عيوب الفرامل اتحلت في الجديد ولا لسه؟

**midors** · 07-03-2014 02:59 PM

ياجماعة عايز اشترى الصنى ex ولما دخلت الى موقعى المفضل نايل موتورز لاقيت الناس مجمعة ع مشكلة الفرامل فعايز اعرف اتحلت فى العربيات الجديدة ولا لسه؟

**Moh. Elnagar** · 07-03-2014 03:34 PM

انا معايا 2014 والحمد لله مفيهاش حاجة بس نصيحة من أخ السوبر صالون أحسن كتيييييييييييييييييير

**midors** · 07-03-2014 03:46 PM

المشاركة الأصلية كتبت بواسطة moh. Elnagar

انا معايا 2014 والحمد لله مفيهاش حاجة بس نصيحة من أخ السوبر صالون أحسن كتيييييييييييييييييير

طيب ايه الزيادات اللى فارقة اوى اصلي الفرق فى 10 الاف والفرق فى الجنوط والطارة هل فيه فرق تانى

**freedom_2010** · 07-03-2014 04:07 PM

الفرق الجنوط والطاره والبلوتوث وسبويلر والمرايا الضم وشكل العدادت و2014 اظن ان التكيف بقى تاتش

**hamaka** · 07-03-2014 04:17 PM

نصيحة أخوية بلاش منها ، الفرامل أهم حاجة فى العربية و محدش مستغنى عن عمره عشان ياخد ال Risk ده ، فى ناس كتير على المنتدى هنا اشتكوا من الفرامل و من انها حتى لما التوكيل بيغير القطع المشاكل بترجع تانى بعد فترة مما ينذر بخراب البيوت بعد انتهاء فترة الضمان...

يجوز تكون الموديلات الجديدة اتعالجت فيها الحكاية دى مع انى شاكك لأنها لو كانت اتعالجت عن طريق تحسين جودة المكونات المستخدمة كانت اتعالجت فى القديم باستخدام المكونات الجديدة ، نصيحة تشوف اختيار اخر فى نفس الفئة السعرية أو تنتظر شوية لو كنت متمسك بالاختيار ده لحد ما العربية تتجرب كويس و تتأكد من ان الموديلات الجديدة اختفت منها المشكلة تماماً ، و ده يفضل يكون عن طريق زيارتك لمراكز الخدمة بتاعة نيسان و سؤال الناس اللى رايحة هناك اذا كانت دى مشاكل فرامل ولا حاجة تانية، لأن فى بعض الأخوة الأعضاء من مالكى الصنى فى المنتدى هنا بيبقوا متعصبين شوية للعربية فا ممكن شهادة البعض تكون مجروحة فا الأفضل انك تسمع اراء كتير من المنتدى و من خارج المنتدى و ربنا يوفقك للصالح....

**mif** · 07-03-2014 09:07 PM

المشاركة الأصلية كتبت بواسطة hamaka

نصيحة أخوية بلاش منها ، الفرامل أهم حاجة فى العربية و محدش مستغنى عن عمره عشان ياخد ال Risk ده ، فى ناس كتير على المنتدى هنا اشتكوا من الفرامل و من انها حتى لما التوكيل بيغير القطع المشاكل بترجع تانى بعد فترة مما ينذر بخراب البيوت بعد انتهاء فترة الضمان...

يجوز تكون الموديلات الجديدة اتعالجت فيها الحكاية دى مع انى شاكك لأنها لو كانت اتعالجت عن طريق تحسين جودة المكونات المستخدمة كانت اتعالجت فى القديم باستخدام المكونات الجديدة ، نصيحة تشوف اختيار اخر فى نفس الفئة السعرية أو تنتظر شوية لو كنت متمسك بالاختيار ده لحد ما العربية تتجرب كويس و تتأكد من ان الموديلات الجديدة اختفت منها المشكلة تماماً ، و ده يفضل يكون عن طريق زيارتك لمراكز الخدمة بتاعة نيسان و سؤال الناس اللى رايحة هناك اذا كانت دى مشاكل فرامل ولا حاجة تانية، لأن فى بعض الأخوة الأعضاء من مالكى الصنى فى المنتدى هنا بيبقوا متعصبين شوية للعربية فا ممكن شهادة البعض تكون مجروحة فا الأفضل انك تسمع اراء كتير من المنتدى و من خارج المنتدى و ربنا يوفقك للصالح....

+1

العربية نفسها جيدة جدا و هى رقم واحد فى الهند (فى منها اصدارات بمحرك ديزيل و اعلى فئة بفتيس اتوماتيك cvt و هو غير موجود فى مصر) تقريبا.

و لكن التوكيل بيسترخص و بيستخدم قطع غيار صيني ذات كفاءة قليلة ( وجهة نظري الشخصية و هى مرفوضة بشدة من بعض ملاكها بالمنتدى )

ممكن تراجع موضوع http://www.nilemotors.net/Nile/405141-a.html