سعر طقم دبرياج كامل

**sehry** · 11-03-2014 05:24 PM

السلام عليكم ورحمة الله وبركاته
أصدقائي أعضاء منتدى نيسان, برجاء التكرم بالإفادة عن سعر طقم دبرياج كامل
سيارتي نيسان صني مو 2009 الشكل القديم , عداد 50000 كم
وهل السعر في التوكيل يساوي سعره في محلات قطع الغيار
لأني كنت في التوكيل بالأمس وسألت عليه وقالولي انه بحوالي 1850 جنيه شامل الضريبة والتركيب ؟
وماهي الفترة المطلوبة لتغيير طقم الدبرياج ؟
وهل فيه حد خارج التوكيل ممكن أغير الطقم بالكامل عنده ؟
وسبب سؤالي إني من فترة بسمع صوت ونه في حالة التحرك من الثبات وخصوصا على مطالع الكوبري, وعند سؤال مهندس في التوكيل أكد أن المشكله في طقم الدربياج وانه لازم يتغير
ولكم جزيل الشكر

**kam30300** · 11-03-2014 08:52 PM

متابع بهتمام
معايه نفس الموديل وحاسس بنفس المشكله مع العلم ان العداد 106 الف

**sehry** · 12-03-2014 04:09 PM

السادة الزملاء ألا من مجيب ؟
أرجو الإفادة حتى أتمكن من اتخاذ القرار المناسب
مع جزيل الشكر

**walaaeldeen** · 12-03-2014 05:16 PM

السلام عليكم
على ما أعتقد خارج التوكيل سيكون ارخص
ممكن تشتريه من موزع معتمد لضمان عدم الغش وتركيبه في الخارج
والله المستعان

**Elsebily** · 12-03-2014 06:48 PM

انا كان عندي نفس المشكله طقم دبرياج(اسطوانه-ديسك-بليه)600-700 جنيه من التوفيقيه ومصنعية الميكانيكي هتكون 100-150 جنيه علي حسب الميكانيكي اللي حضرتك هتروحله والطقم ده معايا لحد دلوقتي معملش مشاكل وده كانت ماركة طقم الدبرياج وشكله

أتمني اكون افدتك

**mony10** · 13-03-2014 06:29 AM

لو المشكله الصوت بس ومفيش هزه في الطلعه يبقي بليه بس الاسطوانه والديسك لسه كويسين وممكن لما تفك علشان تغير تلاقي الاسطوانه حالتها متوسطه ولو حلبب تغيرها ممكن لانها مش غاليه حوالي ١٠٠ او ١٥٠ جنيه انما الديسك مش بيستهلك بسرعه عمره طويل شويه
انت روح لميكانيكي كويس يفك الاول وبعد كدا شوف محتاج تغير ايه
بناء علي وصفك انت محتاج بليه وممكن تكون محتاج اسطوانه يعني تقريبا ٢٥٠ او٣٠٠ جنيه تنمنهم
وقت التركيب حوالي ساعتين

**dodo1086** · 13-03-2014 09:36 AM

الاصلى اللى حضرتك هتشتريه من التوكيل نوع اسمه فاليو "Valeo" ممكن تسأل عليه و تشتريه من بره لو في فرق سعر و نصيحتى انك تركبه فى التوكيل لان طبعا فى فك للفتيس , انا كنت شاريه من التوكيل لانى مكنتش اعرف نوعة و مكنتش عاوز اجيب حاجه مش اصلى خصوصا انها حاجه مش بتتغير بصفة دورية اشتريتة ب 1100 من اوتو ايجيبت.

**sehry** · 18-03-2014 01:38 PM

السادة الزملاء شكرا جزيلا على المشاركة الفعاله
وان شاء الله انا رايح أعمل شيانة الخمسين ألف على أول مايو
وفي خلال الفترة دي أكون استقريت على الإجراء الأمثل وهابلغكم بالنتائج ان شاء الله
ولكم جزيل الشكر