الموضوع: مشكلة ماس كهربىظتهريب كهربى فى جولف 4

السلام عليكم

عندى مشكله فى جولف 4 موديل 2000 ان البطاريه بتسرب كهربا، روحت لبتاع بطاريات ووصل لمبه على القطي السالب والطرف التانى على السلك الارضى اللى رايح للعربيه واللمبه نورت وده معناه ان فى حاجه فى العربيه بتسحب كهرباء وهى اللى بتسرب وبعدا قاللى روح لكهربائى اكشف.

انا اتفرجت على كام فيديو للمشكله دى ولقين ان انا لازم ابدأ بعلبية الفيوزات الرئيسيه اللى فوق البطاريه وافصلها واحد واحد لحد ما اللمبه تطفى واعرف الفرع ده بيغذى ايه وبعدين اروح لعلبة الفيوزات الفرعيه واعمل كده تانى

انا مش هاقدر اعمل ده لوحدى فا هروح لكهربائى، حد يعرف كهربائى كويس جدا وميكونش بلاص ويبوظ اكتر مايصلح؟ ولو روحت بيها التوكيل عشان كشف كامل على الكهرباء والاى بى اس والايرباج بالذات ممكن اخش فى كام فلوس؟

ساعدونى الله يكرمكم علشان العربيه لسه مبلقهاش اسبوع والواحد متوتر

شكراً جزيلاً

الدينامو بتاعى فيه مشكلتين

1- المفروض يطلع 14 فولت وهو بيطلع 13.4 بقياس بتاع البطاريات مع دوسة بنزين، فقالى غيره عشان ضعيف وهيضعفلك البطاريه فى الشحن .. مغيرتوش

2- البطاريه كانت بتسرب شحن، وصلنا جهاز بين الفرده الارضى اللى رايحه للعربيه وبين العمود السالب بتاع البطاريه وبدأنا نفصل اول فرع (العمومى) اللى رايح على الدينامو فالجهاز قرا قرايه أقل فعرفت ان قاعده السليكونات بتاعت الدينامو اللى المفروض بتنظم خروج الفولت واتجاهه للبطاريه فيها مشكله فبيرجع الشحنه تانى للدينامو .. ده اللى قاله الكهربائى وده اللى انا طلعت بيه من شوية فيديوهات تعليميه من واحد اسمه eric the car guy

اتمنى تكون دى المشكله وميكونش بيشتغلنى