صيانة vip

**samyyousef** · 09-03-2014 11:42 PM

السلام عليكم
قرأت على هذا المنتدى، أحد السادة الافاضل يبيع سيارته 301 و ذكر من ضمن ما ذكر أن لها دفتر صيانة vip

فاستعلمت داخل موضوعه عن المقصود بهذا الأمر...فاتفضل هو او احد المشاركين - لا اذكر - بان المقصود بهذا هو ان المتمتع بهذه الخدمة لا ينتظر دوره و أن له الاولوية في انجاز صيانته....الخ

السؤال: هل هذا الكلام صحيح؟

و ان كان صحيح هل هذه الخدمة متاحة لمن مثله فقط ام انه خيار متاح بمقابل للمواطنين العاديين؟

و هل يوجد مثيل لهذه الخدمة في اي توكيلات اخرى؟
http://www.nilemotors.net/Nile/409696-301.html
تحياتي

**insurancebroke** · 10-03-2014 02:26 AM

ممكن نازله للقوات المسلحه بس
عموما اتصل بالتوكيل واساله
عشان متتعبش نفسك
وتجيب من الاخر

**abohend** · 10-03-2014 02:43 AM

للبشوات فقط
و لا عزاء لمواطني الدرجة التالتة

**HOSSAM99** · 10-03-2014 05:03 AM

معظم التوكيلات فيها صيانة vip و هي مش لفئة معينة من الناس أو أصحاب وظيفة معينة لكن للي بيدفع
كان غبور عامل الموضوع ده و تقريبا كل التوكيلات التقيلة
و الموضوع مش مجرد تدخل الصيانة الأول و بس لا ...
الـvip بيبقي فيه مميزات تانيه : ونش إنقاذ عند الحاجه ... عربيه بديله أثناء مدة الصيانة ... ساعات أقل للصياتة (بسبب عدم إنتظار الدور) و في بعض حالات الصيانات السريعه ممكن الصيانة تتم تحت البيت و هكذا

كون إن شركة من الشركات بتدي العرض ده لفئه من الناس فده علشان هم بيشترو منهم عدد كبير من العربيات و بالتالي لازم تديهم عروض و منها كروت الصيانة المميزة .. يعني الموضوع مش بسبب الوظيفه لأن فيه وظايف أعلي و ممكن ما يتمتعش بالخدمة دي

و في الآخر هي منظر مش أكثر

**ALnadi** · 10-03-2014 10:03 AM

أو الأنتظام فى مواعيد الصيانة لفترات كبيرة

**medori** · 10-03-2014 11:28 AM

يا فندم دة للجيش بس!! مش لعامة الشعب من امثالنا :)

**tifa2015** · 10-03-2014 12:43 PM

المشاركة الأصلية كتبت بواسطة HOSSAM99

معظم التوكيلات فيها صيانة vip و هي مش لفئة معينة من الناس أو أصحاب وظيفة معينة لكن للي بيدفع
كان غبور عامل الموضوع ده و تقريبا كل التوكيلات التقيلة
و الموضوع مش مجرد تدخل الصيانة الأول و بس لا ...
الـvip بيبقي فيه مميزات تانيه : ونش إنقاذ عند الحاجه ... عربيه بديله أثناء مدة الصيانة ... ساعات أقل للصياتة (بسبب عدم إنتظار الدور) و في بعض حالات الصيانات السريعه ممكن الصيانة تتم تحت البيت و هكذا

كون إن شركة من الشركات بتدي العرض ده لفئه من الناس فده علشان هم بيشترو منهم عدد كبير من العربيات و بالتالي لازم تديهم عروض و منها كروت الصيانة المميزة .. يعني الموضوع مش بسبب الوظيفه لأن فيه وظايف أعلي و ممكن ما يتمتعش بالخدمة دي

و في الآخر هي منظر مش أكثر

ده كلام سليم ميه فى الميه الموضوع راجع للكمية المتعاقد عليها من الجيش واللى خلت مبيعات العربية تعلى كده ويوصل الحجز ل 3شهور فطبعا لازم ياخدو ا اى ميزة من التوكيل زى التخفيض مثلا وكارت vip وبالتوفيق للجميع

**smsm2004w** · 10-03-2014 01:41 PM

انا قابلت ضابط فى التوكيل وفعلآ المهندس كان رافض يستلم العربية وحصلة مشادة ولما عرفوا انه كارت vip استلموا العربية وعرفت منه ان دى ميزة نازلة للقوات المسلحة وبتشمل ونش فى حالة الأعطال وخصم 10% على قطعة الغيار وخصم 12 % على المصنعية وشركة بيجو مسلمين القوات المسلحة شنطة هاند باج مكتوب عليها بيجو 301 فيها غطاء وتر بروف على العربية

**HOSSAM99** · 10-03-2014 03:20 PM

يا حماعة طالما التوكيل عنده بند vip يبقي أي عميل له حق الإشتراك فيه مفيش مشكلة
الفرق إن التوكيل ممكن يعملها لهيئات معينة أو مجموعات ببلاش (ده الظاهر_لكن بياخد مقابل طبعاً) غير حضرتك بتدفع الخدمة
زيها زي كروت التقسيط بتاعة الكاوتش اللي بتيجي لوظايف معينة و تخفيض الـ10% من بريدج ستون لعملاء البنك الأهلي و الـ5 % نايل موتورز و هكذا

**samyyousef** · 10-03-2014 06:52 PM

لا يجادل احد في أن التعاقد على 1500 سيارة قد يتطلب اشتراطات على التوكيل..

و البعد الاقتصادي واضح طبعا

لكن بصراحة انا لم اكن اتوقع هذه الخدمة لدى اي توكيل في هذه الفئة من السيارات

و اعتقد ان لو هذه الخدمة متاحة لكل المشترين لكن بثمنها ...سيكون الامر مقبول...

اما لو كانت هذه الخدمة ليست متاحة بمقابل ..و ليست من الخيارات المطروحة...سيصبح امر بالنسبة لي غير مريح