الخبره كل شئ علي الطريق وارجو التعليق

**ELKHOLY22** · 27-02-2014 10:03 PM

السلام عليكم ازيكو يا اصدقائي
هحكلكو عن يوم كله كان علي الطريق لمطار القاهره رايح جاي
كنت رايح استقبل شخص من المطار فكلمت احد السواقين اللي اعرفهم واتفقت معاه علي المشوار واليوم وكده المهم عشان مطاولش حبيت اخد راي واحد زايه لانه سواق من فتره كبيره ولما اتكلمنا مع بعض اكتر حاكالي عن بعض ايامه مع العربيات هما عندهم اراضي ومكاتب سيارات بعد جهد وتعب كبيير المهم اخت رايه في العربيات مثلا واولهم الفئه لحد 80 الف فذكرتله الصيني باسم كام عربيه بنوعها بالامكانيات اللي فيها وكان صدره رحب جدا لاني كل مااقولوا علي نوع معين منهم يرد نفس الرد فانا فكرت انه مش متابع للاخر المهم قالي علي الصيني انه مهما كان صيني مهما راح او جه ركب جميع انواع الصيني بما فيه التيجو حتي وقتنا هذا فقالي ابعد عن الصيني لا فاي قطعه مثلا المقص لو حبيت تغيره فالصيني هتغير اكثر من جزاء علي عكس الغير صيني ممكن قطعه صغيره وبالنسبه لافضل شئ فالرينج ده قالي الرينو بس عيبها قطع غيارها غالي قوي وبعد كده اللانوس بس يعبها ضيقه وبعد كده الفيرنا الراجل ده كان شغال عند احد رجال الاعمال بالغرفه التجاريه وكان بيسوقلو مرسيدس بنز كانتىعامله جوالي مليون وربع ماشاء الله والسائق ده عامه بيحب الجري فالراجل ماشاه لانه خاف علي العربيه منه لتتفرتك تحت ايه وكمان حكالي انه ساق الميني كوبر وقالي دي سياره سباق وان اي عربيه ممكن بنسبه مش بطاله تحكم عليها يكون علي طريق اسكندريه الصحراوي وقالي فالرينج ده ممكن تجيب زيرو وتغيرلو العفشه اكتر من مره خلال الخمس سنين الاولي بس الصيني اكيد هتغيره مش اقل من 2فخاليك فالياباني المستعمل بس من حد حبيبك واوعي تشتري من تاجر مستعمل عشان محدش يلبسك فالشجره فانتوا ايه رايكوا فالكلام ده صح ولا ايه مع العلم الراجل ده سواق بقالوا 20 سنه علي الطريق وبيحب الجري فهلﻻهوا بيحكم من وجه نظر الجري وان اللي هوا بيعملوا فالجري ده هوا السبب ولا ايه ادوني رايكوا بس بدون ماتتاثرو براي عن انه قال كده لانه بيحب الجري واحب المشرف كمان يتابع معنا كمان برايه وحبايبنا الاساتذه الحلويين والاستاذ ميدو ومتقولوليش انهو واحد كولوكا جمال ومعلش طولت عليكو قشطه

**ELKHOLY22** · 27-02-2014 11:39 PM

بالنسبه 6 مشاهدات نو كومنت تماما ليه الكلام طويل ولا مش مفهوم ولا ايه النصائح طيب

**hugan** · 27-02-2014 11:44 PM

كلامه كله غلط

**ELKHOLY22** · 28-02-2014 03:19 AM

المشاركة الأصلية كتبت بواسطة hugan

كلامه كله غلط

طب ايه الصح من وجهه نظرك

**ELKHOLY22** · 28-02-2014 03:22 AM

المشاركة الأصلية كتبت بواسطة ahmed.essam

20 سنة سواق وساق عربيات كتير ده كافي انه يكون عنده خبرة يقدر منها يقول رأي ناخد بيه ونحطه في الاعتبار
الصيني مش وحش لكن اللي بيجيلنا مصر هو اللي مش بالقدر الكافي من الجودة وانا في رأيي ان المشكلة دي مش في كل العربيات الصيني في مصر يعني

تمام ممكن يعني ده معناه ان ممكن نفس العربيه ممكن انا اشتريها تطلع فيها عيوب وانتا تشتري نفس العربيه بنفس الظروف وتطلع من غير العيوب يعني كله بطيخ وانا وحظي ولا ايه

**Ahmed.Essam** · 28-02-2014 02:03 PM

المشاركة الأصلية كتبت بواسطة elkholy22

تمام ممكن يعني ده معناه ان ممكن نفس العربيه ممكن انا اشتريها تطلع فيها عيوب وانتا تشتري نفس العربيه بنفس الظروف وتطلع من غير العيوب يعني كله بطيخ وانا وحظي ولا ايه

لا قصدي يعني التوكيل هو اللي بيحسن سمعة العربية او بيسوءها

زي الجيلي امجراند ناس كتير بتقول العربية حلوة وجميلة بس ناس تانية مش حابينها بسبب غبور ده

وفعلا في عربيات بتيجي بعيوب فردية احيانا بتلاقي هنا في المنتدى شكاوي من عربية محدش اشتكي منها غيره هو وبعض ملاك العربية بس مش كلهم بس لو العربية توكيلها محترم بيحل المشاكل دي

**hugan** · 28-02-2014 02:22 PM

نفس فكر السواقين اول ظهور هيونداي وكيا وتويوتا ومتسوبيشي
في السوق المصري منتصف التسعينات
قبلها ماكنش في وكلاء واستيراد بالكم الرهيب الموجود حاليا
كان اللي يجيب عربيه زيرو
امه دعت ليه
المهم
كنت لما اركب مع سواق تاكسي معاه 1300 او 124 او بيجو 504 حتي
اقوله ياسطي رائيك ايه في العربيات الجديده اللي ابتدت تنتشر
يقولي
لو دفعوا عليها فلوس ماركبهاش
ليه ياسطي
اصلها كلها بلاستيك وكبالن
مانت ياسطي راكب عربيه عباره عن خرده
ولاباور ولاتكييف و لانعومه ولا سحب ولا راحه
يقولي لاء مفيش مقارنه
العربيات الجديده هاتفشل والعربيات القديمه هي اللي هاتعيش
وتدور الايام وتنقرض من الشوارع فيات واتباعها 504
وتنجح العربيات الجديده
اما موضع المقص بتاع الصيني
طبعا كلامه بيدل علي عدم معرفه
لو هاغير مقص
اغير معاه علبه دركسيون مثلا
ايه العلاقه