الموضوع: الي كل ملاك v5 تنصحوني اشتريهااا ولا بلاش علشان صيني

العربيه ممتازه وفوق الممتازه

تقفيل ولا اروع عزل الصوت فيها خيالي صوت المتور انسى مش موجود السحب تحفه الغيترات متحسش بيها زي الألماني
العربيه ماتور وفتيس ميتسوبيشي ياباني والعفشه الماني

العربيه واسعه جدا ومريحه وناعمه جدا

انا معايا الهاي لاين وبحد مش ندمان اني جبتها ودفعت كاش فيها بالترخيص كله وقفت عليا ب 165 ألف والله المبلغ ده كنت ممكن اركب بيه بي ام او جيتا او باسات بس فضلت الزيرو والحمد لله العربيه معايا بقالها سنه وتلات شهور وعملتر19 الف كيلو ولسه عامل صيانه العشرين الف يوم الخميس اللي فاترفي التوكيل في جسر السويس

وكلفتني 1138 جنيه بالظبط اتعمل فيها الاتي

تغير زيت الماتور
تغير فلتر الزيت
تغير فلتر البنزين
تغير فلتر الهواء
تغير فلتر التكيف
تربيط عفشه

والعربيه بجد برستيج وستايل ومحدش بيبص لها علي انها صيني
والصيني درجات ودي تعتبر في الصين من انضف شركات السيارات في الصين

وكفايا ان توكيلها بفاريا

راي تفكر فبديل تاني
دون رأي فالعربية

المشاركة الأصلية كتبت بواسطة omaranes77

اسمع انها بطة شوية بس لو معايا فلوسها عمري ماجبها

العربية تستاهل فلوسها كتير
تقدر تشوف الموضوع اللي في اراء ملاكها
عيبها معاي في اول الطلعة لحد 60 بس ( لما بظبط الفرد كلها ضغط هوا واحد 32 ) العربية بتكون طيارة فعلا دا غير انها اتوماتيك والاتوماتيك معروف انه بيعمل كدا عن المانويل
علي فكرا لو سالت اي حد معاه العربية هتلاقيه بيقلك انه العربية بتجري منه فعلا وتلاقي نفسك علي 100 وانت مش واخد بالك ( خد بالك الثبات بتاعها جامد )
العيب صوت التيل لكن في ناس في موديلات تانية كتير بتشتكي من نفس الصوت
والحل انك بتقفل القزاز ولا بتسمع اي حاجة ( علي فكرا ببقا مشغل الكاسيب علي صوت يخرم الودن لو نزلت وقفلت الباب ولا اي حاجة سامعها برا ) علما انه معاي الهاي لاين فيه 6 سماعات

وفي الاخير لو تعرف حد جرب العربية وانت تحكم عليها بنفسك وخصوصا لو مشيت بسرعات عالية هتخس فعلا انها مستحيل تكون صييني
علي فكرا هحكي علي موقف معاي حصل ( علي طريق اسكندرية الصحراوي ) بعد التليين في اول 1000 كيلو ( معاي 5 في العربية ) اوزان حلوة قسما بالله ساحب الطريق الصحراوي علي 150-175 ولا كن في اي حاجة في العربية ولا حتي هزة ولا اي حاجة ( ثبات شديد)

اي حد بيتكلم علي العربية وهوا مش فرمها شغل ( مع ااحترامي ) بيحكم علي اساسا انها صناعة صيني . مع العلم انه ( انا معاي ايفون صناعة صيني ومعاي الماك الجديد تمنه 25 الف وبرضه صناعة تجميع صيني)

حاجة تانية : من فترا قريبة واحد معاه ربع نقل ماشي صاروخ وبعدين في 3 مطبات ورا بعض في الطريق انا هديت عليهام وهوا تقريبا مش شافهم وقام داخل فيها من ورا وصوت عالي ( انا قلت العربية الفوانيس والاكصادم بالسلامة) انا اترعبت صراحة
نزلت كل اللي لقيته خدش في الفبر بتاع الاكصدام لا يتعدي طولة 2-3 سم
اتخانقت معاه وقلت الحمدلله وركبت العربية ومشيت

دا مشكلة ثقافة فقط لا غير

اي استفسار تحت امرك

انا لسه شاريها من اسبوع بعد بحث واخذ اراء من جربها

العربية رائعة ومريحة جدا وعالية وتستاهل تمنها

التعميم بان الصيني كله سيئ غير صحيح

معروف ان الصين لديها درجات في الدقة والجودة

اتكل على الله وقولنا تجربتك