جديد في عالم السيارات

**moos88** · 07-03-2014 03:14 PM

السلام عليكم

انا عضو جديد اسمي محمد يونس
بصراحه بشكر القائمين ع الموقع والمنتدى والاعضاء اللي فيه على المنتدى ده

بجد حاجة تحفه وتفاعل ممتاز ومنتدى زخي بالموضوعات والتقارير وكل المعلومات عن اي عربيه

انا بقى عضو جديد هنا وكذلك في عالم السيارات ... كل علاقتي بالسيارات اني اعرف اسوق عربيه ازاي بتطلع واطلع بيها ع الطريق واكبر مسافه سوقتها كانت من القاهرة للاسكندريه وطبعا كانت بعربيه والدي فمكنتش بتعافى ولا بتجنن ، مجرد وسيله مواصلات ..... يعني لا بتاع غرز وحركات

طبعا سواقتي للعربيات كانت تبقى كل فين وفين فمفيش تعود وبرده مفيش خلفيه سليمه عن متطلبات العربيه والحفاظ عليها

فانا بقى اليومين دول مقدم على شراء عربيه جديده زيرو وغالبا تويوتا ياريس 2014 شكلها الجديد - تحفه بجد-

فهتقل عليكم بطلبين صغنططين

عايز اعرف راي الساده الاعضاء في العربيه دي من حيث الثبات والامان والرفاهيه والتوفير - طبعا اقصد في التوفير مش البنزين بس اقصد قطع غيارها والحاجات اللي بتتغير بشكل دوري وبرده اعرف رايهم في توكيل تويوتا ايه وانه افضل ... ابو حته اللي في الغردقه ولا يفضل اني اروح التوكيل اللي ف مصر ... انا بحكم شغلي بكون بين مصر والغردقه .

الطلب الثاني

يا ريت لو كان فيه شرح وافي عن متطلبات العربيه علشان احافظ عليها ... يعني مثلا كل اد ايه اغير الزيت والفلاتر والتيل والحاجات التانيه انتو اكيد ادرى بيها مني ...

وفي الاخر
احب اقول اني مبسوط بالمنتدى ده ويارب اكون م الاعضاء المفيدين في رحلتي الجديدة ف عالم السيارات