الموضوع: ..::: تقرير مفصل عن فيوزات الكورولا 2014 ::..

بسم الله الرحمن الرحيم

تحيه خاصة لكل ملاك ومرتادى قسم تويوتا الكرام بصفة عامه

والوحش اليابانى الشرس بصفة خاصة

((( كورولا 2014 )))

مبروووك المقابله الاولى للقسم الجميل والنشيط وان شاء الله متكونش اخر مقابله

واعذرونى من عدم الحضور وذلك لظروف خارجه عند ارداتى ..

اكرر اعتذارى مره تانيه واتمنى انكم تقبلوه وميكونش حد زعلان منى .. دة بالنسبة لزعل القسم والاعضاء .. ناتى بعد لزعل الكورولا منى ..

كالعادة كما تعودنا مع تقارير الجمعة 28 / 2 / 2014

ستصحبنا الكورولا اليوم فى تقارير عن الفيوزات والكورولا بصفة عامه وحديثى خاصه عن 2014

كما تقدمنا بالتقرير السابق عن تركيب زينون للفوجات وكانت الخسائر ليست فادحه وكانت فى تشييع فيوزين من جميلة الجميلات الكورولا ..

النهاردة لازم نصالحها .. لانى مقدرش على زعلها ... وقولت اعمل تقرير بالصور لسبيين :

1 - اعتذار للقسم وكل الاعضاء لعدم مقدرتى ان احضر المقابله والتعرف عن قرب عن اجدع اصحاب

2 - اعتذار واجب للكورولا علشان متزعلش

...// نبدا الحكاية // ...

1 - الكورولا تحتوى على مكانين للفيوزات وهما الاولى فى كبوت السياره والثانى تحت الدركسيون والصور الاتية ستوضح الفكره .

2 - بعد ما الفيوز شييع اكيد كان لازم نحط واحد مكانه علشان يشتغل الانوار

والفيوزات الى فى السوق طويلة ولا تصلح للكورولا والغطاء بتاع العلبة الفيوزات مش هيقفل ودة كان الشكل فى الصورة لعلبة الفيوزات تحت الدركسيون .

3 - ودة الغطاء الى المفروض يغطى العلبة بتاعة الفيوزات السابقه .. وبطيبعة الحال والواقع انها مش هتقفل علشان الفيوز الى تم تغييره باخر اكبر منه فى الحجم ... ولو لاحظنا فى الصورة ان غطاء علبة الفيوزات بيوضح :

- اسم الفيوز الخاص بكل جزء مسؤل عنه

- القيمه بالامبير لكل فيوز

4 - وبعد رحله العناء الطويلة فى البحث عن نفس الفيوز توصلنا للفيوزات الى فى السوق وصورتها كالاتى

الفيوزات من اليمين الى الشمال :-

- الاول هو فيوز 10 أمبير .... المانى الصنع ( اصلى ) قصير خاص لتويوتا .

- الثانى هو فيوز 10 أمبير ... صينى الصنع ( تقليد ) قصير خاص لتويوتا .

- الثالث هو فيوز 5 أمبير ... صينى الصنع ... طويل او سكينه طويل غير صالح لتويوتا .

- الرابع هو فيوز 10 أمبير ... صينى الصنع طويل وتم تركيبه كما فى اول صورة لحين ان نجد الفيوز الاصلى .

5 - من الاربع فيوزات الى فوق الى يخصنا فى الموضوع اول فيوزيين وهما القصير الخاص بتويوتا .. وبعد اللف والدوران وكتر الكلام فية ونوعين الصينى والالمانى ولازم نعرف ازاى نفرق بينهم

الى فى ايدى :

على اليمين :-

هو فيوز 10 أمبير ..... ألمانى الصنع .... السعر 4 جنيهات .

على الشمال :-

هو فيوز 10 أمبير .... صينى الصنع .... السعر 1.50 قرش .

طبعا الفرق واضح من نوعية البلاستيك المغطاه للفيوز .. ونوعية السلك الداخلى فى الالمانى طبعا زى ما انتوا شايفين الصورة تتحدث عن نفسها .. (( الالمانى لما بيعملوا حاجة الجودة بتاعتهم حاجة مفيش كدة ما اعتقدتش انك بتشترى حاجة المانى فى اى مهنه او اى حاجة بيبقى فيها عيوب علشان فيها حاجة اسمها جودة بتتطبق ))

6 - ودة شكل الفيوزين من اعلى لملاحظة الفروق بين الصينى والالمانى

7 - نيجى بقى للمكان التانى للفيوزات وهو فى كبوت العربية .. تعالو نتعرف على المكان فى الكبوت بالصورة الى جاية

8 - زى ما شوفنا العبلة السمراء الخاصة بالفيوزات تعالو بينا نفتح العلبة ونشوف جواها اية والدنيا ماشية جواها ازاى

زى ما احنا شايفين العبلة فيها فيوزات لو لاحظنا انى حاطط الفيوز الى شيع منى مع الاحتياطى

وهو 7.5 أمبير وهو اعلى الصورة فوق شمال وكان مكانه فيوز 10 أمبير بس انا اخدته علشان اشغل علية وضرب هو كمان ههه ((( 2 فيوز شيعوا )))

9 - تعالو بينا نشيل الفيوز 7.5 المحروق دة من مكانه ونجيب الجديد الى هو 10 أمبير نركبه مكانه وكان شى لم يحدث ... الاول نمسك المشبك علشان نعرف نطلعة من مكانه .. فين المشبك دة ؟ المشبك دة فى علبة الفيوزات الى قدام حضراتكم وانا فى الصورة القادمه همسكه علشان تشوفوه

10 - كدة تمام تم التقاط المشبك .. ياتى دور بقى ان احنا نلتقط الفيوز البايظ من مكانه علشان نبدله بالاخر السليم

11 - ودة شكل الفيوز وانا مسكه بالمشبك بعد التقاطه من الفيوزات الاحتياطيه الموجودة

ملحوظة : السياره نازله ب 3 فيوزات احتياطى وفيمتهم ( 10 - 20 - 30 ) امبير زى ما الصورة موضوحة

12 - وبنفس الكيفية السابقة هنرجع الفيوز 10 أمبير الالمانى الى نازله بيه العربية مكانه بنفس الطريقة ويبقى المحصلة فى النهاية الصورة القادمه دى وكانها لسه نازله من المصنع

13 - كدة نقفل علبة الفيوزات الى فى الكبوت وندخل جوة العربية علشان نقفل علبة الفيوزات الى تحت الدركسيون ونرجع الفيوز 10 أمبير بتاع الفوج لايت علشان الغطاء يقفل ويرجع مكانه تانى ... ودى الصورة بعد اعادة الفيوز مكانه طبعا الفرق واضح بينه وبين اول صورة فى الموضوع

14 - اخر نقطة انه احنا نرجع غطاء الفيوزات تانى مكانه ونبقى كدة عملنا الصح والواجب مع الكورولا علشان متزعلش .. ودى الصورة

15 - اخر نقطة عايز اتكلم فيها وهى انا ركبت زينون المفروض اغير الفيوز ولا لا انا هتكلم عن التجربة الى انا عملتها على نفسى

- فى الاول تم تركيب فيوز 7.5 أمبير والامور حصل الى حصل وكان فية مشكله وشيع بس كان العيب فى الموديول بتاع الزينون واتغير بدليل شيع 7.5 وكمان 10 أمبير .

- تم تدارك المشكله وتغيير الجهاز وتم تركيب فيوز 5 أمبير وهو الاصفر الى الصورة التالته فى الموضوع واشتغل تمام (( بس ليس لدى ثقة فى الفيوز الصينى ممكن يبقى مكتوب عليه 5 وهو مش بالقيمة دى ))

- وخوفت بصراحة وتم تركيب فيوز 10 أمبير وبردة كان صينى لان مكنش موجود وقتها الالمانى لحد ما حصلت علية وركبته وبقى السوال هو انت لية مركبتش 7.5 أمبير زى ما كانت نازله بيه حتى بعد ما ركبت الزينون ؟

الاجابة لسببين

1 - ان مفيش فيوزاااااات المانى فى السوق 7.5 حاليا الموجود الصينى وانا معنديش ثقة فيه اساسا

2 - تم التحدث لاحد مهندس الصيانه فى موزع المنصورة وقالى خليك فى امان بدال مركب زينون خلى الفيوز 10 او 15 أمبير بصراحة استغربت اوى لان حرام اكبر الفيوز لحد ما اوصله ل 15 أمبيير كتير جدا جدا

فى النهاية انا ركبت فيوز 10 أمبير المانى زى ما الصور وضحت قبل كدة وان شاء لله لو قدرت او لقيت فيوز المانى 7.5 أمبير هشيل ال 10 أمبير واركب ال 7.5 تانى وتم تجربت ال 7.5 المانى بانى شيلت فيوز بتاع panel وهو 7.5 وشغلت علية الزينون والحمد لله الدنيا مشيت بس رجعته مكانه تانى لحين اجد واحد المانى 7.5

فى نهاية موضوعى اتمنى لكم جمعة مباركه على الجميع

واعذرونى بعدم حضورى المقابله وبكرر اعتذارى وان شاء الله ابقى متواجد المره القادمه