السلام عليكم
الموضوع بالنسبة ليا تجربة جديدة ومهمة وافادة بس افادة بعد خراب جيبى لوقت طويل مع فيات 132 ومحدش يقولى بيع وجدد لو جددت هجيب عليها انما دى عشرة عمر وحمالة اسية وبصراحة كتيربشد بيها على العربيات الزيرو وبدخل بيها مبيهمنيش وكله بيوسع ليها يعنى من الاخر(مرسيدس الفيات)
اولا لفترة كبيرة بعانى من العفشة . من اسبوع غيرت مساعدين خلفى كورى 280ج
العفشة الامامية مطلعة عينى بقالها فترة كبيرة ورايح جاى ع العفشجى .وبسمع كتير مع الفرامل تصفير الكاوتش على الطريق مايقارب من اكثر من 6 اشهر
شوية من اسبوعين العربية لقيتها بتعرج كدة سالت صاحبى قالى كاوتش .قلت اروح (لشيبوب) بتاع الترصيص والزوايا يمكن يحل القصة . اول مادخلت الصبى بيقولى دى بايظة من بعيد كدة يمين ادام والراجل الكبير اعد على الشمال يقولى شمال خلفى بايظة. قلتله فيش حاجة تانى بايظة ماتاخد العربية احسن.
مشيت وصاحبى معايا وانا متعكنن وبعدين انا كل اسبوع فى القاهرة وعلى طريق زقازيق القاهرة الصحراوى . وانا مش من اللى بيبخل على العربية وايدى فيها على طول.
قلت مبدهاش نزلت امبارح باليل مع واحد صاحبى شوفت الانواع والاسعار محل والتانى فى الزقازيق.
نوع اندونيسى وتركى ويابانى
المهم بعد ماكنت هغير 2 فرد كاوتش الصبى قالى 3 بايظين ياباشا .... واناااااا اعيييييييييييييط
طب انا القديم عندى 175/65 وهركب جديد 185/70 كوتش عريض شوية
طب والفرده الرابعه غييييييييير ياجدع وانااااااااااا اعييييييييييييط. وقفت الفرده على 400 لان المحل تبعنا وحبيبنا جيت عليه كتير
الكارثة بقة اللى عايزكم تاخدوا بالكم منها انا كل فرده كاوتش كانت بتتخرم يشور عليا بتوع الكاوتش شورة سودة ومهببة منهم لله ربنا ينتقم منهم . حط ياباشا السائل ده جوه الكاوتش وانساه بيلحم لوحده اى خرم .. انا مش هرد الصورة هترد (سبانخ جوه الكاوتش)الكاوتش اتاكل من جوه والجنط طبعا انساه ياباشا خالص صدى
وده الجنط
ضايع وصدى من جوه
ادى السائل واللى عمله وده حصل فى الاربع عجلات
الحمد لله ربنا ستر لانى على طريق وسفر
بس فرق شاسع والعربية معدتش بتحدف وكويسة فى مطبات المحروسة
المفضلات