الفاميه بيتخدش في نفس اليوم انا اتجننت !!!

**Maoist** · 08-03-2014 01:48 AM

ركبت فاميه (عادي من ابو 70 جنيه ده اللي الكل مركبه) في عربيتي، بونتو كلاسيك و طبعا انا عارف ان النوعيات دي بتتجرح عادي لكن بعد فتره يعني .. من اول يوم و مع كل تنزيله و تطليعه للازاز الامامي الاقي خدوش في الفاميه !! شيلته و ركبت فاميه تايواني ضد الخدش (و فعلا ضد الخدش ، الصنايعي ركبه من غير سوليفانه اساسا و مكنش بيتخدش تماما و الراجل نازل هري فيه بالاستيكه) نفس القصه بس اقل شويه !! بردو خدوش صغيرة (اقل طبعا عشان الخامه انضف) مع كل تنزيل و تطليع للازاز !! اعمل ايه في المشكله دي ؟؟!!!

**Amr.Fathy** · 08-03-2014 02:03 AM

متابع

**ramyhekal** · 08-03-2014 03:34 AM

فى فيميه شوفته بيبقى رول كبير حوالى 100 متر بس مش عارف نوعه ضد الخدش بس غالبا زى التانى اللى انت ركبته ده

**Ahmed.Essam** · 08-03-2014 03:37 AM

الفيمية الحراري مش بيتخدش

**Salamonti** · 08-03-2014 06:13 AM

غالبا ممكن تكون المشكلة عندك في كاوتش الإزاز اللي بعرض فرش الباب..
احتمال يكون لامم تراب كتير وهو اللي بيعمل أثر الصفرة ده..
جرب تنزل الإزاز للآخر وتنضف الكاوتشة دي من الجهة الداخلية بفوطة ناشفة وشوف الوساخة اللي هاتطلع منها.