الموضوع: عيوب و مميزات سيراتو 2013 الشكل القديم ؟

انا شايف ان السيراتو جميلة ..

وال120 الف اعتقد يجيبولك سيراتو موديل 2012 حالتها محترمة
او كسر زيرو

ولو بتدور على شكل العربية , يبقى سيراتو كوبية :d

المشاركة الأصلية كتبت بواسطة afrikano

انا شايف ان السيراتو جميلة ..

وال120 الف اعتقد يجيبولك سيراتو موديل 2012 حالتها محترمة
او كسر زيرو

ولو بتدور على شكل العربية , يبقى سيراتو كوبية :d

لقيت أكتر من واحده سيراتو 2013 من 120 ألف ل 125 الشكل القديم بس لس مستقرتش عليها

لو خضرتك بتقارني بينها وبين الريو المقارنه صعبه لان السيراتو كانت معايا الشكل القديم جنط 16 وكانت ناشفه شويه اما جربت الريو فيها راحه شويه عن السيراتو بس مميزات السيراتو السرعه واما تشغلي التكيف انا شخصيا بيفرق معايا سحب العربيه بحس انها تعبت وماشي اه بس مش بتجري لو مش تهمك النقطه ديه ولا يهمك الموتور الاكبر يبقي علي البركه في الريو وهيا عربيه كويسه بس ينقصها الموتور بتاعها ضعييف شويه واي استفسار انا تحت امرك

انا لسة شارى سيراتو 2013 الشكل القديم كسر زيرو مصرى مش خليجى العربية مريحة نفسيا من الداخل تحسي انها تستاهل تمانها سحبها كويس جدا و القاعدة فيها مريحة عيوبها انها عفشة نشفة بتحسى بالنقر فى الأرض جامد بس دة افضل علشان تستحمل الطرق المصرية بتاعتنا و سحب البنزين ان حاسة عالى شوية بس دة علشان كان معايا لانسر 2002 1300 سي سي فا كنت بفول مرة كل 10 ايام او اسبوعين.... و احب اريحك مفيش عربية كاملة اى عربية فيها مميزات و عيوب و انت تشوف العيوب دة تقدر تستحملها ولا تقيلة عليك ... والأفضل شوف حد معاه سيراتو و جرب تسوقها

السيراتو من 2010 الى 2013 مفيهاش مشاكل جوهرية تعيبها كعربية , تنحصر كل مشاكلها فى العفشه و تخبيطها
فى الاول وفى الاخر هى كورى و لازم تكون حاطط ده فى دماغك كويس عشان متتخنقش منها