خبطه فى مقدمة الكبوت و مش هاتنفع تتصلح على البارد

**Ashraf Fawzy** · 13-03-2014 08:40 PM

الحمد لله على كل شئ أولاً و أخيراً

النهارده جارى مشكوراً طلع قالى إنه و هو راجع بالعربية بتاعته ريح على الكبوت عندى , و النتيجة إنبعاجه بإتجاه الداخل تحت شعار بيجو, الحمد لله الخبطه مش مسمعه أكتر من كده. طبعاً هو قالى إنه هايتحمل تكلفة السمكرة - هو قالى عنده واحد معرفه سمكرى - او انا ممكن اشوف سمكرى من عندى.

نظراً إننا بالليل ملحقتش أخد صورة عشان ارفعها, بكره الصبح إن شاء الله, فاستخدمت صورة من حادثه لأحد الأعضاء - ربنا يصبره - و عملت علامه باللون الأحمر على مكان الخبطه عندى.

المهم رحت لسمكرى قالى مش هاتنفع تتعمل على البارد لإن وراها عضم, فهل الكلام ده صحيح و لا فى حل تانى يكون تكلفته اقل من تكلفة تغيير الكبوت و من غير الكبوت ميتبهدل فى السمكرة ده لو ينفع تتسمكر؟

http://i58.tinypic.com/2co0805.jpg

**nonalaziza** · 13-03-2014 08:49 PM

ربنا يصبرك

**mohamedzian** · 13-03-2014 09:09 PM

عندى اختها وكانت العربيه لسه جديده برده سيبها تاخد العين شويه

**Ashraf Fawzy** · 13-03-2014 09:10 PM

نسيت اضيف إن نوع العربية بيجو 301 هاى لاين

أنا قرأت قبل كده إن التوكيل ما بيشتغلش على البارد, هل ده صحيح؟

**Ashraf Fawzy** · 13-03-2014 09:13 PM

المشاركة الأصلية كتبت بواسطة mohamedzian

عندى اختها وكانت العربيه لسه جديده برده سيبها تاخد العين شويه

ربنا يصبرنا كلنا, ده نفس اللى السمكرى قالهولى, سيبها تاخد العين شويه (علماً بإن خرطوم مية الردياتير إتقطع بعد ما استلمتها بيومين فى الترخيص من حوالى اسبوع). بالمناسبة أنا اللون عندى بترولى, و الغريبة إنها إتخبطت فى نفس اليوم اللى روحت غسلتها فيه - اول غسله - ربنا يسترها علينا كلنا.

**lola_pepito** · 13-03-2014 09:28 PM

المشاركة الأصلية كتبت بواسطة ashraf fawzy

أنا قرأت قبل كده إن التوكيل ما بيشتغلش على البارد, هل ده صحيح؟

ربنا يصبرك، فعلاً التوكيل بيغير الكبوت خالص مش بيشتغل على البارد

**Ashraf Fawzy** · 13-03-2014 10:04 PM

طب مافيش ليها حل غير تغيير الكبوت؟ التكلفه هاتبقى صعبه قوى - حوالى 4000 جنيه

إيه الطريقة التانيه غير إنها تتعمل على البارد؟ و تكلفتها هاتكون كام؟ و هاتتعمل إزاى؟

زى ماقلت فى الأول إن السمكرى قالى إن الحته دى - تحت شعار الأسد - وراها عضم, طيب ده معناه إيه بالظبط لو هاتتسمكر؟

أرجو إن لو حد عند خبره يشارك بيها عشان ابقى عارف هاعمل إيه.

**Ashraf Fawzy** · 13-03-2014 11:57 PM

يا ترى فى حد فى مصر بيستخدم الإسلوب ده فى السمكرة؟

http://www.youtube.com/watch?v=UOwwXmTjZ5E

[youtube]http://www.youtube.com/watch?v=UOwwXmTjZ5E[/youtube]

**magdy_c_c** · 14-03-2014 01:03 AM

قدر الله و ما شاء فعل
هى فعلا ما ينفعش تترد على البارد فى المنطقة دى ، الحل ان حضرتك هتغير الكبوت فى التوكيل و هو ثمنه 2600 جنيه
المشكلة انهم بياخدوا مصنعية 1500 جنيه و ده الى بيعلى التكلفة
ربنا يعينك ،،،،،،
المهم يا جماعة طبعا ً كلنا عارفين ان تصميم العربية دى بنلاقى الكبوت فيها نازل على الاكصدام على طول يعنى الاكصدام مش بارز عن الكبوت علشان يتحمل الصدمات اللى من النوع ده فمع أقل خبطة أو ترييحة عربية على طول بنلاقى الخبطة مسمعة فى الكبوت ، طيب يا جماعة هل ينفع نركب ديفندر أمامى و يكون نيكل زى بتاع الماتريكس كده ، أو حتى يترش بلون العربية؟
و هل هيبقى شكله حلو على العربية ؟؟
طيب هل هيأثر على الأيروديناميك فى المقدمة ؟؟؟
طيب فى مكان أسفل المصفحة لربط الديفندر فيه ؟؟؟؟
طيب لو هينفع ممكن يتكلف كااااااااام ؟؟؟
يا ريت يا جماعة اللى يروح التوكيل يصلح أو يغير كبوت يبقى يسأل على اقتراح الديفندر ده
علشان لو هينفع اعتقد كل اللى معاه 301 هيركبه حماية لمقدمة العربية خصوصا ً ان بها سوء تصميم من الأمام
و على فكرة لو التوكيل شايف ان كل الناس هتركبه هيتصرف و يعمل منه مقاسات استاندرد للعربية
بس حد يسأل و ابقوا طمنونى

**M.Emam** · 14-03-2014 01:14 AM

المشاركة الأصلية كتبت بواسطة ashraf fawzy

الحمد لله على كل شئ أولاً و أخيراً

النهارده جارى مشكوراً طلع قالى إنه و هو راجع بالعربية بتاعته ريح على الكبوت عندى , و النتيجة إنبعاجه بإتجاه الداخل تحت شعار بيجو, الحمد لله الخبطه مش مسمعه أكتر من كده. طبعاً هو قالى إنه هايتحمل تكلفة السمكرة - هو قالى عنده واحد معرفه سمكرى - او انا ممكن اشوف سمكرى من عندى.

نظراً إننا بالليل ملحقتش أخد صورة عشان ارفعها, بكره الصبح إن شاء الله, فاستخدمت صورة من حادثه لأحد الأعضاء - ربنا يصبره - و عملت علامه باللون الأحمر على مكان الخبطه عندى.

المهم رحت لسمكرى قالى مش هاتنفع تتعمل على البارد لإن وراها عضم, فهل الكلام ده صحيح و لا فى حل تانى يكون تكلفته اقل من تكلفة تغيير الكبوت و من غير الكبوت ميتبهدل فى السمكرة ده لو ينفع تتسمكر؟

http://i58.tinypic.com/2co0805.jpg

قدر الله وماشاء فعل وربنا يسترها معاك.....بس انا كنت عايز اعرف هو حضرتك جيبت الصوره ده منين ؟!!!!