الموضوع: عيوب هيونداى الينترا

عايز اعرف عيوب الينترا ٢٠١٣ عشان ناوى انشاء الله اجيبها وبعمل مقارنه مع السيراتو ٢٠١٣

المشاركة الأصلية كتبت بواسطة samir elshahawy

الالنترا md (موديلات 2012 - 2013 - 2014) هي نفسها السيراتو 2013 من حيث الشكل و المضمون و الاختلاف فقط في الاوبشن و الكماليات

و بالتالي المميزات و العيوب تقريبا تكاد تكون واحدة

أهم العيوب في الالنترا :
1- ارتفاع السقف في الكرسي الخلفي منخفض مما يسبب ضيق و مشكلة لطوال القامة لكن الكراسي الخلفية بسم الله ماشاء الله واسعة و تأخد 3 افراد من الوزن الثقيل بالراحة
2- البقعة العمياء الامامية كبيرة بسبب القائم الامامي الايسر يعني صعب تشوف عربية جاية من شمالك فجأة لو داخل تقاطع لذا تتطلب الحرص في القيادة في التقاطعات
3- شكل الفوانيس الامامية و الخلفية بالرغم من جمال التصميم و لكنه عرضة للتلف لكبر مساحته خاصة في شوارع مصر و أساليب القيادة الخاطئة من الاخرين
4- ضعف طبقة الدهان مما يجعلها عرضة للتجريح و التقشير بسبب الحصي و الزلط المتناثر و المتطاير من السيارات التي أمامك
5- أرتفاع السيارة من الخلف مع ميل الزجاج الخلفي يجعل من الصعب الركن بخلفية السيارة و يحتاج الي تعود علي الابعاد أو تركيب حساسات أو كاميرا

بصراحة العيوب غير اساسية و غير مؤثرة و ممكن التغلب عليها مع الوقت و مع التعود علي السيارة و أبعادها و نفس العيوب ستجدها في السيراتو بالطبع و لكن ..

لو عايز رأيي الشخصي هات السيراتو للأسباب التالية :
1- أوبشن و كماليات أفضل خاصة في الفئات الاعلي
2- وسائل الامان أساسية في السيراتو (أيرباجز - فرامل مانعة للأنغلاق) - في 2014 نزلت وسائل امان اساسي
3- سعر اقل علي ما أعتقد
4- أسعار هيونداي - غبور مبالغ فيها حبتين

+111111111111
متفق تماما رغم اني من ملاك الالنترا
لو حسببتها صح كل دي عيوب عادية يعني مش جوهرية
وبالنسبالي السيراتو او الالنترا الاتنين واحد
والفرق الشكل فقققققققط مع اختلاف الاذواق