ازاي اخد رقم مميز لعربيتي من المرور

**houba85** · 10-03-2014 11:49 PM

السلام عليكم ياشباب

وانا بجدد رخصة عربيتي في مرور شبرا اللي في عبود طبعا بعد معافرة شديدة في الطوابير والجري هنا وهنا وانتوا عارفين مرور عبود شكله ازاي .. وكنت شايفة بنت واقفة معانا كنت انا وهي البنات الوحيدين الموجودين في وحدة المرور كلها .. هي بترخص عربية جديد وانا بجدد

ف وانا واقفة عند شباك استلام الرخص طبعا بسمع ارقام وحروف الناس الي بترخص جديد ومستنية وكل الناس واخدين الارقام والحروف طبعا بشكل تسلسي .. في الاخر لقيناه بينادي بيقول ( نورهان احمد - ن و ر 888 ) طبعا اتفاجئت ان البنت دي واخدة لوحة مميزة عن كل الباقيين

السؤال هنا .. هي عملت ايه عشان تطلع لوحة مميزة ؟؟ والدي اشترى عربية جديدة لاختي وبفكر اعمل لها كدة .. لازم واسطة ولا هي بالطلب ولا اكرمش عشريناية لاي حد هناك ؟؟

**shiko85** · 11-03-2014 12:17 AM

كان فيه زمان مزاد على النمر المميزه
على حد علمى, واسطه صعب شويه الكمبيوتر هو اللى بيحدد على حسب محل السكن بس و كل وحدة مرور ليها لوحات خاصه بيها

**shiko85** · 11-03-2014 12:18 AM

كان فيه حد تانى واخد ن و ر ؟؟

**houba85** · 11-03-2014 12:27 AM

المشاركة الأصلية كتبت بواسطة shiko85

كان فيه حد تانى واخد ن و ر ؟؟

في التوقيت بتاعي كان على حسب ما افتكر حاجة شبه س ط هـ .. والبنت الي معايا اخدت ن و ر ومفيش غيرها في الي واقف اخد لوحة زيها .. البنت اسمها نورهان وواخدة ن و ر طب ازاي ؟؟ .. حتى كل الي واقف في الشباك استغرب وضرب كف بكف وهي مستلمة رخصتها اول واحدة فينا

**houba85** · 11-03-2014 12:30 AM

المشاركة الأصلية كتبت بواسطة shiko85

كان فيه زمان مزاد على النمر المميزه
على حد علمى, واسطه صعب شويه الكمبيوتر هو اللى بيحدد على حسب محل السكن بس و كل وحدة مرور ليها لوحات خاصه بيها

فهمت كلام حضرتك .. انا خمنت ان البنت معاها واسطة تقيلة لواء مثلا او حاجة عشان تقدر تغير ترتيب الارقام والحروف حسب ماكانت عاوزة .. اللي واقفين كلهم واخدين نفس الحروف والرقم الاول بس متغير ومتسلسل مع الي قبله واللي بعده .. هي الوحيدة اللي واخدة لوحة وعلى مزاجها جدا .. حتى الارقام 888 والله ماقادرة انسى لوحتها اساسا .. واللي اعرفه ان مفيش ارقام كتير في اللوحة نفسها بتتكرر .. يعني مثلا مش حنلاقي 6665 في لوحة تبع الجيزة او 888 زي لوحة الاخت دي طب اشمعنى هي ؟؟

**eng wael** · 11-03-2014 12:33 AM

ياباشا انت مش من البلد دى ولا ايه
كوووووووووووووووووووووووو ووووووووووووووووووسه
انا اعرف واحد ابوة لواء ومعلق نمر ( مهم _ _ _)كبر مخك وكل اللى يجيبه ربنا كويس
ظبط نفسك فى نمرة الموبايل :-)

**shiko85** · 11-03-2014 12:33 AM

المشاركة الأصلية كتبت بواسطة houba85

في التوقيت بتاعي كان على حسب ما افتكر حاجة شبه س ط هـ .. والبنت الي معايا اخدت ن و ر .. حتى كل الي واقف في الشباك استغرب وضرب كف بكف وهي مستلمة رخصتها اول واحدة فينا

لما كنت برخص عربيتى كنت واقف جنب الأمين اللى شغال على الكمبيوتر و هو كل اللى عمله انه سجل بيناتى و طلع على الشاشه نمرة العربيه من غير اى تدخل منه و شفت نمر تانيه مختلفه خالص كل واحد على حسب العنوان

**shiko85** · 11-03-2014 12:35 AM

بس طبعا مفيش مستحيل فمصر

**shiko85** · 11-03-2014 12:36 AM

المشاركة الأصلية كتبت بواسطة eng wael

ياباشا انت مش من البلد دى ولا ايه
كوووووووووووووووووووووووو ووووووووووووووووووسه
انا اعرف واحد ابوة لواء ومعلق نمر ( مهم888) كبر مخك وكل اللى يجيبه ربنا كويس
ظبط نفسك فى نمرة الموبايل :-)

يا باشا ماشى النمر دى للناس المهمه

**shiko85** · 11-03-2014 12:39 AM

المشاركة الأصلية كتبت بواسطة eng wael

ياباشا انت مش من البلد دى ولا ايه
كوووووووووووووووووووووووو ووووووووووووووووووسه
ظبط نفسك فى نمرة الموبايل :-)

عايش بس مكنتش اعرف ان الكوسه اتطورت اوى كده

الموضوع: ازاي اخد رقم مميز لعربيتي من المرور

LinkBack

أدوات الموضوع

عرض

-

-

-

-

-

-

المواضيع المتشابهه

الفائز بافضل موضوع مميز وافضل عضو مميز ديسمبر 2010

الفائز بافضل موضوع مميز وافضل عضو مميز لشهر سبتمبر

الـفـائـز بافضل موضوع مميز وافضل عضو مميز لشهر اغسطس 2010

الكلمات الدلالية لهذا الموضوع

المفضلات

المفضلات

ضوابط المشاركة