بسم الله ممكن المساعده

**abdalla sayed** · 02-03-2014 11:38 AM

السلام عليكم
ان شاء الله اول عربيه ليا
ان شاء الله في قدامي عربيتين بونتو 94
اول واحده انجكشن من غير تكيف وهاف بور ب 26
والثانيه صاحبها شايل منها الانجكشن والكمبيوتر بتعها وبيقولي هو عمل كده علشان الاعطال بتعتها من غير تكيف وهاف بور ب25
انا مش عارف اختار
ممكن اعرف هل البونتو حلوه ولا
وممكن اعرف اسعرها كام

**ابو لؤى** · 02-03-2014 12:05 PM

متابع

**mous6fa** · 02-03-2014 12:53 PM

أنا هجاوبك بناء ع تجربة شخصية ... لا أنصحك بالبونتو أساسا ... كانت معايا موديل 2001 وفابريقة بالكامل بس الكونترول بتاعها زهقني ف عيشتي وكمان "الباور الكهربا" اللى بيفصل مني كل شوية والدركسيون يتحول لدركسيون عربية لادا ... وفوق كل ده مشكلة الحساسات بتاعة البوابة اللى خلتني أقرر أبيعها وانا مش ندمان عليها ...
البونتو عربية جميلة جداً لما تكون رايقة ومفيهاش مشاكل وكمان تتعامل مع صنايعي فاهم فيها ... إنما لو أخدتها تعبانة والصنايعية هتلعب فيها هتكره نفسك صدقني ...
أنصحك بالأبيزا 94 برضو عن تجربة ... عربية دبابة ... ومفيهاش حساسات ولا أي تعقيد في الميكانيكا ورهيبة ع الطريق ...

**abdalla sayed** · 02-03-2014 02:18 PM

شكرا علي الرد طيب التانيه الي شايل منها الكمبيوتر دي احلي واقل في مشكلها ولا ايه ولا البونتو كلها مشاكل

**mous6fa** · 02-03-2014 02:43 PM

المشاركة الأصلية كتبت بواسطة abdalla sayed

شكرا علي الرد طيب التانيه الي شايل منها الكمبيوتر دي احلي واقل في مشكلها ولا ايه ولا البونتو كلها مشاكل

بص هبسطهالك ع الأخر ... الكنترول أو الكومبيوتر فى أي عربية حقن إلكتروني (إنجكشن) هو بمثابة "المخ" بالنسبة للجسم البشري ... يعني لما الكنترول ده يعطل أو نشيله من العربية خالص بتتحول العربية لجثة هامدة لا حياة فيها .. لإن الكنترول ده هو المسئول عن كل إجراء أو حركة بتتم داخل العربية ...
وبالتالي طالما هو شايل الكنترول منها يبقى أكيد متسقط فيها موتور "كربراتير" مش بتاعها اساسااااااا ... يعني بالعربي كده إنتا بتاخد عربية "معيوبة" وكل علاقتها بالبونتو هو الشكل الخارجي فقط ...
البونتو بصفة عامة عربية كويسة لو صاحبها مهتم بيها ... إنما فكك خالص من أي بونتو ملعوب فيها بالشكل ده ...
لو مصمم أوووى ع البونتو يبقى أختار واحدة كويسة وأكشف عليها كومبيوتر وخلي بالك من الحساسات والباور بتاعها

**abdalla sayed** · 02-03-2014 02:53 PM

المشاركة الأصلية كتبت بواسطة mous6fa

بص هبسطهالك ع الأخر ... الكنترول أو الكومبيوتر فى أي عربية حقن إلكتروني (إنجكشن) هو بمثابة "المخ" بالنسبة للجسم البشري ... يعني لما الكنترول ده يعطل أو نشيله من العربية خالص بتتحول العربية لجثة هامدة لا حياة فيها .. لإن الكنترول ده هو المسئول عن كل إجراء أو حركة بتتم داخل العربية ...
وبالتالي طالما هو شايل الكنترول منها يبقى أكيد متسقط فيها موتور "كربراتير" مش بتاعها اساسااااااا ... يعني بالعربي كده إنتا بتاخد عربية "معيوبة" وكل علاقتها بالبونتو هو الشكل الخارجي فقط ...
البونتو بصفة عامة عربية كويسة لو صاحبها مهتم بيها ... إنما فكك خالص من أي بونتو ملعوب فيها بالشكل ده ...
لو مصمم أوووى ع البونتو يبقى أختار واحدة كويسة وأكشف عليها كومبيوتر وخلي بالك من الحساسات والباور بتاعها

شكرا جدا جدا علي سرعه الرد وراي محترم جدا من شخص محترم

**graffittiii** · 02-03-2014 07:49 PM

المشاركة الأصلية كتبت بواسطة mous6fa

... يعني لما الكنترول ده يعطل أو نشيله من العربية خالص بتتحول العربية لجثة هامدة لا حياة فيها .. لإن الكنترول ده هو المسئول عن كل إجراء أو حركة بتتم داخل العربية ...
وبالتالي طالما هو شايل الكنترول منها يبقى أكيد متسقط فيها موتور "كربراتير" مش بتاعها اساسااااااا ...

بعد إذنك هضيف حاجة بس لكلامك ...

هو مش لازم يكون شايل الموتور ولاحاجة في عربيات كتير بتتحول من half injection لــ كربراتير خاصة في الأونو الــ half ...
مش معني كده أن ده حاجة كويسة أنا بوضح بس أن مالوش علاقة بتغيير الموتور
طبعا دي سهل تعرفها من ملف العربية في المرور .
أنا نفسي في ميكانيكي قبل كده عرض عليا الفكرة دي لمجرد أن الـبوابة كانت عايزة تتنضف .
هما كلهم حافظين أن لما يكون الـ Rpm مش ثابت يبقي بدل ماتغير Idle أو بوابة حولها كربراتير وخلاص مع أن في أحيان كتير لابتغير ده ولاده أصلا .
.

**m.tito** · 04-03-2014 05:44 PM

انا معايا عربية بونتو موديل 95 بقالها سنة وشهر ، العربية جميلة جدآآ ونضيفه ، قطع غيارها غالية بس مش اووى يعنى اغلى من الكورى بشوية ، افضل لحضرتك انك تجيب عربية فبريكة بره وجوه بالنسبة للشاسية واهم حاجة جوه ، وبالنسبة للميكانيكه هات عربية بالموتور بتاعها محدش غيره وقلبها كدة ، العربية فل انشجكشن كاملة بوابة بحساسات وكمبيوتر ، العربية كويسة بس اقعد دور على وحدة نضيفه ، وقبل ما تشترى وتدفع فلوس اهم حاجتين انك تحط العربية على كمبيوتر وتشوف الكمبيوتر سليم والا لا ؟؟ والحساسات كلها شغاله وقرايه كويس والا لا ؟؟ ، ولو فى حساس بايظ او فى حاجة اسال عليه الاول ؟؟ ، تانى حاجة ان سمكرى كويس ومحترم وامين يبصلك على الشاسية بتاع العربية كله من تحت كويس ويبصلك على القوايم بتاعت العربية فيها لحامات او حجة ابعد عنها علطول ، وربنا يوفقك ، ولو فى اى حاجة انا تحت امرك