كل شئ عن الماكينة فولكس / سكودا 1800 تيربو

**A.mohamed** · 06-03-2014 02:33 AM

سلام عليكم يا شباب.

انا بقالي فترة بدور على سكودا a4 محترمة اوتوماتيك و مش لاقي، الناس بتبالغ في الاسعار او الحالة بتبقى متهانة و مش نافعة.

فقولت يا واد فكر برا الصندوق و هاتلك عربية مانوال بسعر رخيص شوية و سقطلها ماكنة 1800 تيربو و يبقى اسمك راكب عربية مافيهاش عيب ( تكييف و عالية عن الارض و حمالة اسية و ثبات جبار و امان و ماتور عفي ، هو الواحد عاوز اية اكتر من كدة ؟)
سألت على الماكينة في الحرفيين قالولي من 12 ل 14 الف بالتركيب بكل حاجة ، فقولت لازم ادخل اسأل الفطاحلة بتوع الفولكس عن الماكينة ديه.
انا عارف طبعا ان قطع غيارها مش هتبقى زي المكن الاس ار ١٦٠٠ العادية بس:

هل الماكينة اعتمادية ؟
ايه اخبار اسعار قطع غيارها ؟
هل قطع غيارها زي قطع غيار مكن اودي التيربو ؟
ايه اللي انا هغيره في العربية بالضبظ لما اسقط الماكينة ديه ؟

محتاج ردود اصحاب الخبرة و اللي جربو المكنة دي

و اهيه تبقي فرصة نجمع اكبر قدر من المعلومات عنها لكل اللي محتار زيي كده

و شكرا

**cherif2014** · 06-03-2014 09:34 PM

بعد اذنك مين قال لحضرتك ان سعرها 12 او 14 الف سعر الماكنه 2000 سي سي عاده موديل 2006 بالفتيس و الكنترول و الدفيره .. فبريكه بمعني الكلامه بسعر 7 الف جنيه و التربو 1800 موديل 2005 2006 بالكتير 10000 و تقدر تنزل فيها في الحرافين انا لسه شايفه امباح .. عشان بدور علي مكنه و فتيس و بالنسبه لقطع غيار المكن التربو .. قليله شوية و اسعارها مبالغ فيه .. لكن معظم اجزء المحرك واحده اذا كان تربو او عاده الا الربع اللي فوق

**A.mohamed** · 08-03-2014 01:04 AM

المشاركة الأصلية كتبت بواسطة cherif2014

بعد اذنك مين قال لحضرتك ان سعرها 12 او 14 الف سعر الماكنه 2000 سي سي عاده موديل 2006 بالفتيس و الكنترول و الدفيره .. فبريكه بمعني الكلامه بسعر 7 الف جنيه و التربو 1800 موديل 2005 2006 بالكتير 10000 و تقدر تنزل فيها في الحرافين انا لسه شايفه امباح .. عشان بدور علي مكنه و فتيس و بالنسبه لقطع غيار المكن التربو .. قليله شوية و اسعارها مبالغ فيه .. لكن معظم اجزء المحرك واحده اذا كان تربو او عاده الا الربع اللي فوق

شكرا يا شريف باشا. هل عندة فكرة انا لو رحت جبتها من بورسعيد هتبقى ارخص ولا لأ ؟
انت شفتها عند مين ب10000 ؟

**chiko** · 08-03-2014 10:38 PM

انا شفتها عند بيت الجولف .. و كل الشارع هناك بتوع الماني بس ..سالت عند كل المحلات و الاسعار للماتور ال 2000 سي سي كامل بالفتيس و الكنترول و الدفيره بي 7000 و التربو بي 10000 و تقدر تنزل فيه .. ولسه مركب فتيس امبارح جبته بي 3000 و كان فيه بي 2500

**A.mohamed** · 09-03-2014 08:38 PM

المشاركة الأصلية كتبت بواسطة chiko

انا شفتها عند بيت الجولف .. و كل الشارع هناك بتوع الماني بس ..سالت عند كل المحلات و الاسعار للماتور ال 2000 سي سي كامل بالفتيس و الكنترول و الدفيره بي 7000 و التربو بي 10000 و تقدر تنزل فيه .. ولسه مركب فتيس امبارح جبته بي 3000 و كان فيه بي 2500

شكرا يا chiko

هل عندك فكرة عن اعتمادية الماكينة ديه ؟ و اعطالها عاملة ازاي ؟

**chiko** · 09-03-2014 11:33 PM

بالنسبه للي عاده ..قطع غيارها متوفر اكثر من التربو و اسعارها اقل ..لكن الاعطال في الاتنين قليله نسبيآ .. و بتعتمد علي اهتمامك ..

**Ahmed Saad** · 10-03-2014 07:38 AM

الموتور ده موجود بكثره في بورسعيد ومكن نضيييف اوي وسالت علي سعر واحد بس بتاع باسات كان ب 7000 بالفتيس والضفيره والكنترول والموتور ده بيخرج 150 حصان ولو فتيس مانيوال يشتغل معاه عادي لكن لو اتوماتيك لازم الفتيس الاستبترونيك لانه بتاعه علشان الكنترولات تظبط مع بعضها وعموما كود الموتور للاوكتافيا a4هو فيه 4 اكواد ب 4 مواتير (AGU-ARZ-ARX-AUM) دول بتوع A4