الموضوع: استفسارات بخصوص توكيل بافاريا

انا الحمد لله استلمت الfsv امبارح عايز اعرف ازاي افعل الضمان
واول صيانة امتي وبعمل فيها اية بالظبط
ولو عايز اركب ريموت وسنتر ووحدة رفع وسينسور كل واحدة منهم تتكلف كام ؟؟؟
وجزاكم الله خيرا

الريموت انا ركبته في التوكيل ماركه وولف و العربيه فيها وحدات رفع ببتفعل لما تركب الريموت التكلفه كانت حوالي 900 جنيه بالضريبه و هو ممتاز بس عيبه حاجتين…. زرار فتح الشنطه من الريموت بمجرد ما تلمسه يفتح الشنطه و المفروض يكون نظام هولد 3 ثواني لكن للاسف هو بمجرد الضغط يفتح الشنطه…. العيب التاني ان وحدات الرفع بتشتغل بعد ما تقفل الكونتاكت لمده 60 ثانيه و بعدها الكهربا بتفصل عن العربيه كلها يعني تقفل الكونتاكت و تنط بسرعه من العربيه و تضغط زر الاغلاق عشان الزجاج يترفع قبل ال 60 ثانيه ما يخلصوا و مش عارف ممكن المده دي تزيد و الا لا و انا ان شاء الله ناوي اقولهم عليها في التوكيل………. بالنسبه للباركينج سينسورز في التوكيل تمن ال 4 سينسورز و الكنترولر و التركيب بيدخل في حوالي 1000 جنيه