صيانة 20 الف اربي وتأجيل تغيير قطع الغيار

**amagroup** · 07-03-2014 07:53 PM

كنت بفكر مغيرس فلتز بنزين ولا بوجيهات

انا شايف ان العربيه كويسه جدا وسحبها متغيرش
رأيكوا ايه

**toty_305** · 07-03-2014 09:38 PM

-مش لازم تستنى العيب عشان تغير دي صيانة وقائية.
-انا عملت صيانة 20 الف من شهرين كده و غيرت كله كانت ب 1200 جنية

**elmo7amed** · 07-03-2014 10:38 PM

بص انا ماشى 60.000 كم ومش بغير غير فلاتر هوا فقط بس حغير بقه فلتر البنزين والبوجيهات وحعمل اللازم فى صيانه ال 60 الف دى بس مش عارف هيه المياه الخضرا بتتغير ولا حاجه ولا حكايتها ايه علشان خايف منها بصراحه
والحمد لله العربيه زى الفل

**amagroup** · 09-03-2014 02:02 PM

المشاركة الأصلية كتبت بواسطة toty_305

-مش لازم تستنى العيب عشان تغير دي صيانة وقائية.
-انا عملت صيانة 20 الف من شهرين كده و غيرت كله كانت ب 1200 جنية

انا معاك بس ليا سؤال الاول :انت خدت اللي اتفك منها او بمعني ادق شوفت حالتوا ايه؟

انا بقي ببص لده لو حالتهم حلوه والدنيا كويسه اغير ليه
1200 جنيه كتيير ده انا المفروض اغير ب 780 جنيه من غير زيت بالمصنعيه بس انا تبع مركز صيانة معتمد

المشاركة الأصلية كتبت بواسطة elmo7amed

بص انا ماشى 60.000 كم ومش بغير غير فلاتر هوا فقط بس حغير بقه فلتر البنزين والبوجيهات وحعمل اللازم فى صيانه ال 60 الف دى بس مش عارف هيه المياه الخضرا بتتغير ولا حاجه ولا حكايتها ايه علشان خايف منها بصراحه
والحمد لله العربيه زى الفل

المايه الخضرا اللي اعرفه انها ببتغير عند 40 الف لانهم بخافوا من تغير مواصفاتها وانا رأئي ان تغيير الزيوت والمياة في معدها هو اللي بيحافظ علي اجزاء الموتور
وخد بالك من تغيير زيت الفرامل عند 40 الف برده لانه مهم تغييره حسب القواعد العامه
بس بالنسبه لمياة الردياتير هل هلاقي نوع بنفس الجوده هنا في مصر ولا المياة الملونه وخلاص عشان كده الواحد بيتمسك بحاجة بلدها اكثر

اما فلتز البنزين او الوبجيهات انا متمسك بيهم لانهم بتوع بلادهم ومعتقدتش ان استمرارهم هيبوظ حاجه

عموما انا كل 10 الف هحط منظف دورة البنزين مع العلم ان بينصح بيه كل 5 الف كم بس اهو بينظف اول بأول ولو اني مش عارف اذا كان بياكل في المواسير والدائرة ولا لأ
عموما هتابع العربيه كويس واشوف

**toty_305** · 09-03-2014 07:50 PM

-خدت القطع اللي فكوها فلتر البنزين مش باين منه حاجة عشان هو جوه علبة بلاستيك كده و البوجيهات تمام نظيفة
-عامة انا بعد الصيانة حسيت العربية فاقت جدا مع ان القطع اللي طالعة حالتها حلوة.
-مع الجو الحر و البنزين الوحش لو القطعة طالعة 70% يبقى تغيرها احسن خصوصا ان العربية ادائها مش هيتغير قوي لان هي جديدة و كفائتها عالية لو القطع قلت كفائتها مش هتحس بمشكلة في الاداء زي م انت متخيل يعني البوجيهات مش هتنتش مثلا عشان كده الصيانة الوقائية احسن لو انت ناوي تقعد معاك العريية ان شاء الله 10 سنين مثلا غير كده براحتك :d مش هتفرق كتير

-فلتر زيت + زيت + وردة و صمولة حوالي 350 جنية كمان +10 % ضريبة