مقارنة بين جولف 4 ولانسر بوما

**Eng.ma7moud** · 13-03-2014 01:53 AM

السلام عليكم و رحمة الله و بركاتة,

يا جماعة عايز رأيكم انا عايز اجيب عربية فى حدود 75 الف جنية و عجبانى اوى جولف 4 من زمان و ادامى واحدة 2001 1400 ستوك حالة نادرة جدآ ما شاء الله بس محتار هل اجيبها برغم سنها الكبير نسبيآ ( 13 سنة ) ولا اشوف حاجة لانسر بوما 2006 او 2007 طبعآ هتكون 1300 علشان السعر عمرها اصغر نسبيآ.

يا جماعة الله يباركلكم قولولى اية الفرق بينهم يعنى كتكنولوجى المانى و يبانى يعنى اية الى اجدة هنا و لا اجدة هنا مع العلم انا مش فارق معايا كونها سيدان او هتشباك اهم حاجة عندى الاعتمادية و قطع الغيار و اسعار قطع الغيار و مش كل شوية ميكانيكى و اعطال مع العلم ان مشوارى حوالى 100 كيلو يوميآ.

شكرآ جزيلآ

**khaled_rafea** · 13-03-2014 02:09 AM

العربيتين كويسين, اللانسر ارخص فى قطع الغيار, و اسهل فى الصيانة , الاعتماديه اعتقد فى نفس المستوى , تكييف اليابانى افضل و اسهل فى الصيانة , 75 ممكن تلاقى لانسر 2006 1600 كلاسيك بحالة نضيفة, انا لو حجيب جولف 4 حجيبها 1600 sr اللى هو موتور البورا و الاوكتافيا و تكون اوتوماتيك, او خليك فى اللانسر اريحلك :)

**omaranes77** · 13-03-2014 02:13 AM

العربيتين ممتازين بس انصحك دور علي جولف بمكنة اعلي 1600 sr او 1800 العربية دي جامحة اوي وكشكل بتعجبني اوي واعتمادية عالية
اللانسر ممتازة لمصر قطع غيار متوفرة اعتمادية عالية بس طالما 1300 خليك في الجولف

**khaled_rafea** · 13-03-2014 02:39 AM

المشاركة الأصلية كتبت بواسطة omaranes77

العربيتين ممتازين بس انصحك دور علي جولف بمكنة اعلي 1600 sr او 1800 العربية دي جامحة اوي وكشكل بتعجبني اوي واعتمادية عالية
اللانسر ممتازة لمصر قطع غيار متوفرة اعتمادية عالية بس طالما 1300 خليك في الجولف

الموتور ال 1800 قطع غياره نادره للأسف