السلام عليكم ورحمة الله وبركاته
اسمحولى بعد اذنكم ياشباب انقل لكم تجربتى مع فتيسى عربيتى الجيتا
انا امتلك جيتا 2010 ولكن عند استلامها كانت بياناتها بانها انتاج شهر 3 سنه 2009 فا على ما اتشحنت ووصلت مصر استملتها فى اخر شهر 9 2009 بمعنى تانى انها نفس فتيس 2008 و 2007
انا عربيتى حاليا عامله 85000 كيلو والحمد لله ولم اشتكى من شيئ سوى سوء استخدامى ليها والحمد لله موضوع الفتيس ماشى معايا كويس ستر من الله وان الميكانكى فهمنى طريقه استخدامه
نيجى لموضوع الزيت .
اولا
الزيت لازم يتغير بحد اقصى 70 الف كيلو متر و انا من استنصاحى للاسف غيرته على 78 الف كيلو وظهرت فيه نتشه فى احد النقلات فا اضطررت انى اغيره والحمد لله اتغير وتمام فا لازم الزيت يتغير ودا اجبارى مش اختيارى عشان المحافظه على عمر الفتيس
ثانيا ودى مهمه جدا جدا جدا
الى كل ملاك الجيتا الفتيس 6 نقلات الستيبترونيك لازم لازم لازم لازم وضرورى جدا جدا جدا جدا جدا جدا ان العربيه تطلع على طريق سفر او طريق مفتوح ويتمشى بيها على المانيوال وتكون النقلات مانيوال على ار بى ام 3 ويكون المشى عليه لفتره ويا سلام لو كانت سفر .
بعد ما تعملو دا وتمشو العربيه مانيوال فتره كويسه وعلى الطريق ولما ترجعو الفتيس من المانيوال للاتوماتيك هتلاقو ان النقلات اصبحت انعم من الاول بكتير
وكلامى دا عن تجربه شخصيه فى عربيتى وجربو دا ولما تجربوة وينجح معاكم تنقول تجربتكم لكل مالكى الجيتا والجولف والباسات الى معاهم نفس الفتيس
المفضلات