مشكلة فى البورا

**ellemby** · 05-03-2014 02:33 PM

المروحة علقت معايا والعربية حرارتها عليت ضربت الجوان اللى فى غطا قربة المياه روحت غيرتة
اشتغلت زى الفل مع انى كنت شاكك فى علبة الفيوزات اللى فوق البطارية
بعد كدة راجع من وسط البلد وزحمة شغلت التكييف مفيش دقيقتين الحرارة عليت تانى ركنت غيرت اماكن الفيوزات فى العلبة اللى فوق البطارية المروحة اشتغلت تانى كويس بس انا مشغلتش التكييف تانى علشان الحمل على الفيوز

لو اهل الخبرة يدلونى على سبب الموضوع ده علشان انا ناوى اغير علبة الفيوزات دى علشان الموضوع ده خصوصا انى اخر كبل فيها من ناحية الموتور شكلة بقى اسود شوية (محروق بس مش اوى) على عكس الاربعة التانيين والراجل قبل كدة قالى العلبة دى متغيرة قبل كدة وان اللى راكبة دلوقتى صينى .
العلبة هغيرها استيراد عادى بس عايز اعرف السبب اللى خلاها تعمل كدة علشان خايف تتكرر تانى بعد مغيرها واحنا داخليين على الحر والصيف وطبعا موضوع التبريد ده مهم جدااا
يعنى ده عيب فى الكهربا خلى الفيوز مستحملش ولا العلبة هى اللى ضعيفة

معلش طولت اوووى بس عايز افهم

**ellemby** · 05-03-2014 08:11 PM

ايه يا رجالة مفيش حد معبرني برد

**ibiza2002** · 07-03-2014 02:35 AM

السلام عليكم
اخى الحبيب غير علبه الفيوزات ال فوق البطاريه انا كان معايا بورا 2002 و كنت بقابل نفس المشاكل
فغيرت العلبه و ريحت دماغى و احمى موتور عربيتك

**ellemby** · 07-03-2014 01:19 PM

المشاركة الأصلية كتبت بواسطة ibiza2002

السلام عليكم
اخى الحبيب غير علبه الفيوزات ال فوق البطاريه انا كان معايا بورا 2002 و كنت بقابل نفس المشاكل
فغيرت العلبه و ريحت دماغى و احمى موتور عربيتك

شكرا اخى الفاضل على الرد
انا فعلا معايا بورا 2002 يعنى بعد العلبة مغيرتها المشكلة اتحلت نهائي
علشان انا نازل حالا اغيرها بس كنت خايف يتكون فى حاجة تانية هى السبب