رحلتي بال406 في الحرفيين

**casper_600** · 12-03-2014 05:10 PM

طبعا الحمدلله اشتريت 406 موديل 2003 ماشيه 120000 زيتونى اللون وصالونها رمادي اوتوماتيك
خدتها ورحت علحرفيين عشان الاتي
اول شئ رحت علبطل بتاع قطع الغيار وعمران بتاع البيجو اشتريت الاتي
جوز مساعدين امامي 800 جنيه
جوز شدادات خلفي وهو مصنوع من البلاستيك ويقوم بدور في اتزان السياره عند المطبات والمنحنيات سعر الواحد 80 جنيه
ملعب فتيس..استيراد.نقل تحركات الفتيس للموتور ويظهر لماتفتح الكبوت هتلاقى شكله ابيض ودايره برتقالي 150 جنيه
اشتريت حلية فتيس الاصليه 100 ج
رحت علي ميكانيكي اسمه محمود شاطر جدا غيرلي الزيت والفلاتر والسيور والمساعدين امامي والشدادات والتياش للميزان الخلفي وملعب الفتيس ونظفنا الطرنبه وحساس الايدول والبوجيهات
كاتينه ب 180
فلتر هوا ب60زيت ب60تكييف ب50 بنزين ب60
حطيناميا خضرا وربطنا علبة دركسيون
غيرنا زيت فتيس اتوماتيك كهربا اللتر ب120
غيرنا تيلين فرامل امامي وخلفي ب180 و 200
خلصت معاه طبعا طول النهار اخد مصنعيه 250 ج وطلعت علي الكهربائي
لمبه المارشديل مكنتش بتنور طبعا قالي دا ساعه الفتيس وبعدين فكها راح مغير الشوكه اللي جوا وبرجو مشتغلتش وبعدين قالي دا البي اس اي وقالي لازم يتغير المهم مردتش اغيره وقلت بعدين ..وجه صنايعي تاني يقفل وانا بعدت اشرب سيجاره وبعدين طبعا إنا يائس من نور المارشديل لقيته راجع بيقولي ياباشا هاخد خمسين جنيه اناشغلتهالك ودا ملوش دعوه بالمصنعية بتاعت المركز وقلتله ماشبى حلاوتك قالي ياباشا بدل مكنت تشتري البي اس اي ب350 اناشغلتهالك دى حلاوتي طبعا فرحت وبصراحه اديتو انامش عارف هو عمل ايه بس طلعتها لله وخلاص .قلت يمكن متفقين مع بعض وعملو فيلم.. عشان الاولاني حاول بكل الطرق ومعملهاش وجه اللي بيقفل الشغل عملها..امممممم غريبه...
طلعت علي شارع دمشق ركبت فرش جلد رماد عند طارق علشمال بعد البنزينه ب 400 بالتركيب
اشتريت منظف دوره ب 50وملمع ب40وطقم دواسات ب150
الكهربائي اخد 100.كتير صح ..غير الصنايعي اللي حل المشكله بتاعت المارشديل
اغلب الصنايعيه معندهاش ضمير خليكو حريصين في اختيار الورشه والاسطي والصنايعيه
معلش هو تعب بس ضرورى ان الواحد يهتم بالاوروبي عشان مايزعلش وخصوصا الفتيس
ينفع اركب مرايا تعتيم بتاعت 2004 و2005 في 2003 طيب وهنقل الحساسات اللي في القديمه ازاى بتاعت الضوء والمطر
اعمل ايه للفتيس لتفادي المشاكل
البورده بتاعت الريموت ضايعه ازاى اعملها يعني مافيش ريموت
قلت اقول علاسعار والملحوظات
تحياتي

**MAHMOUD MOHAMD** · 12-03-2014 06:49 PM

مبروك العربيه الجديده وانت كده عملت الصح عشان تعرف تركب وتستمتع وربنا يكفيك شرها وشر عين الناس

**casper_600** · 12-03-2014 09:52 PM

شكرا ياباااشا اميييين

**mostafa afifi** · 13-03-2014 02:35 AM

مبروك العربيه و الصيانه
ممكن توضح المساعدين جداد ولا استيراد و تيش الميزان الخلفي سعرها كام
بالنسبه للفتيس للايف الزيت اللي حضرتك حطيطو لازم ينزل و تجيب الزيت الاصلي في علبه لونها رصاصي و ده سعره حوللي 450--500 عشان تحافظ علي الفتيس بس
و معلش هي حليه الفتيس اللي.هي العصايه بالجزء اللي تحته
شكرا

**م أحمد** · 13-03-2014 11:05 AM

عاوزين نعمل اتحاد ملاك 406 زى بتوع ال301
ولو حتى تليفونات

**casper_600** · 13-03-2014 11:05 AM

المساعدين جديده
تيش الميزان ب 200 الواحد خلاهم 180
نزلت الزيت تمام وغيرته
حلية الفتيس هيى القطعه السوداالجلد اللي الشمس بتنشفها

**kar!m** · 13-03-2014 11:10 AM

ألف مبروك العربية .. وربنا يبارك لك فيها.

**casper_600** · 13-03-2014 11:22 AM

اميييين
لو سمحتم هو فى فلتر لزيت الفتيس
ينفع اركب مرايا تعتيم بتاعت 2004 و2005

**mohamedadelemam** · 13-03-2014 12:57 PM

مبروك يا فندم وربنا يديك خيرها ويكفيك شرها انما احب اقول لحضرتك ان حرام عليك والله العربيه الجميله دى تنزل بيها المنطقه الزباله دى وشوية الصناعيعيه الجهله .. لو حضرتك مش هتشتغل بايدك فيها امرك لله على التوكيل والمحصله النهائيه هتبقى ارخص الحرفيين بهايم وبالنسبه لقطع الغيار الاستيراد حضرتك الوكاله احسن الف مره وارخص وبالنسبه لتيش الفتيس انا لسه جايب واحد لعربيتى 605 هو نفس اللى عند حضرتك ب35 جنيه من ناصف فى ميدان طومانباى.. مبروك لحضرتك ال406 ماشاء الله جميله جدا

**mohamedadelemam** · 13-03-2014 01:00 PM

تصحيح يا فندم معلش تيش الميزان فعلا الواحد بحوالى 200 الاصلى و120 الاسبانى

الموضوع: رحلتي بال406 في الحرفيين

LinkBack

أدوات الموضوع

عرض

-

-

المواضيع المتشابهه

تقرير رحلتي إلى (دهب وراس سدر)

رحلتي الي سوريا 2010

صور رحلتي في اليابان

رحلتي في شرم الشيخ (إف يع)

رحلتي مع فيروس c

الكلمات الدلالية لهذا الموضوع

المفضلات

المفضلات

ضوابط المشاركة