الموضوع: العربية اتحكت قبل ما أرخص!!

إزيكم يا جماعة

كنت عاوز أعمل موضوع تقرير الاستلام الأول الحقيقة بس قدر الله وما شاء فعل

العربية وأنا ماشي بيها حكت من الجنب اليمين في عربية ربع نقل واقفة بطريقة مستفزة في ملف (حكت في بوز الصندوق بتاعه)

الأوكرة اللي قدام طارت

والجنب فيه خط كده مقشر بوية وداخل لجوة

الباب الأمامي حاسس إنه مفتوح من سيفه (بقدر أدخل صباعي بين صاج الباب اللي بره واللي جوه)

والباب اللي ورا مبقاش بيفتح ويقفل بسهولة

والحمد لله على كل حال


المشكلة دلوقتي أنا مش عارف المفروض أعمل إيه

أنا لسه مرخصتش عشان ولاد الحلال بتوع المعرض وشركة مباشر لسه مجابوش الأوراق (واحتمال يكون قدامهم لحد نص الأسبوع الجاي!!!!)

وهل ده هيعملي مشكلة في الترخيص ولا لأ

والمفروض إن العربية متأمن عليها بس برضو مش عارف المفروض أعمل إيه


معلش يا جماعة لو استفساراتي كتير بس الحقيقة أنا معرفش إيه اللي المفروض يتعمل :(