صور مقابلة قسم تويوتا الخميس 2014/2/27 بتوكيل تويوتا التجمع الخامس

**Mohamed.Hany** · 28-02-2014 11:04 AM

بسم الله الرحمن الرحيم

زملائي لاعزاء بقسم تويوتا و اعضاء المنتدي الكرام , كان لي الشرف اني اتعرف علي شخصيات في غاية الاحترام و الرقي امبارح الخميس امام وداخل قسم تويوتا بالتجمع الخامس و تبادلنا المعرفة و الخبرات مش بس في مجال السيارات و لكن في الحياة عموما.

واكيد كان نفسي شخصيات محترمة تانية من المنتدي تقدر تيجي بس اكيد كان عندهم ظروف اقوي تمنعهم انهم يحضرو و اكيد انا مقدر كده و الجايات اكتر من الرايحات, بس انا كل اللي صعبان عليا اكلة الجمبرى و الاستاكوزا اللي فاتتهم دي هههههه

جزيل الشكر للاخوة الكرام بترتيب الحضور :

1.الاستاذ محمود ممادو
2.الاستاذ احمد خليفة
3.الاستاذ عمرو جلال
4.الاستاذ وائل
5.الاستاذ يوسف IUSEF
6.الاستاذ محمد النجار
7.الاستاذ باسم نجيب
8.الاستاذ تامر محمد من قسم رينو
9.الاستاذ يوسف (والد الاستاذ جورج)
10.الاستاذ جورج
11.الاستاذ احمد من قسم رينو
12.الاستاذ مصطفي مجدي من قسم رينو

اسيبكو مع الصور ولو حد عاوز صورة بجودة اعلي يبعتلي علي الخاص :

من اليمين للشمال الاستاذ جورج , الاستاذ يوسف و الاستاذ احمد

من اليمين للشمال الاستاذ تامر و الاستاذ يوسف

من اليمين للشمال الاستاذ احمد خليفة و الاستاذ باسم نجيب

من اليمين للشمال محمد هاني و الاستاذ محمد النجار

من اليمين للشمال الاستاذ محمد النجار و الاستاذ وائل

**abofandy** · 28-02-2014 12:16 PM

اولا : انا سعيد جدا بالمقابلة الجميلة وتجمع الناس كدة فى يوم جميل زى دة وفرحان من قلبى بجد .

ثانيا : حزيييين جدا بس عدم انى مقدرتش اجى المقابلة دى لظروف خارجة عن ارداتى في حين انى اتصلت بالمهندس محمد هانى قبلها بيوم ومرتب ان اجى من اول اليوم ولكن مصائب القدر (( الحمد لله على اى حال )) .

ثالثا : المهندس محمد هانى مجهودك مشكور اوى اوى على تجميعة الناس والاحباب ويارب ما تبقى اخر مره .. استاذى احمد خليفة كان كلى امل انا التقى بحضرتك وبكل الزمله والاحباب وبعتلك سلامى تليفونيا اثناء المقابله مع المهندس محمد هانى اتمنى يكون وصله لحضرتك .. حبيبى باسم باشا بخصوص انى محضرتش فى تنظيف وتبيض سنانك عليا زى ما اتفقت لا تقلق انا وعدتك بكدة .. كل الزملاء الصور جميلة جدا بالتجميعة دى وبجد كان نفسى ابقى معاكوا ...

اتاسف لعدم حضورى ومنعى من الحضور لظروف خارجة عن ارادتى وتم شرحها للمهندس محمد هانى والاستاذ باسم
ان شاء الله الزياره التانية تبقى قريبه ونتجمع ونقضى اليوم كله سوا وياريت تبقى زيارة او تجميعة دوريه
احبكم فى الله

**Hany Saad** · 28-02-2014 12:44 PM

عاش وحوش تويوتا.....عاش وحوش رينو....

**miceg** · 28-02-2014 02:06 PM

ياريتني كنت معاهم
منورين والله يارجاله
ومتجمعين دايما بإذن الله

**Mohamed.Hany** · 28-02-2014 03:17 PM

المشاركة الأصلية كتبت بواسطة miceg

ياريتني كنت معاهم
منورين والله يارجاله
ومتجمعين دايما بإذن الله

تنورنا المرة الجاية

المشاركة الأصلية كتبت بواسطة toyota4arab

بصراحه كان يوم رائع.... وخسر كتير اللي مجاش

نورتنا يا محمد بيه

المشاركة الأصلية كتبت بواسطة ahmed khalifa

انا سعيد جدا بالمقابله والتعزف بشخصيات محترمه وده بفضل الله ثم مجهودك المحمود يا باشمهندس
كنت متشوق جدا للقاء الدكتور ابو فندى لكن الظروف منعته من الحضور ونداء الواجب اهم من اى شىء فتحياتى لسيادته و خيرها فى غيرها على رأى كابتن لطيف
الصور حلوه جدا الكاميرا عملت شغل يا هندسه هههه
انطلاقه مشجعه لنادى الملاك و عندنا حاجه لطيفه نبنى عليها

سعيد بمعرفتك استاذ احمد

المشاركة الأصلية كتبت بواسطة abofandy

اولا : انا سعيد جدا بالمقابلة الجميلة وتجمع الناس كدة فى يوم جميل زى دة وفرحان من قلبى بجد .

ثانيا : حزيييين جدا بس عدم انى مقدرتش اجى المقابلة دى لظروف خارجة عن ارداتى في حين انى اتصلت بالمهندس محمد هانى قبلها بيوم ومرتب ان اجى من اول اليوم ولكن مصائب القدر (( الحمد لله على اى حال )) .

ثالثا : المهندس محمد هانى مجهودك مشكور اوى اوى على تجميعة الناس والاحباب ويارب ما تبقى اخر مره .. استاذى احمد خليفة كان كلى امل انا التقى بحضرتك وبكل الزمله والاحباب وبعتلك سلامى تليفونيا اثناء المقابله مع المهندس محمد هانى اتمنى يكون وصله لحضرتك .. حبيبى باسم باشا بخصوص انى محضرتش فى تنظيف وتبيض سنانك عليا زى ما اتفقت لا تقلق انا وعدتك بكدة .. كل الزملاء الصور جميلة جدا بالتجميعة دى وبجد كان نفسى ابقى معاكوا ...

اتاسف لعدم حضورى ومنعى من الحضور لظروف خارجة عن ارادتى وتم شرحها للمهندس محمد هانى والاستاذ باسم
ان شاء الله الزياره التانية تبقى قريبه ونتجمع ونقضى اليوم كله سوا وياريت تبقى زيارة او تجميعة دوريه
احبكم فى الله

المرة الجاية تيجي ملكش حجة

المشاركة الأصلية كتبت بواسطة meggieboy

عاش وحوش تويوتا.....عاش وحوش رينو....

هنستناك المرة الجاية ان شاء الله

**Yousef.Kamel** · 28-02-2014 03:17 PM

انا سعدت جدا بلقاء جميع الزمﻻء اﻻفاضل دمتم زخرا للجميع والمنتدى يوسف

**bassem.naguib** · 28-02-2014 04:22 PM

كان يوم جميل .. وأفضل ما فيه هو رؤية أشخاص محترمة كان نفسي أشوفهم من زمان .. وافتقدنا د. محمد أبو فندي وناس تانية كنت أتمنى أنها تيجي .. بغض النظر عن تبادل الخبرات في العربيات فمعرفة الناس كنوز فعلاً .

@ م. محمد هاني ... اللي عاوز أقولهولك أننا كملنا السهرة أنا وتامر ومصطفى مجدي وأحمد عامر لغاية الساعة 11.30 أو 12 بالليل .. وكان ممكن نكمل لأكتر من كدة لولا أن ميعاد المقابلة كان بدري شوية .. كدة تسيبوني مع بتوع رينو لوحدي .. بس بصراحة ناس ميتشبعش من قعدتهم .

@ د. محمد أبو فندي ألف سلامة وإن شاء الله تتعوض المرات القادمة .. وبعدين أهزر معاك في التليفون تقوم مشردلي في المنتدى .. مااااااشي .

**iUsef** · 28-02-2014 04:46 PM

والله يا رجاله الواحد سعيد جداًً انه أتعرف علي ناس محترمه زيكم وان شاء الله المره اللي جايه الناس اللي معرفتش تيجي نشوفها والقعده تحلو اكتر
ابو فندي بقا.... لولا الظروف كنت زعلت انك مجتش بس إحنا مقدرين الظرف وربنا معاك ان شاء الله
رجاله رينو بقي ناس زي الفل واتشرفنا بمعرفتهم وسبحان الله مع ان المنافسه الشرسه علي طول علي المنتدي بين العربيتين مكنش في اي نفسنا بينا خالص غير بس باسم نجيب قعد يتمنظر عليهم بالبارك اسيست عشان احنا غلابه ومعندناش غيره حبيبي يا باسم أنا بهازر معاك اوعي تزعل... يا جماعه باسم نجيب ده اسطوره وفعلاً من عواميد المنتدي وفعلاً شرف ليا اني اتعرفت عليه

وان شاء الله نقابلكم تاني

الموضوع: صور مقابلة قسم تويوتا الخميس 2014/2/27 بتوكيل تويوتا التجمع الخامس

LinkBack

أدوات الموضوع

عرض

صور مقابلة قسم تويوتا الخميس 2014/2/27 بتوكيل تويوتا التجمع الخامس - انشر الموضوع فى :

-

-

-

-

-

المواضيع المتشابهه

اوبشن جديد في فتيس ال mmt - مباشر من تويوتا التجمع الخامس

تاكيد حضور مقابله يوم الخميس ((التجمع الخامس))

ارجو المساعدة في حجز الصيانة في تويوتا التجمع الخامس.

ياريت ياجماعة رقم تليفون توكيل تويوتا التجمع الخامس

مركز تويوتا فى التجمع الخامس

الكلمات الدلالية لهذا الموضوع

المفضلات

المفضلات

ضوابط المشاركة