لانوس ولا سيينا

**yassin5000** · 10-03-2014 02:30 AM

مازلت فى اول حيرة فى حياتى اول مرة معرفش اخد قرار
المهم /
عايز اشترى عربية ومحتار جدأ بعد ما اقتنعت بالسينا
ناس كتير والسوق عمومأ فى بلدى بيقول الكورى وبس
وكلة بيقول لانوس لكن ان احب المازدا جدأ بس لاسف قطع الغيار مش موجودة فى الفيوم خالص
بس الفيات موجودة عسان كدة استبدالت المازداغ بالسيينا واقتنعت بعدة كل الناس قالوا الكورى
مش عارف اعمل اية
انا طلبى الوحيد عربية شيك ومريحة وفى حدود المعقول بصراحة
انا حدودى 35 لكن لانوس بتلعب فى 45 بس انا محتار ما بين الاثنين ممكن الفرق يتوجد لكن انا مش مقتنع
ب لانوس اد السيينا
وكنت حابب قوى بيترا لكن ملهاش قطع غيار عندن خالص عشان كدة قلت سيينا شكل اقرب ونفس الايطالى
افيدووووووووووووووووووووو ووووووووووووووونى

**ahmedalaahosny** · 10-03-2014 10:13 AM

هو اللانوس تكسب في اعاده البيع وقطع الغيار وصيانتها لو لقطت الصنعه من الميكانيكي ومتابع معانا ف المنتدي هتعمل صياناتك وشغلك فيها كله بايدك لانها مش معقده السيينا قطع غيارها اغلي حاجة بسيطه بالنسبه للانوس بس معمره جدا وده مش جديد ف الاوروبي عموما بس مش اي حد بيشتغل فيها لازم حد متخصص فيات حديث مش اخره 128 وعنده اسكنر عشان يكشف عليها بس كخامات تقفيل السيينا تكسب وعلي فكره تقفيل اللانوس كويس جدا بالنسبه للشيفورليه لانوس الجديده بس التكيف اللانوس تكسب رغم انه بيتقل السحب انما اداؤه مرضي جدا والشكل اعتقد ان اللانوس احلي تحس ان السيينا شبه واحد عنده اكتئاب ومشمئز كده ( دي مساله اختلاف اذواق )

**speranz** · 10-03-2014 11:11 AM

الفروق بسسيطة بين الاتنين
السينا اعلى وشكلها كنزة شوية
اللانوس مرطرطة فى كل حتة
لو لقيت لانوس حالة كويسة ورخيصة خدها
ملقتش خليك فى السيينا وتبقا وفرت

**ابو لؤى** · 10-03-2014 11:17 AM

بس المبلغ اللى مع حضرتك ده مايجيبش لانوس خالص انا من رأى خليك فى السيينا بحس انها اشيك من الانوس

**svneleven** · 10-03-2014 11:36 AM

السيينا عربية جميلة جدا عن تجربة من 2002 ل 2010 تقريبا. عيبها أن العفشة ضعيفة و مش بتاعة تحميل و كده. لو أدامك واحدة نضيفة و مش متهانة ما تفرطش فيها. و يا ريت تجيب ال 1400 مش 1600 عشان قطع غيارها مش كتير زي ال 1400.

**Ahmed_m7md_A5** · 10-03-2014 11:53 AM

انا معايا سيينا 2001 1400
اولا فلوسك مش هتجيب لانوس اصلا فالموضوع منتهى الا اذا اديانت
ثانيا عيب السيينا تقيلة فى اعادة البيع
قطع غيار التوكيل نار - بس مش كله يعنى - زى مثلا الاكصدام الامامى 2000 جنية لكن
فى قطع غيار تركى و صينى و برازيلى ومصرى والمانى وفى قطع غيار مشتركة مع الشاهين بس مش عارفها الصراحة
مثلا المرايه الجنب التركى ب 90 جنيه و اكصدام استيراد 500 جنيه
غير كده احلى ما فيها انها صغيرة جدا فممتازة فى الزحمة و مع ذلك واسعة من جوه و انا اتقالى مرتين انها اوسع من الصنى 2008 من ورا