طلب تسعير c4

**shaheenOnco** · 07-03-2014 11:44 PM

C4 2007 موف..اوتوماتيك..103000 كم..صيانه بالتوكيل حتي ال 90..فابريقه برا عدا الاكصدامين..فرش نضيف اوي...مالتي فنكشن. طاسات..رخصه سنه.. بطاريه من تسبوعين..كاوتش ماشي حاجه وعشرين اعتقد
اللي فيها معيوب ...اولا.. كان فيه تريحه من قدام..اترد الكبوت علي البارد وغيرت الفبر اللي ورا الاكصدام استيراد..وشبك الاكصدام جديد
ثانيا..في كوبري في علبة الفيوزات(هيا شغاله تمام بس ده عيب طبعا)
ثالثا..التكييف محتاج سربنتينه داخليه
..لو حد يفيدني ياريت يقول تساوي كام..شكرررررا

**hamaka** · 08-03-2014 12:10 AM

ولله يا باشا على الأسعار اللى فى كونتاكت و اللى بشوفه مع قرايبى و معارفى ما تبيعش أقل من 70000 و لو مكانش فيها شغل خالص و العربية على الركوب كنت هقولك 75000 ، أصلاً الحالة الحلوة فى العربية دى مش بتتلاقى كتير و المعروض معظمه متهان و مشافش التوكيل من زمان فا عربيتك ليها أولوية ، العربيات كلها غليت و لسه هتغلى تانى ، انت بس أصبر عليها ، بس لو مستعجل طبعاً ممكن تضطر تبيع أقل من كده عشان تنجز...عموماً موفق فى البيع و ربنا يسهلك الحال و يخلف عليك بالأحسن

**Yousef.Kamel** · 08-03-2014 01:35 PM

70_73الف

**shaheenOnco** · 16-03-2014 10:54 PM

انا وصلت ل 63..تاجر..
بس مش دي مشكلة....المشكلة ان العربيه صعبانه عليا...مش عاوز ابيعها...كنت بفرج عليها الناس وانا في سري بقول يارب ما نتفق :)

**Mohab.Nabil** · 16-03-2014 11:42 PM

المشاركة الأصلية كتبت بواسطة shaheenonco

انا وصلت ل 63..تاجر..
بس مش دي مشكلة....المشكلة ان العربيه صعبانه عليا...مش عاوز ابيعها...كنت بفرج عليها الناس وانا في سري بقول يارب ما نتفق :)

عارف احساسك و الله و انا ببيع العربية كنت زعلان فعلا و حتى فى البيت عندى حصلت كام مشكلة بسبب الموضوع ده لأن هما كانوا شايفين انى متردد مش عارف عايز ابيع ولا لا بس كان غصب عنى لازم ابيع عشان سافرت و حاولت كتير اقنع اخويا ياخد العربية بس مرضيش بس و الله وحشانى لحد دلوقتى و بالاسعار اللى بنسمعها دلوقتى اظن عشان تركب حاجة احسن محتاج على الاقل 180 الف جنيه عشان تجيب حاجة زيرو احسن من السى فور و ربنا يوفقك يا باشا و لو كنت راجع مصر دلوقتى كنت اشتريت العربية منك لأن ماشاء الله واضح ان حضرتك امين و قايل كل حاجة فى العربية و الحالة الكويسة من العربية ديه فعلا تعتبر لقطة فى السوق المهبب ده