الموضوع: معايا سبورتاج ومطلعه عينى

إيه يا سيدي الفاضل خير الله ما أجعله خير
العنوان والمقدمة أفزعوني فعلا
وفي الأخر حضرتك تقولي نتشه وبلية كوتش
وبعدين ملش حضرتك راجع التوكيل مش ممكن حد فاهم في التوكيل ويقول بلية كاوتش
وياريت نعرف من حضرتك أسم وعنوان التوكيل
وحضرتك بتقول دي اول مشاركة ليك في المنتدي وأنا مصدقك بس دي برضوا أول شكوة منذ إنتشار السيارة و دية برضو مشاكل لاتذكر ولا تعتبر مشاكل من الأصل خاصتا لحد كام راكب جيتا من قبل
وبالنسبة لموضوع الخامات ديه غلطة حضرتك علشان كان لازم قبل شرائك للسيارة كنت استشرت خبير أو أصطحبت معك عند الشراء حد من اصحاب الخبرة والمعرفة والدراية وتثق فيه بدل كل هذا الندم
علما بإني من أصحاب السيارة التقفيل الكوري وزاد أعجابي أكثر بالتقفل التشسلوفيكي خاصتا بعد ادماج طبلوه السيارة بالجلد يعني مبقاش كله بلاستيك زي الكوري
وأقسم بالله وبسم الله ما شاء الله لا بنسمع صوت سواء في الطبلوه أو الشنطه
والبنسبة لقطع الغيار اطمئن يا سيدي جدا جدا متوفرة و الوكيل قادر علي توفيرها بسهولة ويسر وانا واثق تمام الثقة في كلامي هذا
أكيد في سوء تفاهم في المكان إللي حضرتك صينت عنده وياريت نعرفه علشان نطمئن
علما بإني من أوائل ملاك السبورتاج ومن المجازفين المغامرين وركبت جهاز gps والعربية لسه في التليين منذ عامين تقريبا ايوه عامين كانت العربية لسة جديده و في ناس كثير متعرفش عنها حاجة
حصل إيه بقي ياسيدي بسبب تركيب هذا الجهاز والعبث في كهرباء السيارة تلف في كارتة الفيوزات ولخبطه في كل حاجة في العربية حتي الشنطة والأبواب تقفل وتفتح لوحديها واشارات وقصص غريبة
المهم حجزت في توكيل القطامية خلف محمد زكي وطبعا أنا رايح وقلت العربية لسه جديده وأكيد مفيش قطع غيار ومش أقل من شهر علشان تصلح ذي توكيلات كتير بتعمل كده
ولاكن قالوا لي حضرتك تستلم العربية بكره والله قد صدقوا القول
تاني يوم بسم الله ما شاء الله العربية واقفة ومغسولة وكله تمام كان نفس ادخل ابسهم واحد واحد لآني أنا كنت حاسس ان الموضوع ده وكرته وخلافه هيبقي صعب
بص بقي الأجمل من كده قلتلهم العربيه طلعت بره الضمان قالوا لي لأ علشان الشئ رجع لأصله
فأعتقد توفير قطعة زي ديه في خلال 24 ساعة انجاز يحسب للتوكيل علشان العربية كانت لسه جديدة ومش منتشره
مع إني كنت من أشد المحتدين والكارهين للتوكيلات ولاكن الحق لازم يقال
ونسيت أقول لحضرتك كلنا بنمشي ببنزين 92 وماشاء الله زي الفل غير البنزينه لأنه أكيد بنزين مغشوش
وأنا تحت أمر حضرتك في أي أستفسار