ارجو المساعدة Octavia 2009 vs Cruz 2010 vs Mitsubischi shark 2009

**darkomed** · 05-03-2014 01:55 AM

انا عايز اشتري عربية مستعملة و اختياري وقع علي التلات عربيات دول Octavia 2009 v او Cruz 2010 v او Mitsubischi shark 2009، ايهم احسن من حيث التسارع الراحة ف السواقه العفشة الاعتمادية وسع العربية
ارجو النصيحة و لكم جزيل الشكر ...

**simon659** · 05-03-2014 02:14 AM

شاااااااااااااااااااارك بأكبر خط اهو
تاني شاااااااااااااااااااااااا اااارك
شاااااااااااااااااااااارك بالاحمر
شااااااااارك بالاخضر
وبالازرق كمان شاااااااااااااااااااارك

**omaranes77** · 05-03-2014 03:10 AM

اكتافيا اية حضرتك بس لو اية 5 تكسب لان الكروز فيها مشاكل الموديل دة والشارك اعتمادية بس مش اوي بس كدة

**AlGazar2** · 05-03-2014 05:46 AM

التسارع يبقى الكروز
الاعتمادية يبقى الاوكتافيا الشارك الكروز - بس قطع الغيار الارخص الكروز و الفروق بينهم مش هتبقى كبيره فى الاعتمادية و قطع الغيار برضه
الراحة فى السواقة مجربتش اى حاجة منهم
الوسع الكروز واسعه من جوه تنين - طولها و عرضها بيقولوا كده
الاوكتافيا شنطة تحط فيها مرتبه من جوه كويسه مش وحشه - دى ركبت فيها و جربتها -
الشارك اضيق واحده فيهم
الثبات لو العفشه سليمه فى التلاته يبقى التلاته زى بعض

**abou-yahia** · 05-03-2014 06:44 AM

محتاجين نعرف الاوكتافيا موديل ايه

الكروز في محملها اداء مشابه للاوكتافيا بس هيه اكثر انخفاض منها وافضل عزل وانعم في الشوارع

الشارك عربيه حلوه لاكنها مش امتعهم في السواقه لاكن اعتبارات السوق بترجحها
مشكلتها الرئيسية معايا عزلها شويه مش لطيف

**darkomed** · 05-03-2014 08:57 AM

المشاركة الأصلية كتبت بواسطة algazar2

التسارع يبقى الكروز
الاعتمادية يبقى الاوكتافيا الشارك الكروز - بس قطع الغيار الارخص الكروز و الفروق بينهم مش هتبقى كبيره فى الاعتمادية و قطع الغيار برضه
الراحة فى السواقة مجربتش اى حاجة منهم
الوسع الكروز واسعه من جوه تنين - طولها و عرضها بيقولوا كده
الاوكتافيا شنطة تحط فيها مرتبه من جوه كويسه مش وحشه - دى ركبت فيها و جربتها -
الشارك اضيق واحده فيهم
الثبات لو العفشه سليمه فى التلاته يبقى التلاته زى بعض

الف شكر يا باشا ...

**darkomed** · 05-03-2014 09:13 AM

المشاركة الأصلية كتبت بواسطة abou-yahia

محتاجين نعرف الاوكتافيا موديل ايه

الكروز في محملها اداء مشابه للاوكتافيا بس هيه اكثر انخفاض منها وافضل عزل وانعم في الشوارع

الشارك عربيه حلوه لاكنها مش امتعهم في السواقه لاكن اعتبارات السوق بترجحها
مشكلتها الرئيسية معايا عزلها شويه مش لطيف

Skoda Octavia A5 2009 , Cruz 2010 , Shark 2009
مع العلم ان التلاته حالتهم ممتازة, اعتبارت السوق مبتلعبش دور كبير لاني ان شاء الله مش هبيع قبل ٥ سنين علي الاقل، وانا عايز عربية عائليه و في نفس الوقت يبقي فيها سحب كويس، هي دي مشكلتي
انابفكر ازود شوية و اجيب BMW 320 2005 او Passat 2006 يا ريت يا جماعة تساعدوني لاني هاتجنن خلاص

**simon659** · 05-03-2014 11:54 AM

استازي الفاضل انا بقول الشارك بعلو صوتي لاسباب كتير جدا انا في الاول
جربت الاكتافيا a5 اكتر من 3 سنين وبصراحه عربيه ممتازه ويعيبها بصراحه الفتيس بهدلني وده يعتبر ان ده عيب لا يمكن التهاون فيه اطلاقا والعيب التاني انها حريقه بنزين شويه انما في المميزات فيها مميزات رائعه بس هتفضل عربيه معيوبه او تروح تجيبها مانويل لو تقدر .
الكروز انا بصراحه ما جربتهاش بس العربيه في كلام الناس في المنتدي ان الفتيس معيوب وبعدين الماتور في الموديل ده ماتور الاوبترا مع احترامي الشديد له بس مش ينفع للكروز لانها في نظري البدي بتاعها كبيييير عن الاوبترا فا من التخلف يتحط علي ماتور اقل بدليل انهم عدلوه بعد كده والحاجه الي متأكد منها انها اكيد خراره بنزين ومن غير ما اجربها
نيجي بقي للشارك
اولا عربيه بلا عيوب ماتور ممتاز حتي لو 1500 فا هو ممتاز في استهلاك البانزين تكنولوجيا مايفك الفتيس رائع العفشه رهييبه مالتي لنك والعربيه عريضه مه عفشه مالتي لنك تدي ثبات رهييب
الفتيس نقلاته ممتازه وبعدين بقي صالونها ممتاز وبعدين الي ماجربش اعدتها مايفتيش العربيه مرييييييييييييييييييييييي ييحه جدا وبعدا العربيه فيه حاجه انا بعتبرها ميزه انها سير كاتينه حديد يعني امان اكتر العلو عن الارض مقبول جدا مش زي الكروز
العيوب الشنطه صغيره مقارنه بلاوكتافيا بس دي حاجه مش هتعطلك وانت ماشي علي الطريق وتبهل جماعتك وبناتك وولدك وعزلها مقبول ودي برضو مش حاجه تعطلك يكفيني اني لما بسوق الشارك بحس ان
king of the road