الموضوع: بفكر في مشروع ومحتاج مساعده

مانصحكش أبدا بالموضوع ده .. انا فكرت فيه قبلك وكنت هالبس لبسه سودا .
بص ياسيدي لو هتأجرها من غير ماتسوقها إنت هنضرب مثل بالفيرنا مثلا .. هايكون إيجارها 2400 جنيه هما عليخم الصيانه والمخالفات وإنت عليك التأمين وتجديد الرخص وكاوتش وبطاريه .. بيعملولك البحر طحينه ويقولولك هتستلمها بفحص ف التوكيل وعقد 3 سنين وكلام زي الفل .. مابيتحققش منه حاجه .. زائد إن العربيه بتعملها على الأقل 250 كيلو يوميا وبتركب لها أسوأ قطع غيار وأرخص زيت وبيتحط لها بنزين 80 عشان السواق يعرف يسرق من الشركه .. وتستلم العربيه بعد سنه ماشيه مش أقل من 100 الف كيلو ومرقعه من كل حته .. تيجي تاخدها عشان تجدد الرخصه والتأمين تلاقيها بالمنظر ده يبقى قدامك حاجه من الأتنين ياتسحب منهم العربيه بعد مايكونوا بهدلوها وساعتها يبقى أنت اللي لاغيت العقد ومالكش حق تطالب بقى بإنك تستلمها ف التوكيل والكلام ده .. ياإما تسيبها تتبهدل زياده عشان بعد ال 3 سنين مدة العقد تستلمها متبهدله أكتر .. ومش عاجبك أبقى روح إشتكي .. زائد إن التأمين مش بيغطي العربيه إلا لو إنت اللي سايقها .. يعني لو لبسهالك ف شجره هيرميها لك ويقولك منك للتأمين وأتصرفوا مع بعض أومال أنا شارط عليك التأمين ليه ؟ لو إنت بقى اللي هتسوقها بنفسك هترحمها شويه من البهدله بس للأسف مش هيزودوا الإيجار أكتر من 500 جنيه بس .. للأمانه مشروع فااااااااااااااااشل ونصب وسرقه وما أنصحكش بيه أبداااااااااااااااااا .

أه نسيت أقولك .. المستفيد الوحيد من مشروع النصب ده هو المكتب اللي بيوديك الشركه .. إنت ماتقدرش تروح كده .. لازم مكتب .. ده بياخد منك شهر عموله .