بليز اشتري ايه في حدود 160

**ساره رافت** · 14-03-2014 11:21 PM

محتاره بين العربيات دي كلهم عجبني جداا بس مش عارفه اختار
اسكودا رايبد اتوماتيك تويوتا كورولا 2013 هوندا سيتي فلوانس
مستخسره ادفع المبلغ ده في في عربيه كوري او صيني
ولا استني شويه بعد المعرض يمكن في عربيات جديده تنزل رايكم ايه

**devil_storm** · 15-03-2014 12:18 AM

سيبك من العربيات دي
سكودا رابيد خامتها زباله و سعر اعاده بيع واقع و قطع غيار حتدوخي عليها
هوندا سيتي زيها

ممكن تفكري في العربيات دي
تويوتا كرولا ٢٠١٣ بس تكون ياباني
كيا سيراتو ٢٠١٤
مازدا ٣ عربيه جميله بس لو مش حتبيعي قبل ٥ سنين و قطع غيارها برده حتتعبك شويه
فلوينس بس هي ضخمه شويه و مش مناسبه اوي للبنات ... بحس انها عائليه اكتر

**Mohamed.Hany** · 15-03-2014 12:34 AM

المشاركة الأصلية كتبت بواسطة ساره رافت

محتاره بين العربيات دي كلهم عجبني جداا بس مش عارفه اختار
اسكودا رايبد اتوماتيك تويوتا كورولا 2013 هوندا سيتي فلوانس
مستخسره ادفع المبلغ ده في في عربيه كوري او صيني
ولا استني شويه بعد المعرض يمكن في عربيات جديده تنزل رايكم ايه

انا شايفك مركزة قوي مع بلد صنع العربية
تويوتا كوروﻻ 2013 ياباني
هوندا سيتي تايلاندي
فلوانس تركي

**Mostafa Fahmy** · 15-03-2014 12:58 AM

1) الهوندا سيتى ممتازه طبعا

2) تويوتا كورولا

3) رينو فلوانس

4) اسكودا رابيد (مع انها جميله جدا طبعا ولو عايزه تعرفى عنها معلومات اكتر يبقى فى قسم الاسكودا هيفيدوكى)

و فكرى فى التويوتا ياريس 2014 ممتازه بردو

**xname2004** · 15-03-2014 01:52 AM

بيجو 2008 ( لو هتقدرى تستحملى وكيل بيجو ) بصراحه لو ما كنتش اشتريت الاسبوع اللى فات قشقاى كنت هأبدأ المغامره مع وكيل بيجو و كنت هاشتريها

فلوانس ( مش شايف ان فيها اى عيوب نهائى و كنت بالفعل هتشريها لآخر لحظه لولا طولها لانى كنت عاوز عربيه بالكتير4.3 الى 4.4 متر ) مش هيفرق معاكى الطول و ده اللى انا شايفه من العربيات اللى انتى بتقولى عليها ( عدا السيتى ) ان كلهم تقريبا نفس الطول يبقى توكلى على الله و هاتى الفلوانس

او تزودى شويه و تجيبى تويوتا 2014 ( استبعدتها ساعتها فقط علشان موضوع الارتفاع و اللى اتعدل دلوقتى )

غير منطقى ان يكون فى شكل جديد نزل بكماليات و تكنولوجيا جديده و ماتور جديدو تفكرى ف الشكل القديم و سعرها الحالى ده مبالغ فيه علشان العرض و الطلب مش معقول يكون فى موديل جديد فى اى بلد محترمه ف العالم بشكل جديد بكماليات مختلفه و و يكون الشكل القديم اقل منه ب 20 الف بس يعنى اصلا كل العربيات ف مصر اغلى من الطبيعى بطريقه بشعه لكن التويوتا 2013 اغلى بمعدل اكبر علشان ثقافه الشعب ( رأيى ان حاجه غلسه جدا ان فى جزء من فلوسك مدفوع علشان حاجه اغلى من الطبيعى علشان ثقافه الشعب الا لو هتبيعى قريب او يفرق جدا معاكى اعاده البيع )

**miceg** · 15-03-2014 02:02 AM

رينو فلوانس = الفانتازيا الجديدة
الفخامة دي وطول السيارة تديها طابع الباسات والبيجو 508 والمرسيدس وال bmw
بس لو هتشتري حاولي تزودي المبلغ 8 الاف جنيه واشتري الفئة الثالثة