افتكاسات تكييس صالون العربيه

**sherif omar** · 27-02-2014 05:55 PM

بقيت بشوف موجه لذيذه ف العربيات المستعمله الاقى ناس جايبه شويه اكياس ولفه بيهم الكراسى والفتيس والدريكسيون والعربيه يا اما عمله 120 او 150 الف كم يا بقالها 6/7 سنين ويقولك باكياس المصنع ومقتنع بكده ده ع اساس انك بتبيع اباجوره ع رصيف وسط البلد يارب الناس اللى بتعمل كده يفهم انه بيبيع لبنى ادم ربنا خلقه بعقل رايكم ف الموضوع ده؟

**ahmed_eng2001** · 27-02-2014 06:30 PM

زى ما حضرتك وضحت ... انا ليا عقل بيفكر و بيستوعب ....
فى العربيات المستعملة ... ما يهم هو حالة العربية ... انما ما يقوله صاحب السيارة ... لا ياخذ به بدون الكشف على السيارة

ادى حضرتك مثال .... عربية موديل 1980 .... هل يعقل ان تكون عاملة 150 الف كم ؟؟؟؟ احتمال طبعا ... تكون مرفوعة ... يحكم على كدة كشف حضرتك على العربية
و انا لما اجى اشترى عربية زى دى ... مش بسأل عن الكيلومتر بتاعها
حالى الكراسى و الصالون .... ايه الى يمنع ان الصالون كله يتجدد

حضرتك بتفكرنى مرة رحت سوق العاشر و كنت بتفرج على عربية 128 ... لونها اخضر فاتح .... و صاحبها يصر ان ده لون الفابريكة .... اقل واحد بيفهم فى العربيات ( انا بعتبر نفسى اقل واحد بيفهم ) ممكن يعرف ان العربية دى راشة

حضرتك لك الحكم الاول و الاخير

**saddam** · 27-02-2014 09:06 PM

صديقي المواطن
بالعكس ده موضوع عملي أنا عندي عربية من عربياتي عاملة 31 ألف ولسه بكياس المصنع بدل ما أروح لسروجي وأركب تغليف للكراسي بجيب رول نايلون وكل بتاع 3 شهور أجدد النايلون وده بيدل على مدى حب ونظافة مالك العربية وإستعماله الراقي لسيارته
لكن ما أنت تقصده أنا فاهمه وعاذرك فيه وده ﻷن فيه تجار بيحاولوا يحلوا العربية في عين الزبون وهي مش قد كده ولكن تصدق برضو مش غلط إنت لو رحت عملت كاركير ب 350 جنيه حتلاقيهم يكيسولك معظم الحاجات اللي إتغسلت وده حاجة جميلة وأنا لما بجدد عربية من عربياتي من تحت الصفر وبرجعها زيرو الزيرو بحط كياس نايلون وبغير المكنة وممكن أصفر العداد ﻷن غالبا العرببة جايه من غير عداد وإنت بتشتريلها وإنت كده كده بترجعها زيرو فمفيش مانع تكيسها
وهذا ما لزم بيانه ودمنم
وبالتوفيق وإلى اﻷمام ومن نصر إلى نصر
ودمتم للنضال

ملحوظة رول النايلون ب 90 جنيه وتركيبه مش سهل

**sherif omar** · 28-02-2014 03:23 AM

المشاركة الأصلية كتبت بواسطة saddam

صديقي المواطن
بالعكس ده موضوع عملي أنا عندي عربية من عربياتي عاملة 31 ألف ولسه بكياس المصنع بدل ما أروح لسروجي وأركب تغليف للكراسي بجيب رول نايلون وكل بتاع 3 شهور أجدد النايلون وده بيدل على مدى حب ونظافة مالك العربية وإستعماله الراقي لسيارته
لكن ما أنت تقصده أنا فاهمه وعاذرك فيه وده ﻷن فيه تجار بيحاولوا يحلوا العربية في عين الزبون وهي مش قد كده ولكن تصدق برضو مش غلط إنت لو رحت عملت كاركير ب 350 جنيه حتلاقيهم يكيسولك معظم الحاجات اللي إتغسلت وده حاجة جميلة وأنا لما بجدد عربية من عربياتي من تحت الصفر وبرجعها زيرو الزيرو بحط كياس نايلون وبغير المكنة وممكن أصفر العداد ﻷن غالبا العرببة جايه من غير عداد وإنت بتشتريلها وإنت كده كده بترجعها زيرو فمفيش مانع تكيسها
وهذا ما لزم بيانه ودمنم
وبالتوفيق وإلى اﻷمام ومن نصر إلى نصر
ودمتم للنضال

ملحوظة رول النايلون ب 90 جنيه وتركيبه مش سهل

مع احترامى لكلامك فى فرش جلد ومش كام كيس ب 10 جنيه اللى هيحلوا العربيه ومن الاخر مش معقول ابقى عندى عربيه واكيسها وامشى الا لو كسر زيرو وهبيعها انما االلى بيحصل دلوقتى الناس بتكيس ع عربيه بقالها سنين قال يعنى اللى بيشترى هيفرح ربنا يهدى

**sherif omar** · 28-02-2014 03:34 AM

المشاركة الأصلية كتبت بواسطة ahmed_eng2001

زى ما حضرتك وضحت ... انا ليا عقل بيفكر و بيستوعب ....
فى العربيات المستعملة ... ما يهم هو حالة العربية ... انما ما يقوله صاحب السيارة ... لا ياخذ به بدون الكشف على السيارة

ادى حضرتك مثال .... عربية موديل 1980 .... هل يعقل ان تكون عاملة 150 الف كم ؟؟؟؟ احتمال طبعا ... تكون مرفوعة ... يحكم على كدة كشف حضرتك على العربية
و انا لما اجى اشترى عربية زى دى ... مش بسأل عن الكيلومتر بتاعها
حالى الكراسى و الصالون .... ايه الى يمنع ان الصالون كله يتجدد

حضرتك بتفكرنى مرة رحت سوق العاشر و كنت بتفرج على عربية 128 ... لونها اخضر فاتح .... و صاحبها يصر ان ده لون الفابريكة .... اقل واحد بيفهم فى العربيات ( انا بعتبر نفسى اقل واحد بيفهم ) ممكن يعرف ان العربية دى راشة

حضرتك لك الحكم الاول و الاخير

اكيييييييييييد