الموضوع: عيب تصنيع فى الصنى الشكل الجديد !!!

يا جماعة انا كنت حاجز صنى الشكل الجديد من ديسمبر و استلمتها اخيرا فى 20 فبراير يوم الخميس رخصت السبت 22

يوم الخميس 27 على المحور العربية اعدت تنتش و الموتور يرزع ولا كأن فى قنبلة فى الموتور المهم الكلام دة كان على سرعة 80 كم و عملتها العربية مرتين رايحو مرتين راجع الحمد لله تفاديت حادثة كانت هتبقى مميتة لا قدر الله

الجمعة قلت اشوف عمى و هو مهندس (انا دكتور صيدلى ف مليش فى الميكانيكا اوى كدة) المهم هو جربها اعدت تترج على 80 و بعد كدة 60 و 40 و كانت بتبطل سواء كنت على ال n او ال d لوحدها المهم فى الاخر بطلت و مارضيتش تدور فى وسط البطل و خت انا و عمى شتايم العمر كلو محدش مصدق ان عربية بالاكياس و الستيكر على الكبوت تقف فى نص الشارع زقتها لحد ما نفسى اتقطع و ركنتها

السبت بقى اوتو ايجبت قطروها لابو رواش (على حسابهم طبعا) و سلمتها الساعة 1 الضهر ماشية 900 كم اليوم خلص و مش عارفين يدوروها

الاحد محدش كلمنى لغاية الساعة 2 قلت اتصل انا ابتدوا يتوهوا فيا لحد ما المهندس كلمنى الساعة 4 يقولى ده عيب تافه سلك ارضى فى الضفيرة بتاعت الموتور مش متركب كويس احنا ركبناه و هى دايرة و زى الفل تعالا استلم

الاتنين طلعت على حماية المستهلك عملت شكوى و بعدها على التوكيل اخد كتاب الضمان و اقلهم مش عايز العربية دى اعدوا يقنعونى و جابوا المهندس و فهمنى ايه حصل و طلعت جربتها كانت كويسة و استلمتها منهم تحت التجربة الاتنين بليل حاسسها بتهبل فى النقلات و شاكك ان الموتور و الفتيس حصلهم حاجة من قطع الكهربة عنهم فجأة اكتر من مرة على طريق سريع

انا مقدم شكوى لنيسان مصر اصلا بس هيحصل حاجة لو عدى اول 14 يوم على العربية و ايه العمل دلوقتى
انا اسف لو طولت عليكم

ايوا ما السؤال دلوقتى اعمل آيه زيادة علشان اضمن حقى و لما نيسان يكلمونى يقولولى طلاباتك آيه اقولهم ايه