زيوت العربية - محتاج مساعدة

**amrezzat82** · 01-03-2014 04:14 PM

السلام عليكم
ممكن أعرف لو حطيت الزيت التخليقي 10000 من التوكيل المفروض يقعد سنة و لا أكتر؟ و لو أنت بتقيس الزيت في العربية و لقيته غامق جدا و مش تقيل (ينساب بسرعة من المقياس بس على العلامة التانية) ده طبيعي ولا ايه؟
و ايه نوع الزيت اللي بيحطوه فى التوكيل؟ و هل فيه أفضل؟

و ايه اخبار زيت الباور؟ يتغير ولا يتملي؟ كل قد ايه؟ و ماهو افضل نوع ؟

وياسلام لو كمان زيت الفرامل بالمرة يبق كتر خيركم؟يتغير ولا يتملي؟ كل قد ايه؟ و ماهو افضل نوع ؟

**janarad** · 01-03-2014 09:01 PM

اولا مافيش حاجة اسمها زيت بيقعد 10 الاف كيلو او 5 الاف ... و اتحدى اى حد انه يجيب اى عبوة زيت محترم مكتوب عليه المسافة بالكيلو متر او بالميل ... عمر الزيت بيعتمد على حالة موتورك و درجات الحرارة و طريقة قيادتك.

ثانيا ارجع لكتالوج عربيتك ها تعرف درجة اللزوجة اللى بينصحوك بيها حسب المناخ السائد فى بلدك .. لان كل مناخ ليه درجة لزوجة معينة بينصح بيه .. عموما المعهد الامريكى للزيوت بينصح فى مصر باستعمال زيوت متعددة الدرجات درجة لزوجتها تترواح من 10 ل 50 درجة .. الشايع فى مصر هنا 20 -50 و 10-40 و مافيش غير موبيل وان بس هو اللى 5-50 لانه تخليقى و ده معناه انه كل ما بيسخن لزوجته بتخف علشان تدفقه يكون اسرع على عدد لفات عالية .

ثالثا مش مستحب انك تسيب الزيت فترة طويلة فى الموتور لسبب بسيط .. ان ده معناه ان الفتلر ها يتملى شوائب اكتر و يخنق دورة الزيت و دى مشكلة كبيرة انت فى غنى عنها .
نصيحة منى غير زيت بدرجة 20-50 اللى بيقولوا عليه بتاع ال 5000 او 4000 كيلو و غير الفلتر معاه ( فلتر نوع كويس ) ... طبعا انت مش مرتبط بعدد كيلومترات زى ما فهمتك .. المهم انه يكون فيه لزوجة لما تكشف عليه و الا ساعتها يبقى محتاج تغيير.

اخير انواع الزيوت اللى بنصحك بيها كاسترول و ابرو ( امريكى ) و طبعا موبيل ... بلاش شيل لانه زيت معدنى مش تخليقى ... الناس بتفرح انه بينزل فاتح فى الغيار ما يعرفوش ان الزيت النضيف هو اللى بينزل اسود لان ده معناه انه بينضف الدورة بتاعته من شوائب الكربون .. الزيت الاسود مش معناه زيت محروق لان الزيت مش بيتحرق جوة المحرك .. اللون الاسود معناه انه بينضف الموتور من جوة .

و بالنسبة لزيوت الباور و الفرامل فبتتغير على فترات كبيرة .. .. المهم انه ما يكونش بينقص منك لان ده معناه ان عندك تسريب ... راجع جداول الصيانة فى كتالوج عربيتك علشان تعرف مواعيد التغيير .

**adel_edrees** · 01-03-2014 10:13 PM

المشاركة الأصلية كتبت بواسطة janarad

اولا مافيش حاجة اسمها زيت بيقعد 10 الاف كيلو او 5 الاف ... و اتحدى اى حد انه يجيب اى عبوة زيت محترم مكتوب عليه المسافة بالكيلو متر او بالميل ... عمر الزيت بيعتمد على حالة موتورك و درجات الحرارة و طريقة قيادتك.

ثانيا ارجع لكتالوج عربيتك ها تعرف درجة اللزوجة اللى بينصحوك بيها حسب المناخ السائد فى بلدك .. لان كل مناخ ليه درجة لزوجة معينة بينصح بيه .. عموما المعهد الامريكى للزيوت بينصح فى مصر باستعمال زيوت متعددة الدرجات درجة لزوجتها تترواح من 10 ل 50 درجة .. الشايع فى مصر هنا 20 -50 و 10-40 و مافيش غير موبيل وان بس هو اللى 5-50 لانه تخليقى و ده معناه انه كل ما بيسخن لزوجته بتخف علشان تدفقه يكون اسرع على عدد لفات عالية .

ثالثا مش مستحب انك تسيب الزيت فترة طويلة فى الموتور لسبب بسيط .. ان ده معناه ان الفتلر ها يتملى شوائب اكتر و يخنق دورة الزيت و دى مشكلة كبيرة انت فى غنى عنها .
نصيحة منى غير زيت بدرجة 20-50 اللى بيقولوا عليه بتاع ال 5000 او 4000 كيلو و غير الفلتر معاه ( فلتر نوع كويس ) ... طبعا انت مش مرتبط بعدد كيلومترات زى ما فهمتك .. المهم انه يكون فيه لزوجة لما تكشف عليه و الا ساعتها يبقى محتاج تغيير.

اخير انواع الزيوت اللى بنصحك بيها كاسترول و ابرو ( امريكى ) و طبعا موبيل ... بلاش شيل لانه زيت معدنى مش تخليقى ... الناس بتفرح انه بينزل فاتح فى الغيار ما يعرفوش ان الزيت النضيف هو اللى بينزل اسود لان ده معناه انه بينضف الدورة بتاعته من شوائب الكربون .. الزيت الاسود مش معناه زيت محروق لان الزيت مش بيتحرق جوة المحرك .. اللون الاسود معناه انه بينضف الموتور من جوة .

و بالنسبة لزيوت الباور و الفرامل فبتتغير على فترات كبيرة .. .. المهم انه ما يكونش بينقص منك لان ده معناه ان عندك تسريب ... راجع جداول الصيانة فى كتالوج عربيتك علشان تعرف مواعيد التغيير .

كلام تمام بس في حاجة أنا حاسس بيها موبيل زى توتال زى أسو زى كالتكس زى ليكوى مولى
زى ولف تكنولوجيا صناعة الزيوت التخليقية أصبحت متشابه فأحمد زى الحاج أحمد كله واحد طالما أنه تخليقى زى الزيوت المعدنية موبيل زى شل زى كالتكس زى مصر للبترول زى وطنية كله واحد
الأهم راحتك النفسية الزيوت التخليقية بتيجى مستوردة و معبأة بالكامل من الخارج يعنى ما فيهاش التاتش المصرى وده بيضمن لك أنه منتج كويس مافيهوش لعب و الله أعلم