهم الواحد بجنيه :) رحت جايب 3 و هو صناعته صيني. لكن كان متعب بعد ما ركبته في الساعة و استنيت لما وصلت العواميد الأصلية السويسري اللي طلبتها، سعر ال3 بـ 8دولار. و ركبتها و حسيت بفرق واضح. و دي صور مقارنة للعامود الصيني و العامود السويسري (مافيش فايدة)

العامود الصيني أبو جنيه جنب أخوه السويسري فوق الجنيه المصري :)

المشاركة الأصلية كتبت بواسطة Trondo

بعد اذنك انا معايا الساعه دى
Bussi Preziosi: Guess orologio uomo OVERDRIVE mod. W15513G1 in acciaio pvd oro rosa e pelle

و الاستيك بتاعها اتقطع خالص علشان الساعه بقي لها ٥ سنين
ولكن بحالتها و ممتازه

عاوز اجيب استك جديد و مش لاقيه و ايه الادوات اللى هاحتاجها فى تغيير الاستيك

بالنسبه لموضوعك حضرتك بروفيشنال و تصويرك ممتاز

ياريت اعرف الكاميرا اللى مستخدمها

بجد تسلم ايدك

ساعتك دي أسهل حل لها تشتري أستيك عادي و تقصه بحيث يبقى fit من غير فراغات، المقاس اللي تجيبه تعرفه لما تقيس أكبر عرض للأستيك من ناحية الساعة. شوفه كام ملليميتر و دور على أستيك بنفس المقاس. طبعا القص لازم يكون دقيق و ممكن تعمله باستخدام موس ده أحسن حاجة. لو أستيك rubber هتقصه و خلاص، لو أستيك جلد بعد ما تقصه هتكوي مكان القص بمكواة لحام أو مسمار سخن للاحمرار. و لو الأستيك فيه خياطة و الخيط هيتقطع مكان القص يبقى تحط عليه نقطة أمير عشان الخيط ما يكرش. شوية تفاصيل أهو :)
عشان تخلع و تركب السوستة بتاعة الأستيك Spring bar في أداة معينة هتلاقيها عند بتوع الساعات في العتبة أو لو هتطلب أستيك من النت غالبا البائع بيبعت مع الأستيك واحدة منها.

الكاميرا عادية والله سامسونج صغيرة حتى مش عارف مواصفاتها بس بتصور فيديو 720p. الكاميرا لوحدها ولا حاجة من غير ظروف التصوير من إضاءة و زاوية و اختيار إعدادات التصوير.عندنا كاميرا Canon DSRL بتاعة أخويا و هو غاوي تصوير و عنده أربع عدسات مختلفين للكاميرا فتلاقينا متعودين عالتصوير شوية

المشاركة الأصلية كتبت بواسطة dedi

برافو عليك بس واضح انة حضرتك عندك فكرة او بتشتغل فى موضوع اصلاح الساعات
ماعلش سؤال معى جلدة ساعة جلد طبيعى وشكلها محترم اتقطع الجزء المثل عروة او فريم بيدخل بعد التوكة او الابزيم فلم اجد جلدة صغيرة عاوز اغيرة بالرغم انة حالتة ممتازة من اين و بكام لانى رحت المحلات التى فى العتبة عند الاوبرا و سمعت ارقام تخض

الساعات دي هواية و أنا في الأساس دكتور جراحة أطفال (غريبة شوية)
بالنسبة للجلدة لو عايزاها نوع كويس و جلد طبيعي هتبقى غالية طبعاً. لكن هما قالوا لك كام في العتبة عشان نعرف مناسب ولا لأ؟

بالمناسبة أنا مرة عملت أستيك ساعة من جلدة فايضة من حزام
History Never Dies, abo_hosni: My first handmade leather strap

**Y a r i s** · 26-02-2014 01:43 PM

الله ينور يا ابو حسني
مهنت الساعات دي من المهن النادرة الي بقت تعد على الاصابع. .... تسلم ايدك. بس سؤال صغنطط كده يا عزيزي. العدسة المكبرة. الي بتتحط على العين اثناء تصليح الساعه. بتتباع فين او اقدر اجيبها منين !! وشكراً

**dedi** · 26-02-2014 08:12 PM

ما شاء اللة عليك ربنا يباركلك
الجلدة قالوا لى 75 الى 120 جنية و الساعة كوبى بس عالى جدا وسعرها 400 جنية

-

الموضوع: Custom watch ساعة يد من صنعي، ماكينة سويسرية و جسم ألماني

LinkBack

أدوات الموضوع

عرض

Custom watch ساعة يد من صنعي، ماكينة سويسرية و جسم ألماني - انشر الموضوع فى :

-

-

-

-

-

-

-

المواضيع المتشابهه

للبيع SONY Xperia ION جديد متبرشم + ساعة SONY Smart Watch وارد السوق الحرة دبي

Bernhard H. Mayer® Watch.. Force ultimate watch.. ساعه حاصله على براءة اختراع كسر زير

للبيع ماكينة غسيل ألماني Karcher بالمنزل عملية واقصادية

للبيـع ساعة حريمي Lady Watch GMi

للبيع ساعة II Swiss Legend II سويسرية I أصلية I جديدة I واردة من أمريكا I خصم 70%

الكلمات الدلالية لهذا الموضوع

المفضلات

المفضلات

ضوابط المشاركة