الموضوع: اخيرا وجدتها

انا معايا كورولا 2009 جنوب العربيه كان فيها كتمه غريبه وادوس على دواسة البنزين العربيه تكتم وماتنطقش خالص الا بعد ثانيتين وطول ماانت ماشي تكتم وتسلك تكتم وتسلك تقولش كليوباترا وتكتم وبعد ماتكتم والكتمه تروح تجري بسرعه سرعه غير طبيعيه طبعا انا احترت طرمبة بنزين ولا فلتر بنزين وفلتر الهوا انا مغيره قريب والبوجيهات وسالت اكتر من ميكانيكي كل واحد بكلمه المهم استعنت بالله وفتحت الكبوت وفصلت الارضي بتاع البطاريه وفكيت حساس العمه الهوا الماف يعني وكان معايا بخاخ خاص بيه بتاع اليكترونيات ونظفته تنظيفه محترمه ورجعته مكانه بعد مانشف طبعا وركبت السلك الارضي تاني وقلت اعمل ري استارت فتحت الكونتاك على onعشرة ثواني ورجعت للoffعشرة ثواني المهم 3 مرات على onو3 مرات على off وبسم الله وشغلت لحد ماوصلت للحراره الطبيعيه بتاعتها واتحركت بيه عشان اجربها لقيت الحمد لله كله بقى تمام والرعشه اللي كانت موجوده فيها وهي واقفه في اشارات المرور اختفت (الحمد لله رب العالمين )انا قلت اقولكم عشان مابقاش كتمت علم

الحمد الله حل المشكلة