الموضوع: اسباب خنقة العربية؟؟؟

اولا ممكن حضرتك تحددلى نوع العربيه .
ثانى حاجه ممكن اعرف الصبح اول مل تدور بتلاقى فيه برجله و بتروح بعد ثوانى لوحدها .
ثالث حاجه لما بتزيد سرعتك بتحس كانى فى حد شادد العربيه من ورا
رابعا انت عامل كام كيلو . و اتوماتيك ولا مانيوال

وبناءا على اللى انت هاتقولو انشاء الله هاوجهك صح

اولا انا بشكرك على اهتمامك.
ثانيا بالنسبة للعربيه هى نيو اكسينت موديل 2010
ثالثا بالنسبة للبرجلة ما بحسش ان فيها حاجه بتدور معايا على طوول كل اللى فيها انى ممكن اسمع صوت تكته فى الموتور بس خفيفة جدا واعتقد كمان انها راحت بعد ما غيرت زيت. لو فيه توصيف اكتر للبرجلة بتاعت العربية يبقى فهمنى بس.
رابعا: انا العربية بتجيب 140 معايا وال rpm على 4 تقريبا وبحس ان فيها شدى خفيفة لورا زى ما حضرتك قولت ممكن الموضوع ده يحصل بعد ال 100 او 110 تقريبا
خامسا: العربيه مانويال عاملة 30800 كيلو

البرجله ديه ماعناها اول ما تدور العربيه بتحس انى فيه اهتزاز فى الموتور جامد بيبان فى الدريكسيون . لمدة 5 ثوانى مثلا وبيروح لوحده

بص مبدئيا انا ملاحظتش حاجة زى كده. انا باخد بالى من اى حاجه ولو صغيره فانا بقول ان مفيهاش برجلة.

تمام . اخر مره حضرتك غيرت البوجيهات و فلتر البنزين . وزيت الفتيس من كام كيلو .