مقصات لنيسان تيدا

**samar_kassim** · 08-03-2014 03:24 PM

السلام عليكم و رحمة الله و بركاته

أمتلك سيارة نيسان تيدا موديل ٢٠٠٩ عاملة حتي الآن ٤٦٠٠٠ كم

في موعد تغيير الزيت كان توكيل الدراسة عامل اسبوع فحص مجاني

المهم في هذا الفحص قالوا ان السيارة تحتاج تغيير مقصات

أود آن آسأل حضراتكم هل ممكن يكون هذا الكلام منطقي أم ماذا

علما بأن السيارة أسمع فيها أحيانا صوت اهتزاز خفيف بعد رفع قدمي من علي الفرامل و خصوصا بعد المطبات

شكرا لحضراتكم [/size][/size]

**samar_kassim** · 08-03-2014 03:45 PM

ما زلت متابعة مع زوج لبنتي بالتوكيل

قالوله كمان الكلاكس عايز تغيير و عامود الدركسيون و محتاجة ضبط زوايا

و أذكر حضراتكم ان السيارة استعمالي اشخصي و آنها يتم عمل الصيانة الدورية بالتوكيل و ليس عندي منها أي شكوي

أرجو الإفادة و أشكر حضراتكم

**alshura** · 08-03-2014 05:00 PM

الاستاد الفاضل نيسان تيدا من العربيات المحترمه جدا و انا اشك ان العربيه محتاجه حاجه بالمره والمقصات ما بتبظش قبل البيض يعنى ضغطالمقصات كله على بيض المقصات بمعنى اخر البيض بيبوظ قبل المقصات و 46الف كيلو معناه ان العربيه لسه بتلين و لو المقصات باظط مع ان دا مستحيل اللهم ان العربيه عملت حادث من الامام و تخبطت خبطه جامده من اليمين و الشمال و الشاسيه اتعوج بعد الشر فى الحاله دى ممكن المقصات تتعوج و تحتاج تغيير اما احساسك بهزه فى العربيه بعد المطب و الفرامل ممكن يكون من ضبط الزوايا خدها لمحل ظبط زواىا محترم و خليه يحط العربيه على الجهاز ويظبط لك زوايا على موديل العربيه و سنه الصنع يعنى اقف امام شاشه الخهاز و العامل حيفضل يدور على العربيه بالموديل و السنه لحد مايظبط لك الزوايا وجرب وبالتوفيق وسيبكمن اسبوع الفحص المجانى علشان همه ح يكدبو عليك و يقولولك العربيه محتاجه كدا وكدا و دايما راجع كتالوج العربيه بالنسبه للصيانه الدوريه

**samar_kassim** · 08-03-2014 05:05 PM

جزاك الله خيرا علي الرد المفيد جدااسيدي الفاضل

**Omar_4ever** · 08-03-2014 11:15 PM

مفيش في شوارعنا مستحيل
انا جبت مقصات عال 60 الف
روح اكشف عليها في بنزينة وطنية عن بتاع ظبط الزوايا
ممكن تنزل تحت تبص بنفسك عالمقصات، تخلي حد يطلع سنة عالدي ويدوس فرامل ويرجع سنة عالأر ويدوس فرامل وحضرتك بنفسك هشتوف اذا كان المقص بيلعب من مكانه ولا لأ من عند الجلب ولا البيض
ونصيحة اوعى تفكر تشتري غير اقص الأصلي