رجرجة فى الفيفوريت

**tamer0101** · 15-03-2014 12:46 PM

اميارح رحت مشوار كنت بجرى شوية العادى بتاعى جوة البلد بتجيب ال 60 بالعافية على شان مافيش مجال للجرى المهم وانا راجع لقيت العربية بترجرج منى على مابين الغيار اخر الثانى واول الثالث مع العلم انى من شهر عامل تنظيف للكربيراتير وطقم بوجيهات ومظبط هوا وكهربا بنزين ...... مش عارف بقى الرجرجة ديه بيك ولا بوجيهات ولا طقم دبرياج ولا قواعد

**أحمد جودة** · 15-03-2014 01:46 PM

المشاركة الأصلية كتبت بواسطة tamer0101

اميارح رحت مشوار كنت بجرى شوية العادى بتاعى جوة البلد بتجيب ال 60 بالعافية على شان مافيش مجال للجرى المهم وانا راجع لقيت العربية بترجرج منى على مابين الغيار اخر الثانى واول الثالث مع العلم انى من شهر عامل تنظيف للكربيراتير وطقم بوجيهات ومظبط هوا وكهربا بنزين ...... مش عارف بقى الرجرجة ديه بيك ولا بوجيهات ولا طقم دبرياج ولا قواعد

لو بوجيهات أو بيك بيتهيائي التقطيع هيكون مستمر وعلى كل الغيارات

ولو فرضنا من الموبينة دة بردو التقطيع هيقبي كل ما العربية تسخن وعلى كل الغيارات

يتبقي طاقم الدبرياج بس ياتري الرجرجة دي بتحصل وانتا بتتحرك بالعربية من وضع الثبات لوضع الحركة ( الغيار الاول ) ؟؟؟ والسحب اخبارة اية

**sakr_skoda** · 15-03-2014 02:30 PM

راجع على قاعدة الموتور لو ثابتة يبقى خلاص امرك الى الله ممكن تكون حاجة من اثنين اما صليبة كوبلن واما كوبلن داخلى** وبعدين حاول تقرا موضوعاتى عن شد الفيفوريت لأنى تعرضت لنفس الموضوع الى ان حدث وسقطت عصاية الفتيس مع شداد الفتيس اثناء السير بسبب الرجرجة الجامدة وكان السبب قاعدة الموتور وقنطرة شداد الفتيس**

**أحمد جودة** · 15-03-2014 02:43 PM

المشاركة الأصلية كتبت بواسطة tamer0101

الرجرجة بتحصل بين الغيار الثانى والثالت يعنى مابي السرعة 35 الى 45 والسحب على المطالع صعيف ولاحظت الرجرجة بتزيد

من وجهة نظري وبقدر خبرتي البسيطة يمكن اسطوانة وديسك

**sakr_skoda** · 15-03-2014 02:51 PM

المشاركة الأصلية كتبت بواسطة tamer0101

طيب هو ايه الفرق بين كوبلن داخلى وخارجى اصل انا عندى الكوبلن الشمال بيطقطق لما امشى واكون لافف الدركسيون دورة كاملة بيطقطق على خفيف ....

الكوبلن الخارجى قطعة واحدة لو تلف بيظهر فى الملفات لاكن الكوبلن الداخلى جزئين صليبة وكوبلن داخلى اى تلف فى هاتين القطعتين يحدث تلك المشكلة***

**tamer0101** · 20-03-2014 05:08 PM

بعد تركيب الاسبراتير المكنة ظبطت بس فيه مشكلة تانية الموتور وهو على السلانسيه الار بى ام بيعلى ويوطى والموتور برده بيعلى ويقل مع ار بى ام وبسمع صوت زى فرقة خفيفة جدا من الشكمان الميكانيكى قالى المفروض تروح مشوار بالعربية علشان تنظف الماتور من الكربون ال اتكون على البساتم من اثر الاسبراتير القديم ال كان مش ظابط توقيت الاشارة كويس ومخلى البوجيهات طالعة مهببة المشكلة كده بقت فيين فى الكربراتير ولا ايه