الموضوع: العربية اتخبطت وهيا راكنة ياجدعان من الاكسدام للاكسدام ومنه لله اللي عمل كده

بسم الله الرحمن الرحيم

الحمدلله قدر الله وماشاء فعل العربية الريو بتاعتي اتخبطت وهيا راكنة ..... انا كنت بجيب حاجة من بي تك اللي في المعادي في شارع فلسطين وكنت راكن قصاد بي تك و كنت راكن لازق في الرصيف والشارع يعدي 3 عربيات جنب بعض المهم خرجت لقيت واحد معندوش ضمير واكيد ربنا هينتقم منه لاني انا مشفتوش انا خرجت لقيتها مخبوطة من الاكسدام للاكسدام من تحت عند الباب وجاية في السوكة وفي عضم الباب نيجي بقه للمهم انا روحت التوكيل قاللي هنغير بابين و هترش جنب كامل و هتتكلف 7000 جنيه طب انا خدت الكلمتين دول ومشيت ومعلقتش عشان كنت هقول كلام وحش ...... المهم روحت جبت تنر وقطن وقعدت ادعك في البابين والعتب والجنط 3 ساعات لغاية امما ظبطت الحمدلله انا بس عاوز رأيكوا .... اسيبها على الوضع ده خصوصا انها مش ماثرة على اي حاجة خالص غير اني كل امما اشوفها بتنكد بس .... ولا اعملها بره وعاوز كمان سمكري كويس لان الخبطة مش هينفع تترد على البارد فطبعا عاوزة سمكري صايع وصنايعي عشان ميبوظش الفليتو الفابريكة اللي في ضهر الباب ودي صور العربية وهيا مخبوطة وفي صورة للخبطه بعد امما نضفتها ...... وبعيدا عن كل ده فيها ايه لو كان وقف واعتذر عن اللي عمله انا والله كده او كده مكونتش هاخد منه فلوس او اقبل العوض لان ده اكيد فدا اي حاجة تانية خصوصا كمان ان مراتي وبنتي الصغيرة كانوا معايا بس كان اعتذر على الاقل بدل الدعاء اللي اتدعى عليه والنكد اللي نكده عليا

ودي صورة للخبطه بعد امما نضفتها

المشاركة الأصلية كتبت بواسطة saddam

صديقي المواطن
نحمد الله على سلامتك وإنك مكنتش راكبها ده خضت بنتك الصغيرة ومراتك كفايه
الحادث بسيط ولا تقلق وطبعا متسيبهاش كده ولا تسمع لمن يقول من زمايلنا اﻷحباء على قلبي بإنك تسيبها تاخد العين حضرتك إنسان مثقف ومؤمن فإعملها ومش حتكلف كتير أنا لو بتاعتي العربية مكانتش حتكلفني اﻷلف جنيه ولكن بما إن التوكيل قال لك 7 آلاف يبقه بره عشان ترجع زيرو حتكلف من 3 إلى 4 آلاف جنيه وأنا لو كنت منك كنت حميز عربيتي عن كل السيراتو في مصر وأعتبر الخبطة دي إشارة من ربنا وأروح أفصل ليها باكيتات عريضة بشكل إنفجاري جذاب وعلى فكرة ممكن تعمل الباكيتات دي وتسيب العربية بخبطتها ﻷنها حتتدارى جوه الباكيتات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

منا هعملها ان شاء الله بس التوكيل هيغير بابين وانا مش عاوز اغير انا عاوز سمكري شاطر وفاهم عشان لما يسخن ميبوظش في الفابريكه من جوه ....... وشكرا على ردك