اصلاح كبوت 301 فى التوكيل

**mezolove1984** · 02-03-2014 06:22 PM

السلام عليكم ياشباب
من حوالى 3 اسابيع كده وعملت حادثه بسيطه وخبطه فى الكبوت

وخدت راى الشباب فى المنتدى وخلاص نويت اروح ورشه نايل موتورز اعملها هناك
وقلت اخد راى شركه التأمين اللى مأمن معاها
المهم المندوب قالى لا روح التوكيل واوعى توديها اى مكان بره وانت ملكش دعوه باى حاجه هو بس انت هتشيل 10 % من المقايسه طبعا انا اتخديت ورحت التوكيل قالوا متتردش ولازم الكبوت كله يتغير علشان من تحت المونيوم تقريبا ومينفعش تترد مش عارف الكلام ده صح ولاغلط

المهم قلت امرى لله وغيروه وخلاص الموضوع خد اسبوع الكبوت تمنه 2330 من غير الضريبه ومصنعيه 1500 الموضوع كله خد 4300 علشان الخبطه الهبله دى وانا شلت 10 % و200 جنيه شرط كده فى الوثيقه يا عنى كله حوالى 600 جنيه

انا عملت الموضوع ده علشان حاجتين
اولا : ياريت ما حدش يعمل اى سمكره فى التوكيل نهائيا وانا استغبيت فى الموضوع ده

ثانيا : الكبوت القديم معايا والخبطه دى ممكن اى سمكرى شاطر يعملها ويرجع زى الاول لو انا حبيت ابيعه ممكن يجيب كام خصوصا ان سعره جديد من غير مصنعيه 2600 جنيه

**محمد بدر** · 02-03-2014 06:29 PM

ياعم أحتفظ بيه محدش ضامن الظروف ده كفاية طرق السفر والزلط والطوب
المكان ده فعلا بيكون علبة بس ممكن سمكري شاطر يرده علي البارد. وكل سمكري وليه طريقه

**Sherif Mandoor** · 02-03-2014 06:49 PM

سمكر القديم وركبه واحتفظ بالجديد

**J A G U A R** · 02-03-2014 07:21 PM

معقوله غيرت الكبوت علشان الخبطه دى .. كان اى حد عملها مش لازم سمكرى كمان .

**Mohamed.Hany** · 02-03-2014 08:46 PM

المشاركة الأصلية كتبت بواسطة mezolove1984

السلام عليكم ياشباب
من حوالى 3 اسابيع كده وعملت حادثه بسيطه وخبطه فى الكبوت

وخدت راى الشباب فى المنتدى وخلاص نويت اروح ورشه نايل موتورز اعملها هناك
وقلت اخد راى شركه التأمين اللى مأمن معاها
المهم المندوب قالى لا روح التوكيل واوعى توديها اى مكان بره وانت ملكش دعوه باى حاجه هو بس انت هتشيل 10 % من المقايسه طبعا انا اتخديت ورحت التوكيل قالوا متتردش ولازم الكبوت كله يتغير علشان من تحت المونيوم تقريبا ومينفعش تترد مش عارف الكلام ده صح ولاغلط

المهم قلت امرى لله وغيروه وخلاص الموضوع خد اسبوع الكبوت تمنه 2330 من غير الضريبه ومصنعيه 1500 الموضوع كله خد 4300 علشان الخبطه الهبله دى

وانا شلت 10 % و200 جنيه شرط كده فى الوثيقه يا عنى كله حوالى 600 جنيه

انا عملت الموضوع ده علشان حاجتين
اولا : ياريت ما حدش يعمل اى سمكره فى التوكيل نهائيا وانا استغبيت فى الموضوع ده

ثانيا : الكبوت القديم معايا والخبطه دى ممكن اى سمكرى شاطر يعملها ويرجع زى الاول لو انا حبيت ابيعه ممكن يجيب كام خصوصا ان سعره جديد من غير مصنعيه 2600 جنيه

معلش قدر الله ماشاء فعل, هو سعر الكبوت غالي شوية علي فئة العربية بس هو ده حال التوكيلات بس اللي مش طبيعي هو مصنعية تغييره 1500 جنيه هو تغييره حوار قوي كدة !!!!

**saddam** · 02-03-2014 11:45 PM

صديقي المواطن
نحب نقول لك قدر الله وما شاء فعل
ولكن الذي يحزننا هو
إنه دايما بننادي ونقول يا جماعة بلاش توكيلات تخلي الناس تسرقكم عيني عينك والصنايعية بتوع التوكيلات فشلة ومطرودين من نص أجعص ورش الجمهورية ومحدش بيرضى يشغلهم وأذكر إني علقت على موضوع سابق لك وغالب ظني أني لم أنصحك بالتوكيل عامة الظاهر المواطن المصري لا يأخذ النصيحة إلا يخسر فلوس من جيبه وبعديها يصدق
وبرضو جون للتوكيل ضد عضو فاضل في نايل موتورز
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال