الموضوع: مشكلة ضعف فى عزم العربية خصوصا لو محملة

المشاركة الأصلية كتبت بواسطة forti

انا نزلت ابص كده فكيت غطاء الموتور بصيت على الخراطيم كله تمام .. اكدت على سلوك البوجيهات .. الفيشة بتاعة حساس الهوا فكتها و ادتها نفخة و نضفت فلتر الهواء .. دى الحاجات الى قدرت اعملها

و نزلت اجرب العربية حاسس انها نعمت شوية بس فى حاجه
انا مثلا كنت جبت الاولانى و و سايب الدبرياج خلاص .. كبستلها بنزين .. المفروض السحب و فركة الكاوتش الى ممكن تحصل دى تكون فى نفس اللحظة .. لا دى بتتأخر حاجه بسيطة كده و بعدين احس ان صوت العربية على فجأة و بدأت تفرك كأنها جمعت القوة الى انا ادتهالها الاول بعدين نفذت الحركة .. انا بحاول اوصفلكم على قد ما اقدر و كذلك التانى و كده
يعنى لو انت بتزود واحدة واحدة مش هتحس بالموضوع لكن لو ادتها كبسة فجأة كده حتى على الاولانى مش بتستجيب فى ساعتها
هل ممكن حاجه فى الكهربا تعمل كده ؟

بعد التحيه
الاعراض اللى حضرتك بتقولها دى بنسبة كبيرة بتأكد ان حساس الهواء (MAF sensor )
محتاج ينظف لأن الكبس المفاجى هو عبارة عن فتح البوابة و دخول كبيرة من الهواء و على كمبيوتر السيارة ان يوازن كمية البنزين المناسبة و عندما لا يشعر هذا الحساس بكمية الهواء المفاجئة تكون نسبة البنزين غير دقيقة و هذا سبب الاحساس بالاختناق ثم الانطلاق
مع الشكر