لماذا تكركر السيارة

**م.أحمد الدسوقي** · 07-03-2014 10:08 PM

كان عندي عقده في ايامي القليله خلال تعلمي السواقه في الشهرين اللي فاتوا

هيا الدبرياج اللي بيبطل مني

بدا انحرفت وبقيت بطلع بالعربية وانا علي التاني

بس امبارح طلعت بالعربية وانا علي التالت قامت العربية مكركرة وطلعت

منين جه صوت الكركرة وايه معناه من فضلكم

**yasser202** · 17-03-2014 09:10 PM

الطلوع بيكون علي الاول علشان تريح متور العربية
الطلوع علي الثالث هيبوظ الاسطوانة والبلية وتحمل عي المتور عالي لا فائدةمنه

**medo_msa** · 18-03-2014 05:18 PM

ميتفعش تطلع ع التالت ..هتضيع الفتيس كده ..اطلع ع الاول وريح موتورك فى النقلات وحافظ عليه وع الفتيس ..تحياتي

**besso** · 18-03-2014 06:24 PM

الغيارات معموله نسب مختلفه وكل غيار مناسب فى وقت معين وعلشان تطلع بالعربيه لازم تطلع على الاول علشان تتجنب الضغط على المحرك وخلى باللك الكركره دى غلط جدااااااا وبتحصل بردو لما تدى غيار غلط وانت على مطب مثلا

**م.أحمد الدسوقي** · 19-03-2014 01:51 PM

شكرا لاجابتكم جميعا

بس برضه صوت الكركرة جاي منين

**ابو لؤى** · 19-03-2014 01:56 PM

المشاركة الأصلية كتبت بواسطة م.أحمد الدسوقي

شكرا لاجابتكم جميعا

بس برضه صوت الكركرة جاي منين

الكركره دى بتكون من عامود الكرنك

**a7medsh3rawi** · 19-03-2014 02:33 PM

انت مشكلتك مع صوت الكركره ولا سبب الصوت وعلاجه ؟

لو مع الصوت: دا مصدره الكرنك بيخبط فى البنز بتاع الفتيس اللى بيشبك عن طريق الديسك والاسطوانه للغيار فى الفتيس فلما حضرتك تديله غيار تقيل البساتم بتضغط على الكرنك يقوم الكرنك يرزع فى البنز فتسمع الصوت بره لان حركته دائريه وضغط البساتم عامودى عليه ومطلوب منه تحويلها من عاموديه لدائريه مع عزم قليل وجهد عالى ودا يا اما هيقطم الكرنك او يكسر البنز او يضرب البستم

سبب الصوت عدم اعطاء المحرك العزم الكافى عن طريق الضغط على دواسة الوقود مع ابقاء الضغط على الدبرياج وعمل ميزان بينهم يعنى كل ما ترفع سنه دبرياج تضغط سنه بنزين حتى تتحرك السياره

علاج الصوت لازم تدى كل غيار حقه يعنى الاول فى بداية التحرك لغاية ما صوت الموتور يكون عالى وبعد كدا التانى وهكذا الى الخامس وخلى بالك وانت بتنزل بالغيار من الخامس الى الرابع وهكذا وتمور العربيه لما تهدى او عايز تقف
وربنا يوفقك ويعينك على السواقه

**hamisa08** · 19-03-2014 03:48 PM

المشاركة الأصلية كتبت بواسطة engonear

انت مشكلتك مع صوت الكركره ولا سبب الصوت وعلاجه ؟

لو مع الصوت: دا مصدره الكرنك بيخبط فى البنز بتاع الفتيس اللى بيشبك عن طريق الديسك والاسطوانه للغيار فى الفتيس فلما حضرتك تديله غيار تقيل البساتم بتضغط على الكرنك يقوم الكرنك يرزع فى البنز فتسمع الصوت بره لان حركته دائريه وضغط البساتم عامودى عليه ومطلوب منه تحويلها من عاموديه لدائريه مع عزم قليل وجهد عالى ودا يا اما هيقطم الكرنك او يكسر البنز او يضرب البستم

سبب الصوت عدم اعطاء المحرك العزم الكافى عن طريق الضغط على دواسة الوقود مع ابقاء الضغط على الدبرياج وعمل ميزان بينهم يعنى كل ما ترفع سنه دبرياج تضغط سنه بنزين حتى تتحرك السياره

علاج الصوت لازم تدى كل غيار حقه يعنى الاول فى بداية التحرك لغاية ما صوت الموتور يكون عالى وبعد كدا التانى وهكذا الى الخامس وخلى بالك وانت بتنزل بالغيار من الخامس الى الرابع وهكذا وتمور العربيه لما تهدى او عايز تقف
وربنا يوفقك ويعينك على السواقه

عليا الطلاق اسيادنا راضيين عليك