السلام عليكم

كنت كتبت قبل كده عن مشكلة معايا فى الافراج الجمركى اتحرق فى جمارك بورسعيد وانا معايا الصورة بتعته وفاتورة الشراء مختومين ختم نسر وختم اكلاشيه ( جميع الاوراق اتحرقت فى احداث 25 يناير) المهم رحت المرور بصورة الافراج وفاتورة الشراء علشان اضيف الموتور الجديد فى الرخصة الظابط اللى هناك رخم جدا قالى لا لازم تجيبلى الافراج قولتله الافراج اتحرق فى بور سعيد والصورة مختومة بالكلام ده قالى لا يا تجيب بدل فاقد يا تجيب شهادة بيانات من بور سعيد
المهم يمين شمال مرضيش حتى يدينى تصريح شهر امشى بيه
كلمت التاجر اللى اشتريت منه الموتور طلع راجل محترم وافتكرنى مع انى جايب الموتور من سنتين
قالى ابعتلى الورق وانا احاول اعمل حاجة فى بورسعيد بعتله الورق وفعلا الراجل جابلى شهادة بينات من هناك ومختومة ان الموتور ده مفرج عنه
الموضوع ده اخد شهر بالظبط و350 جنيه مصاريف
اخدت الشهادة دى وصورة الافراج والفاتورة ورحت المرور
رحت للظابط الشهادة اهيه قالى لا دى لازم تجيلى بريد برقم صادر ووارد من بورسعيد مش تجيبها بايدك انت
طيب انت لما عايزها بريد مصدرة من هناك مقولتش ليه من الاول وقولتلى روح هتلى بدل فاقد او شهادة بيانات قالى لا لازم تيجى برقم صادر
المهم انا اتخنقت جدا واخدت العربية والورق وروحت على البيت على طول
ومش عارف اعمل ايه دلوقتى بعد قرف شهر ومصاريف فالاخر موصلتش لحاجة

ياريت اللى عنده اى معلومة يقدر يفيدنى
هل الشهادة اللى معايا دى اقدر باى طريقة ارخص بيها